അന്ന് ഞാന്‍ കരയാന്‍ തുടങ്ങി; ക്രിക്കറ്റ് ജീവിതത്തിലെ പ്രയാസമേറിയ സമയത്തെക്കുറിച്ച് പൂജാര


കരിയറില്‍ മാനസികാരോഗ്യത്തിന്റെ പ്രാധാന്യത്തെ കുറിച്ചും കരിയറില്‍ ഏറെ പ്രയാസപ്പെട്ട കാലത്തെ കുറിച്ചും വെളിപ്പെടുത്തല്‍ നടത്തിയിരിക്കുകയാണ് താരം

Photo By DAVID GRAY| AFP

ന്യൂഡല്‍ഹി: ടെസ്റ്റ് ക്രിക്കറ്റിലെ പ്രതിഭാധനരായ ബാറ്റ്‌സ്മാന്‍മാരില്‍ ഒരാളാണ് ഇന്ത്യന്‍ താരം ചേതേശ്വര്‍ പൂജാര. ഏത് പിച്ചിലാണെങ്കിലും ഇന്ത്യന്‍ ബാറ്റിങ്ങിന്റെ നെടുംതൂണാകാന്‍ കെല്‍പ്പുള്ള താരം. കഴിഞ്ഞ ഓസ്‌ട്രേലിയന്‍ പര്യടനത്തിലടക്കം ബാറ്റിങ്ങില്‍ പൂജാര നല്‍കിയ സംഭാവനകള്‍ മികച്ചതാണ്‌.

കരിയറില്‍ മാനസികാരോഗ്യത്തിന്റെ പ്രാധാന്യത്തെ കുറിച്ചും കരിയറില്‍ ഏറെ പ്രയാസപ്പെട്ട കാലത്തെ കുറിച്ചും വെളിപ്പെടുത്തല്‍ നടത്തിയിരിക്കുകയാണ് താരം. ഒരു യൂട്യൂബ് അഭിമുഖത്തിലായിരുന്നു പൂജാരയുടെ തുറന്നുപറച്ചില്‍.

''എനിക്ക് ആദ്യമായി പരിക്കേറ്റ സമയം, അതില്‍നിന്ന് മുക്തനാവാനെടുത്ത സമയമായിരുന്നു എന്റെ ക്രിക്കറ്റ് കരിയറിലെ ഏറ്റവും പ്രയാസമേറിയ കാലം. ടീം ഫിസിയോ വന്ന് പരിക്കിന്റെ ഗുരുതരാവസ്ഥയെക്കുറിച്ച് പറയുകയും ആറ് മാസത്തോളം പുറത്തിരിക്കേണ്ടി വരുമെന്ന് അറിയിക്കുകയും ചെയ്തപ്പോള്‍ ഞാന്‍ ആകെ അസ്വസ്ഥനായി. ഞാന്‍ കരയാന്‍ തുടങ്ങി. നെഗറ്റീവ് മാനസികാവസ്ഥയിലായിരുന്നു ആ സമയത്ത് ഞാന്‍. വീണ്ടും കളിക്കാനാവുമോ, അന്താരാഷ്ട്ര ക്രിക്കറ്റിലേക്ക് മടങ്ങിയെത്താനാവുമോ എന്നൊക്കെയായിരുന്നു എന്റെ വേവലാതികള്‍.'' - പൂജാര വ്യക്തമാക്കി.

''എന്നാല്‍ പതിയെ ഞാന്‍ കുടുംബാംഗങ്ങളോടും സുഹൃത്തുക്കളോടും സംസാരിക്കാന്‍ തുടങ്ങി. അവര്‍ പോസിറ്റീവ് പ്രതികരണങ്ങള്‍ തന്നു തുടങ്ങി. അതോടെ ഞാന്‍ ഭാവിയെ കുറിച്ച് വേവലാതിപ്പെടുന്നത് നിര്‍ത്തി നിലവിലെ അവസ്ഥയില്‍ ശ്രദ്ധ കേന്ദ്രീകരിക്കാന്‍ തുടങ്ങി.'' - അദ്ദേഹം കൂട്ടിച്ചേര്‍ത്തു.

മാനസിക പ്രയാസങ്ങള്‍ നേരിടുന്നുണ്ടെങ്കില്‍ അത് തുറന്നുപറയാന്‍ തയ്യാറാകണമെന്നും പൂജാര ചൂണ്ടിക്കാട്ടി. ശരിയായ സമയത്ത് സഹായം തേടുന്നതിലൂടെ ഒരാളുടെ ജീവിതത്തില്‍ അദ്ഭുതകരമായ മാറ്റങ്ങളുണ്ടാകുമെന്നും അദ്ദേഹം കൂട്ടിച്ചേര്‍ത്തു.

രാജ്യാന്തര ക്രിക്കറ്റിലെ കടുത്ത സമ്മര്‍ദം താങ്ങാനാകാതെ പലരും സ്‌പോര്‍ട്‌സ് സൈക്കോളജിസ്റ്റിന്റെ സഹായം തേടിയിട്ടുണ്ടെന്നും പൂജാര പറഞ്ഞു.

Content Highlights: Cheteshwar Pujara reveals the toughest time of his cricketing career

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
shane warne

1 min

'വോണുമായി ഞാന്‍ ഡേറ്റിങ്ങിലായിരുന്നു, ബന്ധം രഹസ്യമാക്കി സൂക്ഷിക്കാന്‍ അദ്ദേഹം പറഞ്ഞു'

Aug 17, 2022


Civic Chandran

1 min

ലൈംഗിക പ്രകോപനമുണ്ടാക്കുന്ന വസ്ത്രംധരിച്ചു; സിവിക് ചന്ദ്രന്‍ കേസില്‍ പരാതിനിലനില്‍ക്കില്ലെന്ന് കോടതി

Aug 17, 2022


satheesan-riyas

2 min

'കുതിരകയറാന്‍ നോക്കരുത്, തിരിച്ച് കിട്ടുമ്പോള്‍ കിടന്ന് മോങ്ങുന്നു'; സതീശനെതിരെ ആഞ്ഞടിച്ച് റിയാസ്

Aug 16, 2022

Most Commented