ഐ.പി.എല്ലിനായി സാധ്യമായതെല്ലാം ചെയ്യാന്‍ ബി.സി.സി.ഐ; അടച്ചിട്ട സ്റ്റേഡിയത്തില്‍ നടത്താനും തയ്യാര്‍


ടൂര്‍ണമെന്റ് നടത്താനുള്ള എല്ലാ സാധ്യതകളും ബി.സി.സി.ഐ പരിശോധിക്കുന്നുണ്ട്. ഇക്കാര്യം സംബന്ധിച്ച് എല്ലാ ക്രിക്കറ്റ് അസോസിയേഷനുകള്‍ക്കും ബോര്‍ഡ് കത്തയച്ചിട്ടുണ്ട്

Image Courtesy: IPL

ന്യൂഡല്‍ഹി: ഐ.പി.എല്‍ നടത്താന്‍ സാധ്യമായതെല്ലാം ചെയ്യാനൊരുങ്ങി ഇന്ത്യന്‍ ക്രിക്കറ്റ് ബോര്‍ഡ് (ബി.സി.സി.ഐ). അടച്ചിട്ട സ്റ്റേഡിയങ്ങളില്‍ ടൂര്‍ണമെന്റ് നടത്തുന്നതടക്കമുള്ള സാധ്യമായ കാര്യങ്ങളെല്ലാം ഐ.പി.എല്‍ ഈ വര്‍ഷം തന്നെ നടത്താനായി ചെയ്യാനൊരുക്കമാണെന്ന് ബി.സി.സി.ഐ പ്രസിഡന്റ് സൗരവ് ഗാംഗുലി പറഞ്ഞു.

ക്രിക്കറ്റ് പ്രേമികള്‍ക്ക് പ്രതീക്ഷയേകുന്ന വാക്കുകളാണ് ഗാംഗുലിയില്‍ നിന്നുണ്ടായത്. ടൂര്‍ണമെന്റ് നടത്താനുള്ള എല്ലാ സാധ്യതകളും ബി.സി.സി.ഐ പരിശോധിക്കുന്നുണ്ട്. ഇക്കാര്യം സംബന്ധിച്ച് എല്ലാ ക്രിക്കറ്റ് അസോസിയേഷനുകള്‍ക്കും ബോര്‍ഡ് കത്തയച്ചിട്ടുണ്ട്.

ഈ വര്‍ഷം തന്നെ ഐ.പി.എല്‍ സംഘടിപ്പിക്കാനുള്ള തീവ്രശ്രമത്തിലാണ് ബോര്‍ഡ്. ഇതിനായുള്ള എല്ലാ സാധ്യതകളും പരിശോധിക്കും. കാണികണില്ലാതെ ഒഴിഞ്ഞ സ്‌റ്റേഡിയത്തില്‍ മത്സരങ്ങള്‍ നടത്താനും ബി.സി.സി.ഐ ഒരുക്കമാണ്. ആരാധകര്‍, ഫ്രാഞ്ചൈസികള്‍, താരങ്ങള്‍, ബ്രോഡ്കാസ്റ്റര്‍മാര്‍, സ്പോണ്‍സര്‍മാര്‍, മറ്റു ഓഹരി ഉടമകള്‍ എന്നിവരെല്ലാം ഐ.പി.എല്‍ ഈ വര്‍ഷം തന്നെ നടക്കണമെന്ന് ആഗ്രഹിക്കുന്നവരാണ്. ശുഭപ്രതീക്ഷയിലാണെന്നും ഐ.പി.എല്ലിന്റെ ഭാവിയെക്കുറിച്ച് അധികം വൈകാതെ തന്നെ ബോര്‍ഡ് തീരുമാനം കൈക്കൊള്ളുമെന്നും ഗാംഗുലി കത്തില്‍ പറയുന്നു.

മാര്‍ച്ച് 29-നായിരുന്നു ടൂര്‍ണമെന്റിന്റെ 13-ാം സീസണ്‍ ആരംഭിക്കേണ്ടിയിരുന്നത്. എന്നാല്‍ കോവിഡ് 19 രോഗവ്യാപനത്തെ തുടര്‍ന്ന് അത് ഏപ്രിലിലേക്ക് നീട്ടി. എന്നാല്‍ പിന്നീട് രാജ്യത്ത് ലോക്ക്ഡൗണ്‍ നിലവില്‍ വന്നതോടെ ടൂര്‍ണമെന്റ് അനിശ്ചിത കാലത്തേക്കു മാറ്റിവെയ്ക്കുകയായിരുന്നു.

Content Highlights: BCCI looking at all possible options to stage IPL this year Sourav Ganguly


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
KSRTC

1 min

നേരിടാന്‍ കര്‍ശന നടപടി സ്വീകരിച്ച് കെഎസ്ആര്‍ടിസി; ജീവനക്കാരുടെ പണിമുടക്ക് പിന്‍വലിച്ചു

Sep 30, 2022


05:02

ഭാര്യയുമായി പിണങ്ങി താമസിച്ച 65-കാരന്‍ മരിച്ചു; തെളിഞ്ഞത് ദാരുണമായ കൊലപാതകം

Sep 30, 2022


19:18

ദേശീയതയുടെ പേരിൽ ഭിന്നിപ്പുണ്ടാക്കുന്നവരെ തുറന്നുകാണിക്കുന്ന സിനിമയാണ് 'മൂസ' | Suresh Gopi | Talkies

Sep 30, 2022

Most Commented