രമേഷ് പവാര്‍ വീണ്ടും ഇന്ത്യന്‍ വനിതാ ക്രിക്കറ്റ് ടീം പരിശീലകന്‍


ബി.സി.സി.ഐയുടെ മൂന്നംഗ ക്രിക്കറ്റ് ഉപദേശക സമിതിയാണ് പവാറിനെ വനിതാ ടീം പരിശീലകനായി തിരഞ്ഞെടുത്തത്

-

മുംബൈ: ഇന്ത്യന്‍ വനിതാ ക്രിക്കറ്റ് ടീം മുഖ്യ പരിശീലകനായി മുന്‍ താരം കൂടിയായ രമേഷ് പവാറിനെ നിയമിച്ചു. ഇത് രണ്ടാം തവണയാണ് പവാര്‍ പരിശീലക സ്ഥാനത്തെത്തുന്നത്. 2018-ല്‍ വെസ്റ്റിന്‍ഡീസില്‍ നടന്ന ട്വന്റി 20 ലോകകപ്പില്‍ ഇന്ത്യയെ പരിശീലിപ്പിച്ചത് പവാറായിരുന്നു. ഡബ്ല്യു.വി രാമന് പകരമാണ് പവാറിന്റെ നിയമനം. 2018 മുതല്‍ 2021 വരെ ടീമിനെ പരിശീലിപ്പിച്ചത് രാമനായിരുന്നു.

ബി.സി.സി.ഐയുടെ മൂന്നംഗ ക്രിക്കറ്റ് ഉപദേശക സമിതിയാണ് പവാറിനെ വനിതാ ടീം പരിശീലകനായി തിരഞ്ഞെടുത്തത്. സുലക്ഷണ നായിക്, മദന്‍ ലാല്‍, ആര്‍.പി സിങ് എന്നിവരടങ്ങിയ ഉപദേശക സമിതി അപേക്ഷകരുമായി അഭിമുഖം നടത്തി ഐകകണ്‌ഠ്യേനയാണ് പവാറിന്റെ പേര് നിര്‍ദേശിച്ചത്.

ഇംഗ്ലണ്ട് പര്യടനമാണ് നിയുക്ത പരിശീലകന്റെ മുന്നിലുള്ള ആദ്യ ദൗത്യം. ഇന്ത്യന്‍ വനിതകള്‍ ഒരു ടെസ്റ്റും മൂന്ന് ഏകദിനങ്ങളും ട്വന്റി 20 മത്സരങ്ങളും ഇംഗ്ലണ്ടില്‍ കളിക്കും. ഇംഗ്ലണ്ട് പര്യടനത്തിനുള്ള ടീമിനെ വരുംദിവസങ്ങളില്‍ സെലക്ടര്‍മാര്‍ പ്രഖ്യാപിക്കും.

മുന്‍ ഇന്ത്യന്‍ താരമായ പവാര്‍ രണ്ടു ടെസ്റ്റുകളും 31 ഏകദിനങ്ങളും കളിച്ചിട്ടുണ്ട്. പിന്നീട് കോച്ചിങ്ങിലേക്ക് തിരിഞ്ഞ അദ്ദേഹം ഇസിബി ലെവല്‍ 2 സര്‍ട്ടിഫൈഡ് പരിശീലകനാണ്. നേരത്തെ 2018 ജൂലായ് മുതല്‍ നവംബര്‍ വരെ ഇന്ത്യന്‍ വനിതാ ടീമിനെ പരിശീലിപ്പിച്ചിരുന്നു. അദ്ദേഹം പരിശീലകനായിരിക്കുമ്പോഴാണ് ഇന്ത്യ 2018-ല്‍ വെസ്റ്റിന്‍ഡീസില്‍ നടന്ന ട്വന്റി 20 ലോകകപ്പിന്റെ സെമിഫൈനലിന് യോഗ്യത നേടിയത്.

Content Highlights: BCCI appoints Ramesh Powar as head coach of Indian women s cricket team


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

22:40

എന്റെ റൂംമേറ്റാണ് ഐഎഎസും ഐപിഎസും എന്താണെന്നെന്നെ പഠിപ്പിച്ചത് - കളക്ടർ കൃഷ്ണ തേജ | Interview Part 1

Sep 28, 2022


11:48

ബ്രിട്ടന്‍, യു.കെ, ഇംഗ്ലണ്ട്... ഇതൊക്കെ രാജ്യങ്ങളാണോ? കണ്‍ഫ്യൂഷന്‍ തീര്‍ക്കാം | Inside Out

Sep 27, 2022


pfi

1 min

തീരുമാനം അംഗീകരിക്കുന്നു: പോപ്പുലര്‍ ഫ്രണ്ട് പിരിച്ചുവിട്ടതായി സംസ്ഥാന സെക്രട്ടറി

Sep 28, 2022

Most Commented