Photo: twitter.com/ICC
മിര്‍പുര്‍: അഫ്ഗാനിസ്താനെതിരായ ട്വന്റി 20 ക്രിക്കറ്റ് പരമ്പരയിലെ ആദ്യ മത്സരത്തില്‍ ആതിഥേയരായ ബംഗ്ലാദേശിന് തകര്‍പ്പന്‍ വിജയം. അഫ്ഗാനെ 61 റണ്‍സിനാണ് ബംഗ്ലാദേശ് പരാജയപ്പെടുത്തിയത്. ബംഗ്ലാദേശ് ഉയര്‍ത്തിയ 156 റണ്‍സ് വിജയലക്ഷ്യത്തിലേക്ക് ബാറ്റേന്തിയ അഫ്ഗാനിസ്താന്‍ വെറും 94 റണ്‍സിന് ഓള്‍ ഔട്ടായി.
ഇതോടെ രണ്ട് മത്സരങ്ങളടങ്ങിയ പരമ്പരയില്‍ ബംഗ്ലാദേശ് മുന്നിലെത്തി. സ്‌കോര്‍ ബംഗ്ലാദേശ് 20 ഓവറില്‍ എട്ടിന് 155. അഫ്ഗാനിസ്താന്‍ 17.4 ഓവറില്‍ 94 ന് ഓള്‍ ഔട്ട്.
ടോസ് നേടി ബാറ്റിങ് ആരംഭിച്ച ബംഗ്ലാദേശിനുവേണ്ടി 44 പന്തുകളില്‍ നിന്ന് 60 റണ്‍സെടുത്ത ലിട്ടണ്‍ ദാസ് തകര്‍പ്പന്‍ ബാറ്റിങ് കാഴ്ചവെച്ചു. നാല് ഫോറും രണ്ട് സിക്‌സും താരത്തിന്റെ ബാറ്റില്‍ നിന്ന് പിറന്നു. 25 റണ്‍സെടുത്ത അഫീഫ് ഹൊസെയ്‌നും ഭേദപ്പെട്ട പ്രകടനം കാഴ്ചവെച്ചു. അഫ്ഗാനുവേണ്ടി അസ്മത്തുള്ള ഒമര്‍സായി, ഫസല്‍ഹഖ് ഫാറൂഖി എന്നിവര്‍ രണ്ട് വിക്കറ്റെടുത്തു. സൂപ്പര്‍ താരം റാഷിദ് ഖാന്‍ നാലോവറില്‍ വെറും 15 റണ്‍സ് മാത്രം വിട്ടുനല്‍കി ഒരു വിക്കറ്റെടുത്തു.
156 റണ്‍സ് വിജയലക്ഷ്യവുമായി മറുപടി ബാറ്റിങ്ങിനിറങ്ങിയ അഫ്ഗാന് ഒരു ഘട്ടത്തില്‍ പോലും വിജയപ്രതീക്ഷ നിലനിര്‍ത്താനായില്ല. 27 റണ്‍സെടുത്ത നജീബുള്ള സദ്രാനാണ് ടീമിന്റെ ടോപ് സ്‌കോറര്‍. 20 റണ്‍സെടുത്ത ഒമര്‍സായിയും ഭേദപ്പെട്ട പ്രകടനം പുറത്തെടുത്തു. വെറും മൂന്ന് പേര്‍ മാത്രമാണ് അഫ്ഗാന് വേണ്ടി രണ്ടക്കം കണ്ടത്.
ബംഗ്ലാദേശിനുവേണ്ടി നസും അഹമ്മദ് തകര്‍പ്പന്‍ ബൗളിങ് കാഴ്ചവെച്ചു. നാലോവറില്‍ വെറും 10 റണ്‍സ് മാത്രം വിട്ടുനല്‍കിയ അഹമ്മദ് നാല് വിക്കറ്റ് പിഴുതെടുത്തു. മൂന്ന് വിക്കറ്റെടുത്ത ഷൊഫിയുള്‍ ഇസ്ലാമും രണ്ട് വിക്കറ്റ് വീഴ്ത്തിയ ഷാക്കിബ് അല്‍ ഹസ്സനും മികച്ച പ്രകടനം പുറത്തെടുത്തു.
പരമ്പരയിലെ അടുത്ത മത്സരം മാര്‍ച്ച് അഞ്ചിന് നടക്കും.
Content Highlights: bangladesh beat afghanistan by 61 runs in first twenty 20 international
Also Watch
RELATED STORIES
.jpg?$p=cc29bd4&f=1x1&w=100&q=0.8)
.jpg?$p=eacdd91&f=1x1&w=100&q=0.8)
IN CASE YOU MISSED IT
.jpg?$p=1990e2a&f=1x1&w=100&q=0.8)
.jpg?$p=a80322e&f=1x1&w=100&q=0.8)
.jpg?$p=f718403&q=0.8&f=16x11&w=104)
.jpg?$p=400be31&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..