നാലാം ആഷസിന്റെ ആദ്യ ദിനം മഴ കവര്‍ന്നു; ഓസീസ് മൂന്നിന് 126


സ്മിത്ത് ആറുറണ്‍സെടുത്തും ഖവാജ നാല് റണ്‍സ് നേടിയും പുറത്താവാതെ നില്‍ക്കുന്നു

Photo: twitter.com/ICC

സിഡ്‌നി: ഇംഗ്ലണ്ടിനെതിരായ ആഷസ് ടെസ്റ്റ് പരമ്പരയിലെ നാലാം മത്സരത്തില്‍ മഴ വില്ലനായി. ആദ്യ ദിനം വെറും 46.5 ഓവര്‍ മാത്രമാണ് കളി നടന്നത്. ആദ്യ ദിനം മത്സരം അവസാനിക്കുമ്പോള്‍ ഓസ്‌ട്രേലിയ മൂന്ന് വിക്കറ്റ് നഷ്ടത്തില്‍ 126 റണ്‍സെടുത്തിട്ടുണ്ട്.

ടോസ് നേടി ബാറ്റിങ് ആരംഭിച്ച ഓസീസിനുവേണ്ടി ഭേദപ്പെട്ട തുടക്കമാണ് ഓപ്പണര്‍മാരായ ഡേവിഡ് വാര്‍ണറും മാര്‍ക്കസ് ഹാരിസും ചേര്‍ന്ന് നല്‍കിയത്. ഇരുവരും ആദ്യ വിക്കറ്റില്‍ 51 റണ്‍സ് കൂട്ടിച്ചേര്‍ത്തു. എന്നാല്‍ ഡേവിഡ് വാര്‍ണറെ മടക്കി സ്റ്റ്യൂവര്‍ട്ട് ബ്രോഡ് ഓസീസിന് ആദ്യ പ്രഹരമേല്‍പ്പിച്ചു.

72 പന്തുകളില്‍ നിന്ന് 30 റണ്‍സെടുത്ത വാര്‍ണറെ ബ്രോഡ് സാക്ക് ക്രോളിയുടെ കൈയ്യിലെത്തിച്ചു. പിന്നീട് ക്രീസിലെത്തിയ മാര്‍നസ് ലബൂഷെയ്‌നിനെ കൂട്ടുപിടിച്ച് ഹാരിസ് ടീം സ്‌കോര്‍ 100 കടത്തി. എന്നാല്‍ സ്‌കോര്‍ 111-ല്‍ നില്‍ക്കേ 38 റണ്‍സെടുത്ത ഹാരിസ് പുറത്തായി. ജെയിംസ് ആന്‍ഡേഴ്‌സണിന്റെ പന്തില്‍ ജോ റൂട്ടിന് ക്യാച്ച് നല്‍കി ഹാരിസ് മടങ്ങി.

പിന്നാലെ ലബൂഷെയ്‌നും വിക്കറ്റ് കളഞ്ഞതോടെ ഓസീസ് പരുങ്ങി. 28 റണ്‍സെടുത്ത ലബൂഷെയ്‌നിനെ മാര്‍ക്ക് വുഡ് ജോസ് ബട്ട്‌ലറുടെ കൈയ്യിലെത്തിച്ചു. മൂന്ന് വിക്കറ്റ് നഷ്ടമായശേഷം ക്രീസിലൊന്നിച്ച സ്റ്റീവ് സ്മിത്തും ഉസ്മാന്‍ ഖവാജയും ബാറ്റ് ചെയ്യുമ്പോഴാണ് മഴ വില്ലനായി അവതരിച്ചത്. സ്മിത്ത് ആറ് റണ്‍സെടുത്തും ഖവാജ നാല് റണ്‍സ് നേടിയും പുറത്താവാതെ നില്‍ക്കുന്നു.

ഇംഗ്ലണ്ടിനുവേണ്ടി ബ്രോഡ്, ആന്‍ഡേഴ്‌സണ്‍, വുഡ് എന്നിവര്‍ ഓരോ വിക്കറ്റ് വീതം വീഴ്ത്തി. ആദ്യ മൂന്ന് ടെസ്റ്റിലും വിജയിച്ച ഓസ്‌ട്രേലിയ നേരത്തേ പരമ്പര സ്വന്തമാക്കിയിട്ടുണ്ട്.

Content Highlights: Australia vs England Ashes fourth test day one result


Also Watch

Add Comment
Related Topics

Get daily updates from Mathrubhumi.com

Newsletter
Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
Malala Yousafzai

2 min

ഭര്‍ത്താവിന്റെ അഴുക്കുപിടിച്ച സോക്‌സുകള്‍ സോഫയില്‍; വേസ്റ്റ് ബിന്നിലേക്ക് വലിച്ചെറിഞ്ഞെന്ന് മലാല

Feb 5, 2023


nirmala sitharaman

1 min

പ്രത്യേക പരിഗണനയില്ല; അദാനിക്ക് കേരളത്തിലടക്കം പദ്ധതികള്‍ നല്‍കിയത് BJP ഇതര സര്‍ക്കാര്‍-ധനമന്ത്രി

Feb 6, 2023


.

1 min

ഇഡ്ഡലിയോട് ഈ കടുംകൈ വേണ്ടെന്ന് വിമര്‍ശനം; പാഴായി പരീക്ഷണം

Feb 5, 2023

Most Commented