അപൂര്‍വരംഗത്തിന് വേദിയായി ആഷസ്, സിഡ്‌നി ടെസ്റ്റില്‍ കമന്റേറ്ററായി ഓസ്‌ട്രേലിയന്‍ പ്രധാനമന്ത്രി


മോറിസണിന്റെ വരവ് ക്രിക്കറ്റ് ആരാധകര്‍ക്ക് വലിയ അമ്പരപ്പാണ് സമ്മാനിച്ചത്

ഗ്യാലറിയിൽ നിന്ന് മത്സരം വീക്ഷിക്കുന്ന മോറിസൺ | Photo: AFP

സിഡ്‌നി: ഇംഗ്ലണ്ട്-ഓസ്‌ട്രേലിയ ആഷസ് പരമ്പരയിലെ നാലാം ടെസ്റ്റ് സംഭവബഹുലമായി തുടരുകയാണ്. സ്‌റ്റോക്‌സിന്റെ വിക്കറ്റിലിടിച്ച പന്തിന്റെ വിവാദം കെട്ടടങ്ങും മുന്‍പ് ക്രിക്കറ്റ് പ്രേമികളെ ഞെട്ടിച്ചുകൊണ്ട് പുതിയൊരു വാര്‍ത്ത പുറത്തുവന്നു.

നാലാം ടെസ്റ്റിന്റെ മൂന്നാം ദിനം കമന്ററി ബോക്‌സിലേക്ക് നിനച്ചിരിക്കാതെ വലിയൊരു അതിഥി കയറിവന്നു. കൈയ്യില്‍ മൈക്കും പിടിച്ച് ഇയര്‍ഫോണ്‍ അണിഞ്ഞുകൊണ്ട് ആ അതിഥി ക്രിക്കറ്റ് കമന്ററി പറയാനാരംഭിച്ചു. സിഡ്‌നിയിലെ കമന്ററി ബോക്‌സിലെത്തിയത് സാക്ഷാല്‍ ഓസ്‌ട്രേലിയന്‍ പ്രധാനമന്ത്രി സ്‌കോട്ട് മോറിസണായിരുന്നു.



മോറിസണിന്റെ വരവ് ക്രിക്കറ്റ് ആരാധകര്‍ക്ക് വലിയ അമ്പരപ്പാണ് സമ്മാനിച്ചത്. കമന്ററി ബോക്‌സില്‍ ആദം ഗില്‍ക്രിസ്റ്റിനും ഇഷ ഗുഹയ്ക്കുമൊപ്പം സമയം ചെലവഴിച്ച മോറിസണ്‍ മഗ്രാത്ത് ഫൗണ്ടേഷന് 40 മില്യണ്‍ ഓസ്‌ട്രേലിയന്‍ ഡോളറിന്റെ (ഏകദേശം 200 കോടി രൂപ) ധനസഹായവും വാഗ്ദാനം ചെയ്തു.

മുന്‍ ഓസീസ് താരം ഗ്ലെന്‍ മഗ്രാത്തിന്റെ കീഴില്‍ ബ്രസ്റ്റ് ക്യാന്‍സര്‍ ബാധിച്ച രോഗികളെയും വിദ്യാഭ്യാസത്തിന് ബുദ്ധിമുട്ടുന്ന വിദ്യാര്‍ഥികളെയും സഹായിക്കാനായി ആരംഭിച്ച സംഘടനയാണ് മഗ്രാത്ത് ഫൗണ്ടേഷന്‍. മഗ്രാത്തിന്റെ ക്ഷണം സ്വീകരിച്ചാണ് മോറിസണ്‍ കളികാണാനായി എത്തിയത്. മത്സരത്തില്‍ വെള്ളയും പിങ്കും നിറമുള്ള ജഴ്‌സിയണിഞ്ഞ് ഓസീസ് ടീം മഗ്രാത്ത് ഫൗണ്ടേഷന് പിന്തുണ പ്രഖ്യാപിച്ചിരുന്നു.

' മഗ്രാത്ത് ഫൗണ്ടേഷന്‍ വലിയ പ്രവര്‍ത്തനങ്ങളാണ് നടത്തുന്നത്. മഗ്രാത്തിനൊപ്പം സര്‍ക്കാരും കൈകോര്‍ക്കുന്നു. അതിഥികളായി കളിക്കാനെത്തുന്ന എല്ലാ ക്രിക്കറ്റ് ടീമുകളും മഗ്രാത്ത് ഫൗണ്ടേഷനെ പിന്തുണയ്ക്കുന്നു. അത് വലിയ നേട്ടമാണ്' - മോറിസണ്‍ പറഞ്ഞു. ഇതാദ്യമായല്ല മോറിസണ്‍ ക്രിക്കറ്റ് ഗ്രൗണ്ടിലെത്തുന്നത്. 2019-ല്‍ ശ്രീലങ്കയ്‌ക്കെതിരായ പരിശീലന മത്സരത്തില്‍ പ്രൈം മിനിസ്റ്റേഴ്‌സ് ഇലവന്‍ എന്ന ടീമിനെ മോറിസണ്‍ അണിയിച്ചൊരുക്കിയിരുന്നു. അന്ന് വാട്ടര്‍ ബോയിയായി ഗ്രൗണ്ടിലെത്തി അദ്ദേഹം ആരാധകരെ ഞെട്ടിച്ചു.

Content Highlights: Australia PM Scott Morrison turns commentator during Ashes; shares mic with Adam Gilchrist, Isa Guha


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
nazer faizy koodathayi

2 min

'പോര്‍ച്ചുഗല്‍ അധിനിവേശം നടത്തിയ രാജ്യം, എതിര്‍പ്പ് വഴിവിട്ട ആരാധനയോട്'; വിശദീകരണവുമായി സമസ്ത

Nov 25, 2022


vote

5 min

അടുത്തവര്‍ഷം ലോക്‌സഭാ തിരഞ്ഞെടുപ്പ്; ഇത്തവണ ഒരു രാജ്യം ഒരു തിരഞ്ഞെടുപ്പോ?

Nov 25, 2022


arif muhammad khan

1 min

രാജ്ഭവനിലെ അതിഥിസത്കാരം: നാല് വര്‍ഷത്തിനിടെ 9 ലക്ഷത്തോളം ചെലവഴിച്ചെന്ന് കണക്കുകള്‍

Nov 25, 2022

Most Commented