Photo: PTI
ദുബായ്: 2023 ഏഷ്യ കപ്പ് ക്രിക്കറ്റിന് ആതിഥേയത്വം വഹിക്കാനിരുന്ന പാകിസ്താന് തിരിച്ചടി. പാകിസ്താനില്‍ നിന്ന് ഏഷ്യ കപ്പ് ശ്രീലങ്കയിലേക്ക് മാറ്റിയേക്കുമെന്ന റിപ്പോര്‍ട്ട് പുറത്തുവന്നു.
പാകിസ്താന്റെ അപേക്ഷ ഏഷ്യന്‍ ക്രിക്കറ്റ് കൗണ്‍സില്‍ തള്ളി (എ.സി.സി). ഹൈബ്രിഡ് മോഡലില്‍ ഏഷ്യ കപ്പ് നടത്താനുള്ള പദ്ധതികളാണ് പാകിസ്താന്റെ പക്കലുണ്ടായിരുന്നത്. ഇത് എ.സി.സി അംഗീകരിച്ചില്ലെന്നാണ് റിപ്പോര്‍ട്ടുകള്‍ വ്യക്തമാക്കുന്നത്. പാകിസ്താന് പകരം ശ്രീലങ്കയാണ് ഇപ്പോള്‍ വേദിയാകാന്‍ മുന്നിട്ടുനില്‍ക്കുന്നത്. ആറ് രാജ്യങ്ങളാണ് ഏഷ്യ കപ്പില്‍ മത്സരിക്കുന്നത്.
സെപ്റ്റംബര്‍ രണ്ട് മുതല്‍ 17 വരെയാണ് ഏഷ്യ കപ്പ് നടക്കുന്നത്. പാകിസ്താന് സ്വന്തം മണ്ണിലും യു.എ.ഇയിലും വെച്ച് ഏഷ്യ കപ്പ് നടത്താനാണ് പദ്ധതിയിട്ടത്. ഇന്ത്യന്‍ താരങ്ങള്‍ക്ക് പാകിസ്താനില്‍ കളിക്കാനുള്ള അനുമതിയില്ല. അതുകൊണ്ട് ഇന്ത്യയുടെ മത്സരങ്ങള്‍ യു.എ.ഇയില്‍ വെച്ച് നടത്താനാണ് പാകിസ്താന് പദ്ധതിയിട്ടത്. എന്നാല്‍ സെപ്റ്റംബറില്‍ യു.എ.ഇയില്‍ കടുത്ത ചൂടായിരിക്കുമെന്നും ഇത് താരങ്ങളെ പ്രതികൂലമായി ബാധിക്കുമെന്നും എ.സി.സി വ്യക്തമാക്കിയതായി റിപ്പോര്‍ട്ട് സൂചിപ്പിക്കുന്നു.
പാകിസ്താന് ഏഷ്യ കപ്പില്‍ നിന്ന് പിന്മാറാനുള്ള സാധ്യതയുണ്ടെന്നും വിവിധ മാധ്യമങ്ങള്‍ റിപ്പോര്‍ട്ട് ചെയ്തു. ഇതുവരെ എ.സി.സി ഔദ്യോഗികമായി വേദിയുടെ മാറ്റം സ്ഥിരീകരിച്ചിട്ടില്ല. എ.സി.സി ചെയര്‍മാന്‍ ജയ് ഷാ ഉടന്‍ തന്നെ ഇക്കാര്യത്തില്‍ വ്യക്തത വരുത്തും.
Content Highlights: Asia Cup Likely To Be Moved Out Of Pakistan
Also Watch
RELATED STORIES
IN CASE YOU MISSED IT
.jpg?$p=e4e93ab&f=1x1&w=100&q=0.8)
.jpg?$p=e4e93ab&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..