ഓസ്‌ട്രേലിയയ്‌ക്കെതിരേ പൂജാര പന്തെറിയുന്നു | Photo: twitter.com/mufaddal_vohra
അഹമ്മദാബാദ്: ഓസ്‌ട്രേലിയയ്‌ക്കെതിരായ നാലാം ടെസ്റ്റിന് ശേഷം ചേതേശ്വര്‍ പൂജാരയെ 'ട്രോളി' സ്പിന്നര്‍ ആര്‍.അശ്വിന്‍. മത്സരത്തിന്റെ അവസാന ദിനം പൂജാര പന്തെറിയാനെത്തിയിരുന്നു. ഇതിനുശേഷമാണ് അശ്വിന്‍ താരത്തെ ട്രോളിയത്.
ഓസ്‌ട്രേലിയ രണ്ടാം ഇന്നിങ്‌സില്‍ ബാറ്റുചെയ്യുന്നതിനിടെ നായകന്‍ രോഹിത് ശര്‍മ പന്തെറിയാനായി പൂജാരയെ ഏല്‍പ്പിച്ചു. ബാറ്റര്‍ മാത്രമായ പൂജാര പന്തെറിയുന്നത് കണ്ട് ആരാധകര്‍ അമ്പരന്നു. സ്പിന്‍ ബൗളിങ്ങാണ് പൂജാര കാഴ്ചവെച്ചത്. ഇതിനുപിന്നാലെയാണ് അശ്വിന്റെ കമന്റെത്തിയത്. ' ഞാനിനി എന്ത് ചെയ്യും? ജോലി ഉപേക്ഷിച്ചാലോ?' അശ്വിന്‍ സമൂഹമാധ്യമങ്ങളിലൂടെ പങ്കുവെച്ചു. അശ്വിന്റെ ഈ ട്രോള്‍ ചുരുങ്ങിയ നിമിഷം കൊണ്ട് വൈറലായി.
പിന്നാലെ പൂജാരയുടെ മറുപടിയുമെത്തി. ജോലി ഉപേക്ഷിക്കേണ്ടെന്നും നാഗ്പുര്‍ ടെസ്റ്റില്‍ വണ്‍ ഡൗണ്‍ ആയി അശ്വിന്‍ ഇറങ്ങിയതിനുള്ള നന്ദി സൂചകമായാണ് പന്തെറിഞ്ഞതെന്നും പൂജാര നര്‍മത്തില്‍ കലര്‍ന്ന വാക്കുകളിലൂടെ മറുപടി നല്‍കി. ഈ രണ്ട് പോസ്റ്റുകളും ആരാധകര്‍ ഏറ്റെടുത്തുകഴിഞ്ഞു.
നാലാം ടെസ്റ്റ് സമനിലയില്‍ കലാശിക്കുകയും ഇന്ത്യ ഓസ്‌ട്രേലിയയ്‌ക്കെതിരേ പരമ്പര നേടുകയും ചെയ്തു. ടൂര്‍ണമെന്റിലെ താരമായി അശ്വിനും ജഡേജയും തിരഞ്ഞെടുക്കപ്പെട്ടു. അശ്വിന്‍ നാല് ടെസ്റ്റില്‍ നിന്നായി 25 വിക്കറ്റുകളാണ് വീഴ്ത്തിയത്.
Content Highlights: ashwin trolls cheteswar pujara during fourth test
Also Watch
RELATED STORIES
.jpg?$p=8896326&f=1x1&w=100&q=0.8)
.jpg?$p=e1fda36&f=1x1&w=100&q=0.8)
.jpg?$p=7c255b7&f=1x1&w=100&q=0.8)
IN CASE YOU MISSED IT
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..