ദുബായ്: ഇന്ത്യയും പാകിസ്താനും തമ്മിലുള്ള മത്സരം ആരാധകര്‍ക്ക് നല്‍കുന്ന ആവേശം ചെറുതല്ല. ക്രിക്കറ്റില്‍ ഇത്രയും ഓളമുണ്ടാക്കുന്ന മത്സരം വേറെയുണ്ടാകില്ല. ദുബായ് അന്താരാഷ്ട്ര സ്‌റ്റേഡിയത്തില്‍ നടന്ന ഇന്ത്യ-പാക് ഏഷ്യാ കപ്പ് പോരാട്ടത്തിലും ഈ ആവേശം കണ്ടു. ഇന്ത്യന്‍ ബൗളര്‍മാരുടെ മുന്നില്‍ കാലിടറി പാകിസ്താന്‍ എട്ടു വിക്കറ്റ് പരാജയം ഏറ്റുവാങ്ങിയപ്പോള്‍ ഒരിന്ത്യന്‍ താരം പാക് താരത്തിന് മുന്നില്‍ മുട്ടുകുത്തിയിരുന്നു. പക്ഷേ ആ മുട്ടുകുത്തലില്‍ ഇന്ത്യന്‍ താരം ഒരേസമയം ഇന്ത്യന്‍ ആരാധകരുടേയും പാക് ആരാധകരുടേയും ഹൃദയം കവര്‍ന്നു.
മത്സരത്തിനിടയിലെ മനോഹര നിമിഷങ്ങളിലൊന്നായിരുന്നു അത്. പാക് താരം ഉസ്മാന്‍ ഖാന്റെ ഷൂ ലെയ്‌സ് അഴിഞ്ഞതിനെ തുടര്‍ന്ന് അത് കെട്ടിക്കൊടുക്കുകയായിരുന്നു ഇന്ത്യന്‍ താരം യുസ്‌വേന്ദ്ര ചാഹല്‍. നിമിഷനേരത്തിനുള്ളില്‍ ഈ ചിത്രം സോഷ്യല്‍ മീഡിയയില്‍ നിറഞ്ഞു. പിന്നീട് ഇന്ത്യന്‍ താരത്തെ അഭിനന്ദിച്ചുള്ള പോസ്റ്റുകളായിരുന്നു നിറയെ.
പാക് ഇന്നിങ്‌സിന്റെ 42-ാം ഓവറിലാണ് സംഭവം. ഒമ്പത് വിക്കറ്റ് നഷ്ടമായ പാകിസ്താന്‍ ചെറിയ സ്‌കോറിന് പുറത്താകുന്നതിന്റെ വക്കിലായിരുന്നു. ഇതിനിടയില്‍ ക്രീസിലുണ്ടായിരുന്ന പാക് ബാറ്റ്‌സ്മാന്‍ ഉസ്മാന്‍ ഖാന്റെ ഷൂ ലെയ്‌സ് അഴിഞ്ഞു പോയി. ബോള്‍ ചെയ്യുകയായിരുന്ന ചാഹല്‍ ഉടന്‍ തന്നെ സഹായത്തിനെത്തി. ഇന്ത്യ-പാക് മത്സരത്തിലെ ഏറ്റവും മനോഹരമായ നിമിഷമെന്നാണ് ആരാധകര്‍ ഈ ചിത്രത്തെ വിശേഷിപ്പിച്ചത്.
Content Highlights: An Indian Player Tied the Shoe Lace of a Pakistani Player On Field
കൂടുതല്‍ കായിക വാര്‍ത്തകള്‍ക്കും ഫീച്ചറുകള്‍ക്കുമായി വാട്ട്‌സ്ആപ്പ് ഗ്രൂപ്പില്‍ ജോയിന്‍ ചെയ്യൂ... https://mbi.page.link/1pKR
Also Watch
RELATED STORIES
.jpg?$p=1990e2a&f=1x1&w=100&q=0.8)
IN CASE YOU MISSED IT
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..