രഹാനെ ഫോം കണ്ടെത്താത്തതില്‍ ആശങ്കയില്ല: പരിശീലകന്‍ വിക്രം റാത്തോര്‍


ഇംഗ്ലണ്ടിനെതിരായ നാല് ടെസ്റ്റുകള്‍ അവസാനിക്കുമ്പോള്‍ രഹാനെയ്ക്ക് ഇതുവരെ ഫോം കണ്ടെത്താന്‍ സാധിച്ചിട്ടില്ല

Photo: AP

ലണ്ടന്‍: ഇന്ത്യന്‍ ടെസ്റ്റ് ക്രിക്കറ്റ് ടീം സഹനായകന്‍ അജിങ്ക്യ രഹാനെയുടെ ഫോമില്ലായ്മയില്‍ ആശങ്കയില്ലെന്ന് ഇന്ത്യന്‍ ബാറ്റിങ് പരിശീലകന്‍ വിക്രം റാത്തോര്‍. ഇംഗ്ലണ്ടിനെതിരായ ടെസ്റ്റ് ക്രിക്കറ്റ് പരമ്പരയില്‍ ഫോം കണ്ടെത്താന്‍ ബുദ്ധിമുട്ടുന്ന രഹാനെയ്ക്ക് എതിരേ പലരും രംഗത്തെത്തിയിരുന്നു. ഇതേത്തുടര്‍ന്നാണ് റാത്തോര്‍ വിശദീകരണവുമായി എത്തിയത്.

''രഹാനെയുടെ ഫോമില്ലായ്മയില്‍ ആശങ്കയില്ല. അദ്ദേഹം ഇന്ത്യന്‍ ബാറ്റിങ്ങിന്റെ അവിഭാജ്യ ഘടകമാണ്. എല്ലാവരുടെ കരിയറിലും ഇതുപോലുള്ള മോശം ഉണ്ടാകാം. അതിനെ മറികടന്ന് പല താരങ്ങളും മികച്ച ഫോമിലേക്കുയര്‍ന്നിട്ടുണ്ട്. ചേതേശ്വര്‍ പൂജാരയെയും ഈ പ്രശ്‌നം ബാധിച്ചിരുന്നു. അതില്‍ നിന്നും അദ്ദേഹം ഏവരെയും അദ്ഭുതപ്പെടുത്തിക്കൊണ്ട് തിരിച്ചുവന്നു. രഹാനെ ലോകോത്തര നിലവാരമുള്ള താരമാണ്. അദ്ദേഹവും ഫോമിലേക്കുയരും'- റാത്തോര്‍ പറഞ്ഞു.

രഹാനെയെ ടീമില്‍ നിന്നും പുറത്താക്കുന്നതിന് പകരം അദ്ദേഹത്തിന് കൂടുതല്‍ അവസരങ്ങള്‍ കൊടുക്കണമെന്നും റാത്തോര്‍ ആവശ്യപ്പെട്ടു. ' രഹാനെയുടെ ഫോമില്ലായ്മ ഇന്ത്യന്‍ ബാറ്റിങ്ങിനെ ഒരു കാരണവശാലും ബാധിക്കില്ല. അത്രയും മികച്ച ബാറ്റിങ് നിരയാണ് ടീമിനുള്ളത്. രഹാനെ തിരിച്ചുവരുമെന്ന കാര്യത്തില്‍ തര്‍ക്കമില്ല. പല നിര്‍ണായക മത്സരങ്ങളിലും തിളങ്ങുന്ന താരമാണ് അദ്ദേഹം.' - റാത്തോര്‍ വ്യക്തമാക്കി.

ഇംഗ്ലണ്ടിനെതിരായ നാല് ടെസ്റ്റുകള്‍ അവസാനിക്കുമ്പോള്‍ രഹാനെയ്ക്ക് ഇതുവരെ ഫോം കണ്ടെത്താന്‍ സാധിച്ചിട്ടില്ല. നാലുടെസ്റ്റുകളില്‍ നിന്ന്‌ 15.57 ശരാശരിയില്‍ വെറും 109 റണ്‍സ് മാത്രമാണ് താരത്തിന് നേടാനായത്.

Content Highlights: Ajinkya Rahane's poor form not a concern says Vikram Rathour

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
manoram

3 min

ഭാര്യയുടെ മൃതദേഹം ചുടുകട്ടകെട്ടി കിണറ്റില്‍; ഹൃദയംപൊട്ടി ദിനരാജ്, അന്യസംസ്ഥാന തൊഴിലാളിയെ കാണാനില്ല

Aug 8, 2022


K Surendran

2 min

'ദിലീപിന് സിനിമയിലഭിനയിക്കാം; ശ്രീറാമിന് കളക്ടറാകാന്‍ പാടില്ലേ?'; അതെന്ത് ന്യായമെന്ന് സുരേന്ദ്രന്‍

Aug 7, 2022


Vairajathan Temple

ചിട്ടി കാരണം അനാഥമായിപ്പോയൊരു ദൈവം | നാടുകാണി

Sep 11, 2021

Most Commented