.jpg?$p=08558d0&f=16x10&w=852&q=0.8)
Photo: AFP
മെല്‍ബണ്‍: ലോകത്തിലെ ഏറ്റവും അപകടകാരിയായ ബാറ്റര്‍മാരിലൊരാളായ ഓസ്‌ട്രേലിയയുടെ ട്വന്റി 20 ക്രിക്കറ്റ് ടീം നായകന്‍ ആരോണ്‍ ഫിഞ്ച് അന്താരാഷ്ട്ര ക്രിക്കറ്റില്‍ നിന്ന് വിരമിച്ചു. ഓസ്‌ട്രേലിയയ്ക്ക് ആദ്യ ട്വന്റി 20 കിരീടം നേടിക്കൊടുത്ത നായകനാണ് ഫിഞ്ച്.
ഓസ്‌ട്രേലിയയ്ക്ക് വേണ്ടി കളിക്കാന്‍ സാധിച്ചതില്‍ അഭിമാനമുണ്ടെന്ന് ഫിഞ്ച് അറിയിച്ചു. അപകടകാരിയായ ഓപ്പണറായ ഫിഞ്ച് ഓസ്‌ട്രേലിയയ്ക്ക് വേണ്ടി 2021-ല്‍ ദുബായില്‍ വെച്ച് നടന്ന ട്വന്റി 20 കിരീടം ടീമിന് നേടിക്കൊടുത്ത് ചരിത്രം കുറിച്ചു. 2015-ല്‍ ഏകദിന ലോകകപ്പ് നേടിയ ഓസ്‌ട്രേലിയന്‍ ടീം അംഗം കൂടിയാണ് ഫിഞ്ച്.
36 കാരനായ ഫിഞ്ച് ഓസ്‌ട്രേലിയയ്ക്ക് വേണ്ടി അഞ്ച് ടെസ്റ്റുകളില്‍ നിന്ന് 278 റണ്‍സും 146 ഏകദിനങ്ങളില്‍ നിന്ന് 5406 റണ്‍സും 103 ട്വന്റി 20 മത്സരങ്ങളില്‍ നിന്ന് 3120 റണ്‍സും സ്വന്തമാക്കി. അന്താരാഷ്ട്ര ട്വന്റി 20യിലെ ഏറ്റവുമുയര്‍ന്ന വ്യക്തിഗത സ്‌കോര്‍ ഫിഞ്ചിന്റെ പേരിലാണ്. 2018-ല്‍ സിംബാബ്‌വെയ്‌ക്കെതിരേ വെറും 76 പന്തില്‍ നിന്ന് 172 റണ്‍സാണ് താരം അടിച്ചെടുത്തത്. സ്വന്തം പേരിലുള്ള 153 റണ്‍സിന്റെ റെക്കോഡ് മറികടന്നാണ് ഫിഞ്ച് സിംബാബ്‌വെയ്‌ക്കെതിരേ റെക്കോഡ് കുറിച്ചത്.
നായകനെന്ന നിലയില്‍ ഓസ്‌ട്രേലിയയെ 76 ട്വന്റി 20 കളിയും 55 ഏകദിനങ്ങളിലും നയിച്ച ഫിഞ്ച് 2022 സെപ്റ്റംബറില്‍ ഏകദിന ക്രിക്കറ്റില്‍ നിന്ന് വിരമിച്ചിരുന്നു. ' അടുത്ത ട്വന്റി 20 ലോകകപ്പ് വരെ കളിക്കാനാവില്ലെന്ന് എനിക്കറിയാം. അതുകൊണ്ടുതന്നെ ഇപ്പോഴാണ് പടിയിറങ്ങാനുള്ള ശരിയായ സമയം. എന്നെ പിന്തുണച്ച എല്ലാ ആരാധകര്‍ക്കും നന്ദി. 2015, 2021 ലോകകപ്പ് വിജയങ്ങള്‍ എന്നും എന്റെ ഓര്‍മകളിലുണ്ടാകും'- ഫിഞ്ച് പറഞ്ഞു.
Content Highlights: aaron finch announces his retirement from international cricket
Also Watch
RELATED STORIES
IN CASE YOU MISSED IT
.jpg?$p=e1effa9&f=1x1&w=100&q=0.8)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..