മുംബൈ: സാമ്പത്തിക ക്രമക്കേട് നടത്തിയ കേസില്‍ കുറ്റക്കാരനാണെന്ന് കണ്ടെത്തിയ ഐ.പി.എല്‍. മുന്‍ ചെയര്‍മാന്‍ ലളിത് മോദിയെ വൈകാതെ ഇന്റര്‍പോള്‍ അറസ്റ്റ് ചെയ്‌തേക്കുമെന്ന് സൂചന. മോദി മെഡിറ്ററേനിയന്‍ ദ്വീപായ മാള്‍ട്ടയില്‍ ഒളിവില്‍ തങ്ങുന്നതായി സി.എന്‍.എന്‍-ഐ.ബി.എന്‍ ചാനല്‍ റിപ്പോര്‍ട്ട് ചെയ്തു.
മോദിക്കുവേണ്ടി ഇന്റര്‍പോള്‍ റെഡ് കോര്‍ണര്‍ നോട്ടീസ് പുറപ്പെടുവിച്ചിട്ടുണ്ട്. റെഡ് കോര്‍ണര്‍ നോട്ടീസ് പുറപ്പെടുവിച്ചാല്‍ ഇന്റര്‍പോളിന് മോദിയെ അറസ്റ്റ് ചെയ്ത് ഇന്ത്യയ്ക്ക് കൈമാറാനാവും. പാര്‍ലമെന്റ് നടപടികള്‍ സ്തംഭിപ്പിച്ച രാഷ്ട്രീയ കോലാഹലത്തിനുശേഷം ഇക്കഴിഞ്ഞ ആഗസ്ത് പതിനൊന്നിനാണ് എന്‍ഫോഴ്‌സ്‌മെന്റ് ഡയറക്ടറേറ്റ് മോദിയെ അറസ്റ്റ് ചെയ്യാന്‍ ഇന്റര്‍പോളിന്റെ തുണ തേടിയത്. ആഗസ്ത് ഇരുപതിന് റെഡ് കോര്‍ണര്‍ നോട്ടീസ് പുറപ്പെടുവിക്കുന്നതിനാവശ്യമായ, ഐ.പി.എല്‍. കോഴക്കേസുമായി ബന്ധപ്പെട്ട, രേഖകള്‍ സി.ബി.ഐ. ഇന്റര്‍പോളിന് കൈമാറിയിരുന്നു.
അറസ്റ്റ് ഒഴിവാക്കാന്‍ ബ്രിട്ടനിലേയ്ക്ക് നാടുവിട്ട ലളിത് മോദിക്ക് ഭാര്യയുടെ ചികിത്സാര്‍ഥം ദക്ഷിണാഫ്രിക്കയിലേയ്ക്ക് പോകാന്‍ യാത്രാനുമതി ലഭിക്കാന്‍ സഹായിച്ചുവെന്ന് ആരോപിച്ച് കേന്ദ്രമന്ത്രി സുഷമ സ്വരാജിനെതിരെ പ്രതിപക്ഷം പ്രക്ഷോഭം നടത്തിവരികയാണ്. ലളിത് മോദി പ്രശ്‌നത്തില്‍ സുഷമ രാജിവയ്ക്കണമെന്ന് ആവശ്യപ്പെട്ട് പ്രതിപക്ഷ പാര്‍ട്ടികള്‍ പാര്‍ലമെന്റ് സമ്മേളനം തുടര്‍ച്ചയായി സ്തംഭിപ്പിക്കുകയും ചെയ്തു.
RELATED STORIES
.jpg?$p=f0b49be&f=1x1&w=100&q=0.8)
IN CASE YOU MISSED IT
.jpg?$p=f67c2a2&f=1x1&w=100&q=0.8)
.jpg?$p=71e446e&f=1x1&w=100&q=0.8)
.jpg?$p=8a7b7b1&f=1x1&w=100&q=0.8)
.jpg?$p=8384990&q=0.8&f=16x11&w=104)
.jpg?$p=b4643a5&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..