മൈസൂരു ദസറയ്ക്ക് തുടക്കം; ഒരു ആനയെ ഒഴിവാക്കും, ജംബൂസവാരിയില്‍ ഏഴ് ആനകള്‍


പ്രതീകാത്മക ചിത്രം | photo: pics4news

മൈസൂരു: 412-ാമത് മൈസൂരു ദസറയാഘോഷത്തിന് ചാമുണ്ഡിമലയില്‍ ആരംഭംകുറിച്ചു. മുഖ്യമന്ത്രി ബസവരാജ് ബൊമ്മെയുടെ സാന്നിധ്യത്തില്‍ മുന്‍ മുഖ്യമന്ത്രി എസ്.എം. കൃഷ്ണ ഉദ്ഘാടനം നിര്‍വഹിച്ചു. ഉദ്ഘാടനവേളയില്‍ ചാമുണ്ഡേശ്വരി ക്ഷേത്രത്തിലേക്ക് വിശ്വാസികള്‍ക്ക് പ്രവേശനമില്ലായിരുന്നു. ഉദ്ഘാടനം കഴിഞ്ഞയുടന്‍ വിശ്വാസികള്‍ക്ക് പ്രവേശനം അനുവദിച്ചു.

പൂജകള്‍ അര്‍പ്പിക്കുന്ന ചാമുണ്ഡേശ്വരിദേവിയുടെ വിഗ്രഹം നേരത്തെ മൈസൂരു കൊട്ടാരം ബോര്‍ഡ് മുസ്രായി വകുപ്പിന് കൈമാറിയിരുന്നു. ജംബൂസവാരിയില്‍ സുവര്‍ണ അമ്പാരിയില്‍ പ്രതിഷ്ഠിക്കുന്നതും ഇതേ വിഗ്രഹമാണ്. വിജയദശമിക്കുശേഷം വിഗ്രഹം കൊട്ടാരം ബോര്‍ഡിന് തിരികെ നല്‍കും.

ദസറ കലാപരിപാടികളുടെ ഉദ്ഘാടനം മുഖ്യമന്ത്രി ബൊമ്മെ മൈസൂരു കൊട്ടാരത്തില്‍ വൈകീട്ട് ആറിന് നിര്‍വഹിക്കും. നിയമസഭാ സ്പീക്കര്‍ വിശ്വേശ്വര്‍ ഹെഗ്ഡെ കങ്കേരി, നിയമസഭാ കൗണ്‍സില്‍ ചെയര്‍മാന്‍ ബസവരാജ് ഹൊരട്ടി, മന്ത്രിമാരായ എസ്.ടി. സോമശേഖര്‍, വി. സുനില്‍കുമാര്‍ എന്നിവര്‍ മുഖ്യാതിഥികളായി പങ്കെടുക്കും.

ഒരു ആനയെ ഒഴിവാക്കും

മൈസൂരു: മദപ്പാട് തുടരുന്ന വിക്രമയെന്ന ആനയെ ദസറയാഘോഷത്തില്‍നിന്ന് ഒഴിവാക്കാന്‍ അധികൃതര്‍ ആലോചിക്കുന്നു. ഇതോടെ വിജയദശമിദിനത്തില്‍ നടക്കുന്ന ജംബൂസവാരിയില്‍ ആനകളുടെ എണ്ണം ഏഴായി കുറയും.

പീരങ്കി വെടിയൊച്ചയുമായി പൊരുത്തപ്പെടാനുള്ള രണ്ടാംവട്ട പരിശീലനത്തില്‍ വിക്രമയെ പങ്കെടുപ്പിച്ചിരുന്നില്ല. ആദ്യഘട്ട പരിശീലനത്തിനു കൊണ്ടുവന്നപ്പോഴും മറ്റു ഏഴ് ആനകളില്‍നിന്ന് മാറ്റിയാണ് നിര്‍ത്തിയത്. മൈസൂരു രാജകുടുംബത്തിന്റെ സ്വകാര്യ ദസറയാഘോഷത്തില്‍നിന്നും അമ്പത്തിയെട്ടുകാരനായ വിക്രമയെ ഒഴിവാക്കിയേക്കും. 1990-ല്‍ ഊട്ടിയിലെ നീലഗിരി മലനിരകളിലെ ദൊഡ്ഡബെട്ടയില്‍നിന്ന് പിടികൂടിയ വിക്രമ കഴിഞ്ഞ അഞ്ചുവര്‍ഷം ദസറയില്‍ പങ്കെടുത്തിരുന്നു.


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

05:03

'ഇയാള്‍ പുറത്തിറങ്ങി നടക്കുന്നത് കണ്ട് ആളുകള്‍ ഇനിയും കുട്ടികളെയൊക്കെ ആക്രമിക്കും'

Sep 21, 2022


07:35

ജലം തേടി ഭൂമിക്കടിയിലൂടെ സഞ്ചരിക്കുന്ന ഒരാൾ

Apr 13, 2022


Virat Kohli shares picture of Rafael Nadal Crying Alongside Roger Federer

1 min

'ഏറ്റവും സുന്ദരമായ കായിക ചിത്രം'; കണ്ണീരണിയുന്ന ഫെഡററുടെയും റാഫയുടെയും ചിത്രം പങ്കുവെച്ച് കോലി

Sep 24, 2022

Most Commented