ഷദാബും റിസ്വാനും തിളങ്ങി; നെതര്‍ലന്‍ഡ്‌സിനെ പരാജയപ്പെടുത്തി സെമി പ്രതീക്ഷ നിലനിര്‍ത്തി പാകിസ്താന്‍


Photo: AP

പെര്‍ത്ത്: ട്വന്റി 20 ലോകകപ്പ് സൂപ്പര്‍ 12 പോരാട്ടത്തില്‍ നെതര്‍ലന്‍ഡ്‌സിനെതിരേ പാകിസ്താന് ജയം. നെതര്‍ലന്‍ഡ്‌സ് ഉയര്‍ത്തിയ 92 റണ്‍സ് വിജയലക്ഷ്യം 13.5 ഓവറില്‍ നാല് വിക്കറ്റ് നഷ്ടത്തില്‍ പാകിസ്താന്‍ മറികടന്നു.

ഈ മത്സരത്തിലെ ജയത്തോടെ പാകിസ്താന്‍ സെമി പ്രതീക്ഷ നിലനിര്‍ത്തി. നേരത്തെ സിംബാബ്‌വെയ്‌ക്കെതിരായ ബംഗ്ലാദേശിന്റെ ജയവും പാകിസ്താന് അനുകൂലമായിരുന്നു. എങ്കിലും ഇപ്പോഴും ടീമിന്റെ സെമി സാധ്യത മറ്റ് ടീമുകളുടെ ഫലത്തെ അനുസരിച്ച് തന്നെയാണ്.



അതിവേഗം ജയം നേടി നെറ്റ് റണ്‍റേറ്റ് ഉയര്‍ത്താമെന്ന ലക്ഷ്യത്തോടെയാണ് പാകിസ്താന്‍ ബാറ്റിങ്ങിനിറങ്ങിയത്. എന്നാല്‍ രണ്ടാം ഓവറില്‍ തന്നെ ക്യാപ്റ്റന്‍ ബാബര്‍ അസമിനെ അവര്‍ക്ക് നഷ്ടമായി. സമീപകാലത്ത് മോശം ഫോം തുടരുന്ന ബാബറിന് വെറും നാലു റണ്‍സ് മാത്രമാണ് നേടാനായത്.

39 പന്തില്‍ നിന്ന് അഞ്ച് ബൗണ്ടറിയടക്കം 49 റണ്‍സെടുത്ത മുഹമ്മദ് റിസ്വാനാണ് പാകിസ്താന്റെ ടോപ് സ്‌കോറര്‍.

ഫഖര്‍ സമാന്‍ 16 പന്തില്‍ നിന്ന് മൂന്ന് ബൗണ്ടറിയടക്കം 20 റണ്‍സെടുത്ത് പുറത്തായി. ഷാന്‍ മസൂദ് 12 റണ്‍സെടുത്തു. ഇഫ്തിഖര്‍ അഹമ്മദ് (6*), ഷദാബ് ഖാന്‍ (4*) എന്നിവര്‍ പുറത്താകാതെ നിന്നു.

നേരത്തെ ടോസ് നേടി ബാറ്റിങ് തിരഞ്ഞെടുത്ത നെതര്‍ലന്‍ഡ്‌സിന് 20 ഓവറില്‍ ഒമ്പത് വിക്കറ്റ് നഷ്ടത്തില്‍ 91 റണ്‍സെടുക്കാനേ സാധിച്ചുള്ളൂ. 27 പന്തില്‍ നിന്ന് 27 റണ്‍സെടുത്ത കോളിന്‍ ആക്കെര്‍മാനാണ് നെതര്‍ലന്‍ഡ്‌സിന്റെ ടോപ് സ്‌കോറര്‍. ആക്കെര്‍മാനെ കൂടാതെ 20 പന്തില്‍ നിന്ന് 15 റണ്‍സെടുത്ത ക്യാപ്റ്റന്‍ സ്‌കോട്ട് എഡ്വേര്‍ഡ്‌സ് മാത്രമാണ് ഓറഞ്ച് നിരയില്‍ രണ്ടക്കം കടന്നത്.

സ്റ്റീഫന്‍ മൈബര്‍ഗ് (6), മാക്‌സ് ഒഡൗഡ് (8), ബാസ് ഡി ലീഡ് (6), ടോം കൂപ്പര്‍ (1) എന്നിവരെല്ലാം തന്നെ തീര്‍ത്തും പരാജയമായി.

നാല് ഓവറില്‍ വെറും 22 റണ്‍സ് മാത്രം വഴങ്ങി മൂന്ന് വിക്കറ്റ് വീഴ്ത്തിയ ഷദാബ് ഖാനാണ് പാക് ബൗളര്‍മാരില്‍ തിളങ്ങിയത്. യുവതാരം മുഹമ്മദ് വസീം 15 റണ്‍സിന് രണ്ടു വിക്കറ്റ് വീഴ്ത്തി.

Content Highlights: T20 World Cup 2022 Pakistan beat Netherlands


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
nazer faizy koodathayi

2 min

'പോര്‍ച്ചുഗല്‍ അധിനിവേശം നടത്തിയ രാജ്യം, എതിര്‍പ്പ് വഴിവിട്ട ആരാധനയോട്'; വിശദീകരണവുമായി സമസ്ത

Nov 25, 2022


vote

5 min

അടുത്തവര്‍ഷം ലോക്‌സഭാ തിരഞ്ഞെടുപ്പ്; ഇത്തവണ ഒരു രാജ്യം ഒരു തിരഞ്ഞെടുപ്പോ?

Nov 25, 2022


arif muhammad khan

1 min

രാജ്ഭവനിലെ അതിഥിസത്കാരം: നാല് വര്‍ഷത്തിനിടെ 9 ലക്ഷത്തോളം ചെലവഴിച്ചെന്ന് കണക്കുകള്‍

Nov 25, 2022

Most Commented