ദീപക് ചാഹറും ടി20 ലോകകപ്പിനില്ല; ഷമിയും സിറാജും ശാര്‍ദുലും ഓസ്‌ട്രേലിയയിലേക്കെന്ന് റിപ്പോര്‍ട്ട്


Photo: AFP

മുംബൈ: പരിക്ക് കാരണം ട്വന്റി 20 ലോകകപ്പിന്റെ സ്റ്റാന്‍ഡ് ബൈ പട്ടികയിലുണ്ടായിരുന്ന ദീപക് ചാഹറിനെ ലോകകപ്പ് ടീമിലേക്ക് പരിഗണിക്കില്ലെന്ന് റിപ്പോര്‍ട്ട്. പുറംഭാഗത്തേറ്റ പരിക്കാണ് ചാഹറിനെ വലച്ചത്. പരിക്കേറ്റ ജസ്പ്രീത് ബുംറ ലോകകപ്പ് ടീമില്‍ നിന്ന് പുറത്തായ സാഹചര്യത്തില്‍ ചാഹര്‍ ടീമില്‍ ഇടംപിടിക്കുമെന്ന റിപ്പോര്‍ട്ടുകള്‍ക്കിടെയാണിത്. ഇതോടെ മുഹമ്മദ് ഷമി, മുഹമ്മദ് സിറാജ്, ശാര്‍ദുല്‍ താക്കൂര്‍ എന്നിവര്‍ ഉടന്‍ ഓസ്‌ട്രേലിയയില്‍ ഇന്ത്യന്‍ ടീമിനൊപ്പം ചേരുമെന്നും പിടിഐ റിപ്പോര്‍ട്ട് ചെയ്യുന്നു.

നേരത്തെ പരിക്കിനെ തുടര്‍ന്ന് നീണ്ട ഇടവേളയ്ക്ക് ശേഷമായിരുന്നു ചാഹര്‍ ടീമിലേക്ക് തിരികെയെത്തിയിരുന്നത്. പിന്നാലെ ദക്ഷിണാഫ്രിക്കയ്ക്കെതിരായ ട്വന്റി 20 പരമ്പരയ്ക്കിടെ വീണ്ടും പരിക്കേല്‍ക്കുകയായിരുന്നു. ഇതോടെ ഏകദിന പരമ്പരയില്‍ താരം കളിച്ചിരുന്നില്ല. തുടര്‍ന്ന് ദേശീയ ക്രിക്കറ്റ് അക്കാദമിയില്‍ നടത്തിയ പരിശോധനകളില്‍ ചാഹറിന്റെ പരിക്ക് ഭേദമാകാന്‍ സമയമെടുക്കുമെന്ന് വ്യക്തമായി. ഇതോടെയാണ് ബിസിസിഐ ഓസ്‌ട്രേലിയയിലേക്ക് മൂന്ന് പകരക്കാരെ അയക്കുന്നതെന്നും റിപ്പോര്‍ട്ടില്‍ പറയുന്നു.



ബുംറയുടെ പകരക്കാരനെ പ്രഖ്യാപിക്കാന്‍ ഒക്ടോബര്‍ 15 വരെ സമയമുള്ളതിനാല്‍ മൂന്ന് പേസര്‍മാരുടെയും ഫോമും ഫിറ്റ്‌നസും പരിശോധിക്കാന്‍ ടീം മാനേജ്‌മെന്റിന് സമയമുണ്ട്. അനുഭവസമ്പത്ത് ഷമിക്ക് തുണയാകുമ്പോള്‍ ദക്ഷിണാഫ്രിക്കയ്‌ക്കെതിരേ അടുത്തിടെ സമാപിച്ച ഏകദിന പരമ്പരയിലെ മികച്ച പ്രകടനം സിറാജിനും സാധ്യത ഒരുക്കുന്നുണ്ട്. പരമ്പരയിലെ താരവും സിറാജായിരുന്നു. ഓള്‍റൗണ്ട് മികവാണ് ശാര്‍ദുലിന്റെ കരുത്ത്.

Content Highlights: Deepak Chahar Ruled Out Of T20 World Cup Report


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
Marriage

ഇരട്ടകള്‍ക്ക് വരന്‍ ഒന്ന്; ബാല്യകാല സുഹൃത്തിനെ വിവാഹംകഴിച്ച് IT എന്‍ജിനിയര്‍മാരായ യുവതികള്‍

Dec 4, 2022


Arif Muhammed Khan

1 min

143 ദിവസം സംസ്ഥാനത്തിനു പുറത്ത്, ചെലവാക്കിയത് 1 കോടിയിലധികം; മാര്‍ഗനിര്‍ദേശങ്ങള്‍ പാലിക്കാതെ ഗവര്‍ണർ

Dec 5, 2022


04:02

'ലൈലാ ഓ ലൈലാ...' എവർ​ഗ്രീൻ ഡിസ്കോ നമ്പർ | പാട്ട് ഏറ്റുപാട്ട്‌

Sep 26, 2022

Most Commented