.jpg?$p=3efa96c&f=16x10&w=856&q=0.8)
.
അറുപത്തിയൊന്നാമത് കേരള സംസ്ഥാന സ്‌കൂള്‍ കലോത്സവത്തില്‍ ചൊവ്വാഴ്ച നടന്ന ദേശഭക്തി ഗാനം വിഭാഗത്തില്‍ എ ഗ്രേഡ് നേടി ചങ്ങനാശേരി സെന്റ് ബെര്‍ച്മാന്‍സ് ഹൈസ്‌കൂളിലെ ആണ്‍കുട്ടികള്‍. മത്സരത്തില്‍ പങ്കെടുത്ത 17 ടീമുകളില്‍ ആണ്‍കുട്ടികള്‍ മാത്രമുള്ള ഗ്രൂപ്പ് ഇവര്‍ മാത്രമായിരുന്നു.
'ഇത്തരം മത്സരങ്ങളില്‍ പെണ്‍കുട്ടികള്‍ ഉള്‍പ്പെടുന്ന ഗ്രൂപ്പുകളോട് മത്സരിക്കുക എളുപ്പമല്ല. പെണ്‍കുട്ടികളെ അപേക്ഷിച്ച് ആണ്‍കുട്ടികളുടെ ശബ്ദം ഇടറാനുള്ള സാധ്യത കൂടുതല്‍ ആണ്. അതിനാല്‍ കലോത്സവം ഞങ്ങള്‍ക്ക് ഒരു വെല്ലുവിളിയായിരുന്നു,' സെന്റ് ബെര്‍ച്മാന്‍സ് ഹൈസ്‌കൂളിലെ സംഗീത അധ്യാപകന്‍ ലാലിച്ചന്‍ ജോസഫ് മാതൃഭൂമി ഡോട്ട് കോമിനോട് പറഞ്ഞു.
ഈ കുട്ടി സംഘത്തില്‍ നിരവധി മലയാളി പ്രേക്ഷകര്‍ക്ക് പരിചിതമായ ഒരു അംഗം കൂടി ഉണ്ടായിരുന്നു. ഫ്ളവേഴ്സ് ടോപ് സിംഗര്‍ 2 ഫെയിമും പത്താം ക്ലാസ് വിദ്യാര്‍ത്ഥിയുമായ ബെവന്‍ ബിജു മത്സരത്തില്‍ എ ഗ്രേഡ് നേടിയ ഗ്രൂപ്പില്‍ അംഗമാണ്. കൂടാതെ തങ്ങളുടെ സംഗീത അധ്യാപകന്‍ രചിച്ചു ഈണം നല്‍കിയ ഗാനമാണ് ഈ കുട്ടികള്‍ പാടിയതും.
ഗ്രൂപ്പിന്റെ ഭാഗമാകാന്‍ കഴിഞ്ഞതിലും മത്സരത്തില്‍ വിജയിക്കാന്‍ കഴിഞ്ഞതിലും സന്തോഷമുണ്ടെന്ന് ബെവനും പറഞ്ഞു. ടോപ്പ് സിംഗര്‍ 2-ലെ വിജയകരമായ ഓട്ടത്തിനുപുറമെ, ജില്ലാതല മത്സരങ്ങളില്‍ തന്റെ സ്‌കൂളിന് നിരവധി അംഗീകാരങ്ങളും ബെവന്‍ നേടി തന്നിട്ടുണ്ട്.
'മത്സരത്തില്‍ മത്സരിച്ച ഏഴ് ആണ്‍കുട്ടികളില്‍ ബെവനും ഉണ്ടായിരുന്നു. ആണ്‍കുട്ടികള്‍ മാത്രമുള്ള ഒരു ഗ്രൂപ്പ് ഈ വിഭാഗത്തില്‍ എ ഗ്രേഡ് നേടുന്നത് ഇതാദ്യമാണെന്നാണ് കരുതുന്നത്. മത്സരത്തിന് മുമ്പ് ബെവന്റെ ശബ്ദത്തില്‍ ഇടര്‍ച്ച ഉണ്ടായിരുന്നു. ശബ്ദത്തിന് വിശ്രമം നല്‍കേണ്ട സമയം ആയിരുന്നിട്ടു കൂടി അവന്‍ പങ്കെടുത്തു,'' ബെവന്റെ പിതാവും സെന്റ് ബെര്‍ച്മാന്‍സ് ഹൈസ്‌കൂളിലെ അധ്യാപകനുമായ ബിജുമോന്‍ കെ ഒ പറയുന്നു.
Content Highlights: Kerala State Youth Festival 2023
Also Watch
IN CASE YOU MISSED IT
.jpg?$p=1990e2a&f=1x1&w=100&q=0.8)
.jpg?$p=a80322e&f=1x1&w=100&q=0.8)
.jpg?$p=d01cb20&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..