അണിമയും മഹിമയും | രാമകഥാസാരം


ആഷാ മേനോൻ

വര: ബി.എസ്‌. പ്രദീപ്‌കുമാർ

ആകാശമാർഗത്തിൽ നാഗജനനിയായ സുരസ ഹനുമാനോട് ദാഹവും വിശപ്പും സഹിക്കുന്നില്ലെന്ന്‌ പറയുമ്പോൾ, ഹനുമാൻ പരിഭ്രമിക്കുകയല്ല ചെയ്തത്.

അതിനെ യുക്തമായിത്തന്നെ നേരിടുകയാണ്.

‘തദനുകപികുലവരനൊടവളുമുരചെയ്തിതു:

‘ദാഹവും ക്ഷുത്തും പൊറുക്കരുതേതുമേ.’

‘മനസി തവ സുദൃഢമിതി യദി സപദി സാദരം

വാ പിളർന്നീടെ’ന്നു മാരുതി ചൊല്ലിനാൻ.’’

പിളർന്ന വായയ്ക്ക് അഞ്ചുയോജന വിസ്തീർണമാണ്. അപ്പോൾ പവനതനയൻ അതിനുബദൽ പത്തുയോജന വലുതാവുന്നു. സുരസ അപ്പോൾ ഇരുപതുയോജനയോളം വളരുന്നു; മാരുതിയാവട്ടെ

മുപ്പതു യോജനയിലേക്ക് തന്റെ ഉരുവം വർധിപ്പിക്കുന്നു. ആരാണിവിടെ ജയിക്കുന്നതെന്നുകാണാമെന്ന്‌ ആക്രോശിച്ചുകൊണ്ട് സുരസ തന്റെ ഭീമാകാരത്തെ അമ്പതു യോജനയിലേക്ക്‌ വികസിപ്പിക്കുകയാണ്.

‘‘അതു പൊഴുതു പവനസുതനതികൃശ ശരീരനാ-

യംഗുഷ്ഠതുല്യനായുൾപുക്കരുളിനാൻ.’’

അണിമ, മഹിമ എന്നീ യോഗവിദ്യകൾ സ്വായത്തമായ ഹനുമാൻ -യഥേഷ്ടം വലുതാവുകയും ചെറുതാവുകയും ചെയ്യാനുള്ള വിദ്യ എപ്പോഴാണ് ഈ വാനരശ്രേഷ്ഠൻ അഭ്യസിച്ചത്-സ്വയം ചുരുങ്ങിക്കൊണ്ട് സുരസയുടെ വക്ത്രത്തിലൂടെ കടന്ന് പുറത്തുവരുന്നു. ആ സൂത്രം സുരസ പ്രതീക്ഷിച്ചതല്ലല്ലോ.

പെട്ടെന്നാണ് സുരസ ഹനുമാനെ തിരിച്ചറിയുന്നത്; തന്റെ ശാപമോക്ഷത്തിന് ഹേതുഭൂതനാണ് ഈ ശ്രേഷ്ഠനായ പ്രതിയോഗിയെന്ന്. ദാശരഥിക്ക് ഭാവുകങ്ങളേകിക്കൊണ്ട് സുരസ തിരോഭവിക്കുകയും ചെയ്യുന്നു. വാസ്തവത്തിൽ വിഘ്നങ്ങളായല്ല സുരസയോ ലങ്കാലക്ഷ്മിയോ ഛായാഗ്രഹിണിപോലും

ഇവിടെയൊക്കെ ഉയിർകൊള്ളുന്നത്.

വെല്ലുവിളിയായിട്ടുമല്ല, മറിച്ച് അവരവരുടെ ഉദ്ഗതിക്ക് നിമിത്തമായാണ്. മാരുതിതന്നെ വേണം അവരെ താന്താങ്ങളുടെ പൂർവാവസ്ഥയിലേക്ക് കുടിയേറ്റാൻ.

മറ്റൊരു കപിവരനും ഈ സാഗരപഥത്തിലൂടെ അവരെ അഭിമുഖീകരിക്കാൻ പുറപ്പെട്ടുവരുകയില്ലല്ലോ.

പാതാളലോകത്തിലേക്കു പിൻവാങ്ങിയ സുരസയുടെ കഥാനന്തരം ഗഗനപഥത്തിൽ മാരുതി തുടരുന്നത് ഗരുഡതുല്യനായാണ്. ഈ ഗരുഡബിംബത്തിന്റെ ധ്വനി നാം ശരിക്ക് ഉൾക്കൊള്ളേണ്ടതുണ്ട്. ആകാശപഥത്തിൽ ഗരുഡനെപ്പോലെ മറ്റൊരുവിഹംഗവും വിഹരിച്ചിട്ടില്ല, മഹാവിഷ്ണുവിനെ വഹിച്ചാലും ഇല്ലെങ്കിലും. അതിൽ വേഗവും അധൃഷ്യതയും അന്തർഭവിച്ചിരിക്കുന്നു.

Content Highlights: ramayanam story ramayanamasam

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
One of the Rajasthan Royals owners slapped me 3-4 times after I got a duck Ross Taylor reveals

1 min

ഡക്കായതിന് മൂന്ന് നാല് തവണ മുഖത്തടിച്ചു; ഐപിഎല്‍ ടീം ഉടമയ്‌ക്കെതിരായ വെളിപ്പെടുത്തലുമായി ടെയ്‌ലര്‍

Aug 13, 2022


priya varghees

1 min

റിസര്‍ച്ച് സ്‌കോര്‍ ഏറ്റവും കുറവ്; പ്രിയ വര്‍ഗീസിന്റെ വിവാദ നിയമനത്തില്‍ നിര്‍ണായക രേഖ പുറത്ത്

Aug 13, 2022


നരേന്ദ്രമോദി, നിതീഷ് കുമാര്‍

2 min

ചിലത് കാണാനിരിക്കുന്നതേയുള്ളൂവെന്ന് നിതീഷ് കുമാര്‍; മോദിയെ തളര്‍ത്തുമോ 2024?

Aug 12, 2022

Most Commented