ദേശീയ ഗെയിംസ്; കേരളത്തിന്റെ സുവര്‍ണ മത്സ്യമായി സാജന്‍ പ്രകാശ്


രാജ്‌കോട്ടില്‍ നിന്ന് ബി.കെ രാജേഷ്‌

ദേശീയ ഗെയിംസിൽ വ്യാഴാഴ്ച നടന്ന പുരുഷൻമാരുടെ 50 മീറ്റർ ബീസ്റ്റ് സ്‌ട്രോക്കിൽ സ്വർണം നേടിയ കേരളത്തിന്റെ സാജൻ പ്രകാശ് | Photo: B.K Rajesh

രാജ്‌കോട്ട്: 36-ാമത് ദേശീയ ഗെയിംസ് നീന്തലില്‍ മൂന്നാം സ്വര്‍ണം സ്വന്തമാക്കി കേരളത്തിന്റെ സാജന്‍ പ്രകാശ്. വ്യാഴാഴ്ച നടന്ന പുരുഷന്‍മാരുടെ 50 മീറ്റര്‍ ബീസ്റ്റ് സ്‌ട്രോക്കിലാണ് സാജന്‍ സ്വര്‍ണം നേടിയത്. 25.10 സെക്കന്‍ഡിലായിരുന്നു താരത്തിന്റെ ഫിനിഷ്. ഇത്തവണത്തെ ഗെയിംസില്‍ സാജന്റെ മൂന്നാം സ്വര്‍ണവും ആറാം മെഡലുമാണിത്.

ദേശീയ ഗെയിംസില്‍ വ്യാഴാഴ്ച നടന്ന പുരുഷന്‍മാരുടെ 50 മീറ്റര്‍ ബീസ്റ്റ് സ്‌ട്രോക്കില്‍ സ്വര്‍ണം നേടിയ കേരളത്തിന്റെ സാജന്‍ പ്രകാശ്, വെള്ളി നേടിയ തമിഴ്‌നാടിന്റെ രോഹിത് ബെനിട്ടണ്‍, വെങ്കലം നേടിയ ഹരിയാണയുടെ സരോഹ ഹാര്‍ഷ് എന്നിവര്‍

തമിഴ്‌നാടിന്റെ രോഹിത് ബെനിട്ടണാണ് വെള്ളി. ഹരിയാണയുടെ സരോഹ ഹാര്‍ഷ് വെങ്കലം കരസ്ഥമാക്കി.



നേരത്തെ വ്യാഴാഴ്ച നടന്ന പുരുഷന്‍മാരുടെ 800 മീറ്റര്‍ ഫ്രീസ്റ്റൈല്‍ നീന്തലില്‍ സാജന്‍ പ്രകാശ് വെങ്കലം നേടിയിരുന്നു. 8:12.55 സെക്കന്‍ഡിലാണ് താരം ഫിനിഷ് ചെയ്തത്. മധ്യപ്രദേശിന്റെ അദ്വൈത് പാഗേയ്ക്കാണ് സ്വര്‍ണം. ഗുജറാത്തിന്റെ ആര്യന്‍ നെഹ്‌റ വെള്ളി നേടി.

നേരത്തെ പുരുഷന്‍മാരുടെ 200 മീറ്റര്‍ ബട്ടര്‍ഫ്ളൈ സ്ട്രോക്കിലും 100 മീറ്റര്‍ ബട്ടര്‍ഫ്ളൈ സ്ട്രോക്കിലും സാജന്‍ സ്വര്‍ണം നേടിയിരുന്നു. പുരുഷന്‍മാരുടെ 400 മീറ്റര്‍ വ്യക്തിഗത മെഡ്‌ലെയില്‍ വെള്ളി നേടിയ സാജന്‍, 200 മീറ്റര്‍ ഫ്രീസ്റ്റൈലിലും വെള്ളി മെഡല്‍ സ്വന്തമാക്കിയിരുന്നു.

അതേസമയം ദേശീയ ഗെയിംസ് ഫുട്‌ബോളില്‍ കേരളം മൂന്നാം ജയം സ്വന്തമാക്കി. ലീഗ് റൗണ്ടിലെ അവസാന മത്സരത്തില്‍ മണിപ്പുരിനെ രണ്ടിനെതിരേ മൂന്ന് ഗോളിനാണ് കേരളം പരാജയപ്പെടുത്തിയത്. കേരളം നേരത്തെ തന്നെ സെമി ഉറപ്പാക്കിയിരുന്നു.

ദേശീയ ഗെയിംസില്‍ വ്യാഴാഴ്ച നടന്ന ബാഡ്മിന്റണ്‍ പുരുഷ ഡബിള്‍സില്‍ കേരളത്തിനായി സ്വര്‍ണം നേടിയ രവിശങ്കര്‍ പി.എസ് - ശങ്കര്‍പ്രസാദ് ഉദയകുമാര്‍ സഖ്യം

വ്യാഴാഴ്ച ബാഡ്മിന്റണ്‍ പുരുഷ ഡബിള്‍സിലും കേരളം സ്വര്‍ണ മെഡല്‍ സ്വന്തമാക്കി. രവിശങ്കര്‍ പി.എസ് - ശങ്കര്‍പ്രസാദ് ഉദയകുമാര്‍ സഖ്യമാണ് തമിഴ്‌നാടിനെ പരാജയപ്പെടുത്തി സ്വര്‍ണമണിഞ്ഞത്. സ്‌കോര്‍: 21-19, 21,19.

Content Highlights: National Games 2022 kerala s Sajan Prakash wins 3rd gold


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

03:49

ശ്രീഹള്ളി പോകുന്ന വഴിയിലെ ചായക്കടയും ഹിറ്റായ ​ചായക്കടക്കാരനും; വീണ്ടുമെത്തുന്നു പൊള്ളാച്ചി രാജ

Nov 27, 2022


nazer faizy koodathayi

2 min

'പോര്‍ച്ചുഗല്‍ അധിനിവേശം നടത്തിയ രാജ്യം, എതിര്‍പ്പ് വഴിവിട്ട ആരാധനയോട്'; വിശദീകരണവുമായി സമസ്ത

Nov 25, 2022


perod abdul rahman saqafi,abdul muhsin aydeed

1 min

താരങ്ങള്‍ അങ്ങോട്ടുമിങ്ങോട്ടും ഓടിയാല്‍ കോടികള്‍; ഫുട്‌ബോള്‍ ആവേശത്തിനെതിരെ കൂടുതല്‍ മതപണ്ഡിതര്‍

Nov 26, 2022

Most Commented