മാതൃഭൂമി അന്താരാഷ്ട്ര അക്ഷരോത്സവംആനന്ദ് നീലകണ്ഠന്റെ പ്രഭാഷണം ഇന്ന്, mbifl lecture series mbifl 2023 anand neelakantan speech govt mananthavadi college wayanad

12 January 2023, 11:34 AM IST

ആനന്ദ് നീലകണ്ഠൻ

മാനന്തവാടി: മാതൃഭൂമി അന്താരാഷ്ട്ര അക്ഷരോത്സവത്തിന്റെ ഭാഗമായുള്ള ജില്ലയിലെ നാലാമത്തെ പ്രഭാഷണം വ്യാഴാഴ്ച മാനന്തവാടി ഗവ. കോളേജിൽ നടത്തും. പ്രഭാഷകനും എഴുത്തുകാരനും തിരക്കഥാകൃത്തുമായ ആനന്ദ് നീലകണ്ഠൻ പ്രഭാഷണം നടത്തും. കോളേജ് ഇംഗ്ലീഷ് വിഭാഗത്തിന്റെ സഹകരണത്തോടെ ഉച്ചയ്ക്ക് 1.30-ന് നടത്തുന്ന പരിപാടിയിൽ പ്രവേശനം സൗജന്യമാണ്.

കോളേജ് പ്രിൻസിപ്പൽ ഡോ. കെ. അബ്ദുൾ സലാം അധ്യക്ഷത വഹിക്കും. ജൈവകർഷകൻ ഏച്ചോം ഗോപി ആനന്ദ് നീലകണ്ഠനുള്ള ഉപഹാരം നൽകും.

എം.ബി.ഐ.എഫ്.എൽ. നാലാംപതിപ്പിനു മുന്നോടിയായുള്ള ‘നൂറുദേശം നൂറുപ്രഭാഷണങ്ങൾ’ എന്ന പരിപാടിയുടെ ഭാഗമായാണ് പ്രഭാഷണം സംഘടിപ്പിക്കുന്നത്. രാജ്യത്തിന് അകത്തും പുറത്തുമുള്ള നൂറുദേശങ്ങളിലാണ് വ്യത്യസ്തവിഷയങ്ങളിൽ പ്രഗല്ഭരായ പ്രഭാഷകർ സംസാരിക്കുന്നത്. അക്ഷരോത്സവത്തിന്റെ കേളികൊട്ടായിരിക്കും പ്രഭാഷണപരമ്പര. മാതൃഭൂമിയുടെ ശതാബ്ദിവർഷത്തിൽ നടക്കുന്ന അന്താരാഷ്ട്ര അക്ഷരോത്സവമെന്ന പ്രത്യേകതയും ഇത്തവണയുണ്ട്.

മാതൃഭൂമി അക്ഷരോത്സവത്തില്‍ പങ്കെടുക്കാന്‍ ഓണ്‍ലൈന്‍ ടിക്കറ്റ് ബുക് ചെയ്യാം