.jpg?$p=aa62323&f=16x10&w=852&q=0.8)
ദിവ്യാ ദത്ത
തിരുവനന്തപുരം: 'വീര്‍ സാറ'യിലും 'ഡല്‍ഹി 6'-ലും 'ഇറദ'യിലും 'ഭാഗ് മില്‍ഖ ഭാഗി'ലും മികച്ച പ്രകടനം കാഴ്ചവെച്ച പ്രേക്ഷകരെ പിടിച്ചിരുത്തിയ ബോളിവുഡ് നടി ദിവ്യാ ദത്ത എഴുത്തിലും സജീവമാണ്. 'വീര്‍ സാറ'യില്‍ ഷാരൂഖിനും പ്രീതി സിന്റയ്ക്കും റാണി മുഖര്‍ജിക്കുമൊപ്പം തകര്‍ത്തഭിനയിച്ച അന്നത്തെ സിനിമാനുഭവവും എഴുത്തിന്റെ കഥകളും അക്ഷരോത്സവത്തില്‍ പറയാനെത്തുകയാണ് ദിവ്യാ ദത്ത. 'ദി സ്റ്റാഴ്‌സ് ഇന്‍ മൈ സ്‌കൈ' എന്ന സംവാദപരിപാടിയില്‍ ദിവ്യ പങ്കെടുക്കും. സരസ്വതി നാഗരാജന്‍ ഒപ്പം ചേരും.
അമ്മയുടെ സ്‌നേഹത്തെപ്പറ്റിയുള്ള 'മീ ആന്‍ഡ് മാ', സഹതാരങ്ങളെപ്പറ്റി എഴുതിയ 'ദ സ്റ്റാര്‍സ് ഇന്‍ മൈ സ്‌കൈ' എന്നീ പുസ്തകങ്ങള്‍ വായനക്കാരെ വലിയതോതില്‍ ആകര്‍ഷിച്ചു.
''വീര്‍-സാറയിലെ ഷബ്ബോ, ഡല്‍ഹി 6-ലെ ജലേബി, ഭാഗ് മില്‍ഖാ ഭാഗിലെ ഇസ്രി കൗര്‍ എന്നീ കഥാപാത്രങ്ങള്‍ എനിക്കു ചെയ്യാന്‍ കഴിഞ്ഞത് അമ്മ നല്‍കിയ മാനസികപിന്തുണയിലാണ്. ഞാന്‍ എന്തുചെയ്താലും എന്നെ പിന്തുണയ്ക്കാനും പ്രോത്സാഹിപ്പിക്കാനും എന്റെ അമ്മ എപ്പോഴുമുണ്ടായിരുന്നു. സ്വന്തം വഴിയിലൂടെ എന്നെ നടക്കാന്‍ പ്രചോദിപ്പിച്ചത് എന്റെ അമ്മയാണ്'' -ദത്തയുടെ വാക്കുകളിലുണ്ട് അമ്മയോടുള്ള സ്‌നേഹം.
1994-ല്‍ പുറത്തിറങ്ങിയ 'ഇഷ്‌ക് മേ ജീന ഇഷ്‌ക് മേ മര്‍ന' എന്ന ചിത്രത്തിലൂടെയാണ് ദത്ത ഹിന്ദി സിനിമയില്‍ അരങ്ങേറിയത്. 1947-ലെ ഇന്ത്യാവിഭജനത്തിന്റെ പശ്ചാത്തലത്തില്‍ 1999-ല്‍ പുറത്തിറങ്ങിയ പഞ്ചാബി ചിത്രമായ 'ഷഹീദ് ഇ മൊഹബത്ത് ബൂട്ടാ സിങ്' എന്ന ചിത്രത്തിലെ അഭിനയം ജനശ്രദ്ധ നേടി. മികച്ച സഹനടിക്കുള്ള ഫിലിംഫെയര്‍ ഉള്‍പ്പെടെ നിരവധി അവാര്‍ഡുകള്‍ 'വീര്‍ സാറ'യിലെ അഭിനയത്തിന് ദത്തയെ തേടിയെത്തി.
2010-ല്‍ 'ഡല്‍ഹി 6'-ലെ അഭിനയത്തിലൂടെ വീണ്ടും ഫിലിംഫെയര്‍ അവാര്‍ഡ് തേടിയെത്തി. എന്നാല്‍, ഏറെക്കാലത്തിനു ശേഷമാണ് ദേശീയ അവാര്‍ഡ് ലഭിക്കുന്നത്. നസറുദ്ദീന്‍ ഷായും അര്‍ഷാദ് വാര്‍സിയും ചേര്‍ന്നഭിനയിച്ച 'ഇറദ'യില്‍ സഹനടിയുടെ വേഷമായിരുന്നു അവര്‍ക്ക്. ദേശീയ അവാര്‍ഡ് ജൂറിക്ക് ദിവ്യയുടെ പ്രകടനം ഇഷ്ടപ്പെട്ടു. മികച്ച സഹനടിക്കുള്ള ദേശീയപുരസ്‌കാരവും അവരെ തേടിയെത്തി.
Content Highlights: mbifl 2023, mbifl 4th edition, Divya Dutta, Kanakakkunnu, Thiruvananthapuram
ടിക്കറ്റ് ബുക്ക് ചെയ്യുന്നതിനായി ലിങ്ക് ക്ലിക്ക് ചെയ്യുക https://mbi.page.link/DHwe
Also Watch
RELATED STORIES
.jpg?$p=aa62323&f=1x1&w=100&q=0.8)
.jpg?$p=b4643a5&f=1x1&w=100&q=0.8)
IN CASE YOU MISSED IT
.jpg?$p=69d463a&q=0.8&f=16x11&w=104)
.jpg?$p=7ce7de3&q=0.8&f=16x11&w=104)
.jpg?$p=6ec2249&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..