ഇരിക്കൂറിന്റെ വാർത്താ ഉറവിടമായി കൃഷ്ണൻ കെ. കല്യാട്


കൃഷ്ണൻ കെ. കല്യാട്

ഇരിക്കൂർ: ഇരിക്കൂർ മേഖലയിൽ മാതൃഭൂമിയോടൊപ്പം പ്രവർത്തിച്ച പ്രാദേശിക പത്രപ്രവർത്തകരിൽ പ്രധാന വ്യക്തിത്വമാണ് കൃഷ്ണൻ കെ. കല്യാട്. ഇരിക്കൂർ, കല്യാട്, ബ്ലാത്തൂർ, പടിയൂർ, ഊരത്തൂർ, ചേടിച്ചേരി, കോട്ടൂർ, മടമ്പം പ്രദേശങ്ങളിലെ വാർത്താവിശേഷങ്ങൾ മാതൃഭൂമിപത്രം വഴി ജനങ്ങളിലെത്തിക്കാൻ അദ്ദേഹത്തിനുകഴിഞ്ഞു.

വാർത്താശേഖരണം ഏറെ ശ്രമകരമായിരുന്ന അക്കാലത്ത് പരമാവധി വാർത്തകൾ ശേഖരിച്ച് എഴുതി കവറിലാക്കി ബസിൽ കൊടുത്തയക്കുകയായിരുന്നു. പടിയൂർ പഞ്ചായത്തിലെ കല്യാട് സ്വദേശിയായ കൃഷ്ണന്റെ തൂലികയിലൂടെ ചലിച്ച വാർത്തയാണ് ഇരിക്കൂർ-ബ്ലാത്തൂർ റൂട്ടിൽ സഞ്ചരിക്കുന്ന യാത്രക്കാർക്ക് ഇന്നും അനുഗ്രഹമായത്. അനധികൃതമായി ബസുടമകൾ പാറ്റക്കലിൽ ബസിന്റെ ഫെയർ സ്റ്റേജ് സ്ഥാപിച്ചത് കൃഷ്ണൻ വാർത്തയാക്കി. തുടർന്ന് അവിടെ മൂന്ന് ദിവസം സമരം നടന്നു. സമരത്തിന്റെ ഫലമായി ചുങ്കസ്ഥാനത്തേക്ക് ഫെയർ സ്റ്റേജ് മാറ്റാൻ ബസുടമകൾ തയ്യാറായി.

നാട്ടിലെ സാമൂഹിക-സാംസ്‌കാരിക വർത്തമാനങ്ങൾ, ജനകീയ പ്രശ്‌നങ്ങൾ, പ്രധാന വ്യക്തികളെ പരിചയപ്പെടുത്തൽ, വിദ്യാലയ വാർത്തകൾ, ചരമവാർത്തകൾ എന്നിവ ധാരാളം എഴുതി. കോൺഗ്രസ് അനുഭാവിയായിരുന്നു. എന്നാൽ, വാർത്തകൾ തയ്യാറാക്കുന്നതിലും ശേഖരിക്കുന്നതിലും രാഷ്ട്രീയം കാണിച്ചില്ലെന്നത് നല്ല പത്രപ്രവർത്തനത്തിന്റെ ശൈലിയാക്കിമാറ്റാൻ അദ്ദേഹത്തിന് സാധിച്ചു.

കോട്ടൂർ മഹാവിഷ്ണു ക്ഷേത്രക്കമ്മിറ്റി പ്രസിഡന്റ്, ആവണക്കോൽ വായനശാല സ്ഥാപകകമ്മിറ്റിയംഗം എന്നീനിലകളിലും കൃഷ്ണൻ കെ. കല്യാട് പ്രവർത്തിച്ചു. 2005 മാർച്ച് അഞ്ചിന് അന്തരിച്ചു.

Content Highlights: Mathrubhumi 100 Years


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

05:03

'ഇയാള്‍ പുറത്തിറങ്ങി നടക്കുന്നത് കണ്ട് ആളുകള്‍ ഇനിയും കുട്ടികളെയൊക്കെ ആക്രമിക്കും'

Sep 21, 2022


07:35

ജലം തേടി ഭൂമിക്കടിയിലൂടെ സഞ്ചരിക്കുന്ന ഒരാൾ

Apr 13, 2022


pinarayi

2 min

'ഇന്നലെനടന്നത് ആസൂത്രിത ആക്രമണം, ആരും രക്ഷപ്പെടില്ല, പോലീസ് തുടർന്നും കരുത്തുറ്റ നടപടി സ്വീകരിക്കും'

Sep 24, 2022

Most Commented