02 June 2023, 08:06 PM IST

2 min read

Read later

കേരള പ്രോപ്പർട്ടി എക്‌സ്‌പോ 2023ന്റെ ഉദ്ഘാടനം ഇന്ത്യൻ സോഷ്യൽ ക്ലബ്ബ് ഓഫ് ഒമാൻ സെക്രട്ടറി രാജേന്ദ്ര ബാബുവും വേൾഡ് മലയാളി ഫെഡറേഷൻ ഗ്ലോബൽ പ്രസിഡന്റ് ഡോ. ജെ. രത്നകുമാറും ചേർന്ന് നിർവഹിക്കുന്നു. എ. എം.സുരേഷ് ( ഇന്ത്യൻ സയൻസ്‌ ഫോറം അഡ്മിൻ കോ ഓർഡിനേറ്റർ ), കെ.ആർ. പ്രമോദ് (മാതൃഭൂമി ജനറൽ മാനേജർ ,പബ്ലിക് റിലേഷൻസ് ) എന്നിവർ സമീപം

മസ്‌ക്കറ്റ് (ഒമാന്‍): മാതൃഭൂമി ഡോട്ട് കോം ഒരുക്കുന്ന കേരള പ്രോപ്പർട്ടി എക്‌സ്‌പോയുടെ ഉദ്ഘാടനം ഇന്ത്യൻ സോഷ്യൽ ക്ലബ്ബ് ഓഫ് ഒമാൻ സെക്രട്ടറി രാജേന്ദ്ര ബാബുവും വേൾഡ് മലയാളി ഫെഡറേഷൻ ഗ്ലോബൽ പ്രസിഡന്റ് ഡോ. ജെ. രത്നകുമാറും ചേർന്ന് നിർവഹിച്ചു. ഒമാനിലെ മസ്‌കറ്റിൽ ജൂൺ 2, 3 തീയതികളിലാണ് എക്സ്പോ നടക്കുന്നത്. ക്രെഡായി (കോൺഫെഡറേഷൻ ഓഫ് റിയൽ എസ്റ്റേറ്റ് അസോസിയേഷൻ ഓഫ് ഇന്ത്യ)യുടെ സഹകരണത്തോടെ സംഘടിപ്പിക്കുന്ന എക്‌സ്‌പോയുടെ വേദി റൂവിയിലെ ഹോട്ടൽ അൽ ഫലാജ് ആണ്. കേരളത്തിൽ നിന്നുള്ള മുപ്പതിലേറെ പ്രമുഖ ബിൽഡർമാർ 200ലധികം മികവുറ്റ പ്രോജക്ടുകളുമായി എക്‌സ്‌പോയിൽ പങ്കെടുക്കുന്നതാണ്. രാവിലെ 11 മുതൽ വൈകീട്ട് 7 മണി വരെയാണ് സമയം.

തിരുവനന്തപുരം, കൊച്ചി, കോട്ടയം, കോഴിക്കോട്, തൃശൂർ തുടങ്ങി കേരളത്തിന്റെ വിവിധ ഭാഗങ്ങളിൽ നിന്നുള്ള ബിൽഡർമാർ കേരള പ്രോപ്പർട്ടി എക്‌സ്‌പോയിൽ പങ്കെടുക്കുന്നതാണ്. നിർമാണം പൂർത്തിയായതും നിർമിച്ചുകൊണ്ടിരുക്കുന്നതുമായ ഫ്‌ളാറ്റുകൾക്കും വില്ലകൾക്കും പുറമേ സർവീസ് അപ്പാർട്ട്‌മെന്റ്, ഷോപ്പിംഗ് സെന്റർ തുടങ്ങിയവയുടെ സ്റ്റാളുകളും ബാങ്കിംഗ്, വിദേശ വിദ്യാഭ്യാസ മേഖലകളിൽ നിന്നുള്ള ബ്രാൻഡുകളും എക്‌സ്‌പോയിൽ ഉണ്ടായിരിക്കുന്നതാണ്.

എക്‌സ്‌പോ സന്ദർശിക്കുന്ന വിദേശ മലയാളികൾക്ക് കേരളത്തിലെ മികച്ച നിരവധി പ്രോജക്ടുകളെക്കുറിച്ച് മസ്റ്റക്കറ്റിൽവച്ച് വിശദമായി മനസിലാക്കാം. ഇഷ്ടപ്പെട്ട പ്രോപ്പർട്ടി അവിടെ വച്ചു തന്നെ ബുക്ക് ചെയ്യാം. ഭവനവായ്പകളെക്കുറിച്ചും എക്‌സ്‌പോയിൽ വച്ചുതന്നെ മനസിലാക്കാം. എക്‌സ്‌പോയിൽ പങ്കെടുക്കുന്ന ബിൽഡർക്ക് നാട്ടിൽ പ്രോപ്പർട്ടി വാങ്ങാൻ ആഗ്രഹിക്കുന്നവരെ നേരിൽ കാണാനും ബിസിനസ് നടത്താനുമുള്ള അപൂർവാവസരമാണ് കേരള പ്രോപ്പർട്ടി എക്‌സ്‌പോയിലൂടെ ലഭിക്കുന്നത്. മികച്ച നിക്ഷേപം എന്ന നിലയിൽ ഭാവിയിൽ റിയൽ എസ്റ്റേറ്റിലൂടെ വൻലാഭം നേടാൻ കഴിയുന്ന പ്രോപ്പർട്ടികൾ വിദേശ മലയാളികൾക്കു പരിചയപ്പെടുത്താനും ഓരോ പ്രോജക്ടും ഏതെല്ലാം വിധത്തിൽ നിക്ഷേപകർക്ക് ഗുണകരമാകുമെന്ന് നേരിട്ട് ബോധ്യപ്പെടുത്താനും സാധിക്കുന്നതാണ്. മുൻവർഷങ്ങളിൽ ഷാർജയിൽ വൻവിജയകരമായി നടത്തിയിട്ടുള്ള കേരള പ്രോപ്പർട്ടി എക്‌സ്‌പോ വിദേശമലയാളികൾക്കും ബിൽഡർമാർക്കും ഒരുപോലെ പ്രയോജനകരമായിരുന്നു.

കേരള പ്രോപ്പർട്ടി എക്സ്പോ നടക്കുന്ന ഹോട്ടൽ അൽ ഫലാജിൽ പ്രവേശനം സൗജന്യമാണ്. വിപുലമായ പാർക്കിംഗ് സൗകര്യവും ഉണ്ടായിരിക്കുന്നതാണ്. പാർക്കിംഗും സൗജന്യമാണ്. എക്‌സ്‌പോയുടെ ട്രാവൽ പാർട്ണർ ആയ ഇന്റർസൈറ്റ് ഓവർസീസ് എഡ്യൂക്കേഷന്റെ സ്റ്റാളും ഉണ്ടായിരിക്കുന്നതാണ്. കേരള പ്രോപ്പർട്ടി എക്‌സ്‌പോയെക്കുറിച്ചുള്ള കൂടുതൽ വിവരങ്ങൾക്ക് 99474 51471, 99953 31199 എന്നീ നമ്പറുകളിൽ വിളിക്കുക.