Photo: twitter.com/IndSuperLeague
ഗുവാഹാട്ടി: ഇന്ത്യന്‍ സൂപ്പര്‍ ലീഗില്‍ പ്ലേ ഓഫ് സാധ്യത കൈവിടാതെ ഒഡിഷ എഫ്.സി. നിര്‍ണായകമായ മത്സരത്തില്‍ നോര്‍ത്ത് ഈസ്റ്റിനെ തകര്‍ത്ത് ഒഡിഷ പ്രതീക്ഷ നിലനിര്‍ത്തി. ഒന്നിനെതിരേ മൂന്ന് ഗോളുകള്‍ക്കാണ് ടീമിന്റെ വിജയം.
നോര്‍ത്ത് ഈസ്റ്റിന്റെ ഹോം ഗ്രൗണ്ടില്‍ നടന്ന മത്സരത്തില്‍ സന്ദര്‍ശകര്‍ക്കുവേണ്ടി നന്ദകുമാറും വിക്ടര്‍ റോഡ്രിഗസ്സും പെനാല്‍റ്റിയിലൂടെ സൂപ്പര്‍താരം ഡീഗോ മൗറീഷ്യോയും ലക്ഷ്യം കണ്ടു. നോര്‍ത്ത് ഈസ്റ്റിനായി പെനാല്‍റ്റിയിലൂടെ വില്‍മര്‍ ജോര്‍ദാന്‍ ആശ്വാസ ഗോള്‍ നേടി
ഈ വിജയത്തോടെ ഒഡിഷ പ്ലേ ഓഫിലേക്ക് അടുത്തു. നിലവില്‍ 19 മത്സരങ്ങളില്‍ നിന്ന് 30 പോയന്റുമായി അഞ്ചാമതാണ് ടീം. അടുത്ത മത്സരത്തില്‍ വിജയിച്ചാല്‍ ടീമിന് പ്ലേ ഓഫ് ഉറപ്പിക്കാം. ലീഗിലെ അവസാന മത്സരത്തില്‍ ജംഷേദ്പുര്‍ എഫ്.സിയാണ് ഒഡിഷയുടെ എതിരാളി.
എഫ്.സി ഗോവ മാത്രമാണ് ഒഡിഷയ്ക്ക് ഭീഷണിയായി നിലനില്‍ക്കുന്നത്. അടുത്ത കളിയില്‍ ഒഡിഷ തോല്‍ക്കുകയും ഗോവ ജയിക്കുകയും ചെയ്താല്‍ ഗോവയ്ക്കും 30 പോയന്റാകും. അങ്ങനെ വന്നാല്‍ നേര്‍ക്കുനേര്‍ വന്ന മത്സരങ്ങളുടെ ഫലമനുസരിച്ച് ഗോവ പ്ലേ ഓഫില്‍ കയറും. ഗോവ 19 കളിയില്‍ നിന്ന് 27 പോയന്റുമായി ഏഴാമതാണ്.
മറുവശത്ത് നോര്‍ത്ത് ഈസ്റ്റ് വീണ്ടും തോല്‍വി ഏറ്റുവാങ്ങി. തുടര്‍ച്ചയായ നാലാം തോല്‍വിയോടെ നോര്‍ത്ത് ഈസ്റ്റ് അവസാന സ്ഥാനത്ത് തുടരുകയാണ്. 19 കളിയില്‍ നിന്ന് വെറും അഞ്ച് പോയന്റ് മാത്രമാണ് ടീമിനുള്ളത്. നോര്‍ത്ത് ഈസ്റ്റ് നേരത്തേതന്നെ പ്ലേ ഓഫ് കാണാതെ പുറത്തായിരുന്നു.
Content Highlights: odisha fc sustain hopes to enter play offs of ISL 2022-2023
Also Watch
RELATED STORIES
IN CASE YOU MISSED IT
Premium
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..