Photo: twitter.com|IndSuperLeague
മഡ്ഗാവ്: ഐഎസ്എല്ലില്‍ തിങ്കളാഴ്ച നടന്ന മത്സരത്തില്‍ നോര്‍ത്ത് ഈസ്റ്റ് യുണൈറ്റഡിനെ തകര്‍ത്ത് ഹൈദരാബാദ് എഫ്‌സി. ബര്‍ത്തലോമ്യു ഓഗ്‌ബെച്ചെ ഇരട്ട ഗോളുമായി തിളങ്ങിയ മത്സരത്തില്‍ ഒന്നിനെതിരേ അഞ്ചു ഗോളുകള്‍ക്കായിരുന്നു ഹൈദരാബാദിന്റെ ജയം.
മത്സരത്തിന്റെ 12-ാം മിനിറ്റില്‍ തന്നെ ഹൈദരാബാദ് മുന്നിലെത്തി. എഡു ഗാര്‍സിയയെടുത്ത ഫ്രീകിക്കില്‍ നിന്നായിരുന്നു ഗോളിന്റെ പിറവി. പോസ്റ്റിലിടിച്ച പന്ത് നേരെ ചെന്നുവീണത് ചിംഗ്ലെന്‍സന സിങ്ങിനു മുന്നില്‍. പന്തിനെ വലയിലേക്ക് തട്ടിയിടേണ്ട കാര്യമേ സിങ്ങിന് ഉണ്ടായിരുന്നുള്ളൂ.
പിന്നാലെ 27-ാം മിനിറ്റില്‍ ഓഗ്‌ബെച്ചെ സ്‌കോര്‍ഷീറ്റില്‍ പേരുചേര്‍ത്തു. നോര്‍ത്ത് ഈസ്റ്റ് ബോക്‌സിലേക്ക് വന്ന ഒരു ലോങ്‌ബോള്‍ പിടിച്ചെടുത്ത് മുന്നേറിയ ഓഗ്‌ബെച്ചെ സമയമെടുത്ത് ഇടംകാലുകൊണ്ടുള്ള ഷോട്ടിലൂടെ പന്ത് വലയിലെത്തിക്കുകയായിരുന്നു. ഗോള്‍കീപ്പര്‍ സുഭാശിഷ് റോയിക്ക് പന്ത് കണ്ടുനില്‍ക്കാന്‍ മാത്രമേ സാധിച്ചുള്ളൂ.
എന്നാല്‍, ആദ്യപകുതി അവസാനിക്കാന്‍ മിനിറ്റുകള്‍ ബാക്കിനില്‍ക്കേ ലാല്‍ഡന്‍മാവിയ റാല്‍തെയിലൂടെ നോര്‍ത്ത്ഈസ്റ്റ് ഒരു ഗോള്‍ മടക്കി. ബോക്‌സിലേക്ക് വന്ന ടൊണ്‍ഡോണ്‍ബ സിങ്ങിന്റെ ഒരു ത്രോയില്‍ നിന്നായിരുന്നു ഗോളിന്റെ പിറവി.
78-ാം മിനിറ്റില്‍ ഓഗ്‌ബെച്ചെ സുന്ദരമായ ഒരു ഗോളിലൂടെ ഹൈദരാബാദിന്റെ ലീഡുയര്‍ത്തി. ജോയല്‍ കിയാനിസ് നീട്ടിയ പന്ത് ബോക്‌സിന് പുറത്തുനിന്ന് കാലില്‍കിട്ടിയ ഓഗ്‌ബെച്ചെ വെട്ടിത്തിരിഞ്ഞ് വലയിലെത്തിക്കുകയായിരുന്നു.
തുടര്‍ന്ന് ഇന്‍ജുറി ടൈമില്‍ രണ്ടു ഗോളുകള്‍ കൂടി ഹൈദരാബാദ് നോര്‍ത്ത്ഈസ്റ്റിന്റെ വലയിലെത്തിച്ചു. അനികേത് യാദവ്, ഹാവിയര്‍ സിവെരിയോ എന്നിവരാണ് ഹൈദരാബാദിനായി സ്‌കോര്‍ ചെയ്തത്.
Content Highlights: isl 2021-22 hyderabad fc beat northeast united fc
Also Watch
RELATED STORIES
.jpg?$p=c8a05f8&f=1x1&w=100&q=0.8)
Premium
.jpg?$p=8896326&f=1x1&w=100&q=0.8)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..