.jpg?$p=79c0b37&f=16x10&w=852&q=0.8)
Photo: twitter.com/IndSuperLeague
ബാംബോലിം: ഐഎസ്എല്ലില്‍ സെമി ഫൈനല്‍ ബര്‍ത്ത് ഉറപ്പിച്ച് ജംഷേദ്പുര്‍ എഫ്‌സി. ചൊവ്വാഴ്ച നടന്ന മത്സരത്തില്‍ ഹൈദരാബാദ് എഫ്‌സിയെ മറുപടിയില്ലാത്ത മൂന്നു ഗോളുകള്‍ക്ക് തകര്‍ത്ത് അവര്‍ പോയന്റ് പട്ടികയില്‍ ഒന്നാം സ്ഥാനത്തെത്തുകയും ചെയ്തു.
മത്സരത്തിലുടനീളം ആധിപത്യം പുലര്‍ത്തിയ ജംഷേദ്പുര്‍, ഹൈദരാബാദിന് കാര്യമായ അവസരങ്ങളൊന്നും നല്‍കിയതുമില്ല.
അഞ്ചാം മിനിറ്റില്‍ തന്നെ ഹൈദരാബാദ് താരം ചിന്‍ഗ്ലെന്‍സന സിങ്ങിന്റെ സെല്‍ഫ് ഗോളില്‍ ജംഷേദ്പുര്‍ മുന്നിലെത്തി. മൊബഷിര്‍ റഹ്മാന്റെ ഷോട്ട് സിങ്ങിന്റെ ദേഹത്ത് തട്ടി വലയിലെത്തുകയായിരുന്നു.
28-ാം മിനിറ്റില്‍ അലക്‌സാണ്‍ഡ്രെ ലിമയുടെ കോര്‍ണറില്‍ തലവെച്ച് പീറ്റര്‍ ഹാര്‍ട്‌ലി ജംഷേദ്പുരിന്റെ ലീഡുയര്‍ത്തി.
65-ാം മിനിറ്റില്‍ ഹൈദരാബാദ് പ്രതിരോധത്തിന്റെ പിഴവില്‍ നിന്നായിരുന്നു ജംഷേദ്പുരിന്റെ മൂന്നാം ഗോള്‍. ലിമ നല്‍കിയ പാസ് ഡാനിയല്‍ ചുക്‌വു അനായാസം വലയിലെത്തിച്ചു.
ജയത്തോടെ ഹൈദരാബാദിനെ മറികടന്ന് ഒന്നാമതെത്തിയ ജംഷേദ്പുരിന് 18 കളികളില്‍ നിന്ന് 37 പോയന്റായി.
Content Highlights: ISL 2021-22 Jamshedpur fc thrashes Hyderabad fc to enter semis
Also Watch
RELATED STORIES
.jpg?$p=24dc233&f=1x1&w=100&q=0.8)
%20(1).jpg?$p=b5e8524&f=1x1&w=100&q=0.8)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..