Photo: twitter.com|IndSuperLeague
ഫത്തോര്‍ദ: ഇന്ത്യന്‍ സൂപ്പര്‍ ലീഗിലെ വാശിയേറിയ പോരാട്ടത്തില്‍ സമനിലയില്‍ പിരിഞ്ഞ് മുംബൈ സിറ്റി എഫ്.സിയും എ.ടി.കെ മോഹന്‍ ബഗാനും. ഇരുടീമുകളും ഓരോ ഗോള്‍ വീതം നേടി പിരിഞ്ഞു.
മോഹന്‍ ബഗാന് വേണ്ടി ഡേവിഡ് വില്യംസ് ലക്ഷ്യം കണ്ടപ്പോള്‍ പ്രീതം കോട്ടാലിന്റെ സെല്‍ഫ് ഗോളാണ് മുംബൈ സിറ്റിയ്ക്ക് തുണയായത്. കഴിഞ്ഞ സീസണിലെ ഫൈനലിന് സമാനമായ മത്സരത്തില്‍ ഇരുടീമുകളും ഒപ്പത്തിനൊപ്പം നില്‍ക്കുന്ന പ്രകടനമാണ് കാഴ്ചവെച്ചത്.
ഈ സമനിലയോടെ മോഹന്‍ ബഗാന് പോയന്റ് പട്ടികയില്‍ അഞ്ചാം സ്ഥാനത്തെത്തി. 12 മത്സരങ്ങളില്‍ നിന്ന് 20 പോയന്റാണ് ടീമിനുള്ളത്. മറുവശത്ത് നിലവിലെ ചാമ്പ്യന്മാരായ മുംബൈ 13 മത്സരങ്ങളില്‍ നിന്ന് 19 പോയന്റുമായി ആറാമതാണ്. കഴിഞ്ഞ അഞ്ചുമത്സരങ്ങളില്‍ നിന്ന് ഒരു വിജയം പോലും നേടിയെടുക്കാന്‍ മുംബൈയ്ക്ക് സാധിച്ചിട്ടില്ല.
മത്സരത്തിന്റെ മൂന്നാം മിനിറ്റില്‍ തന്നെ ലീഡെടുക്കാന്‍ മോഹന്‍ ബഗാന് സാധിച്ചു. സൂപ്പര്‍ താരം ഡേവിഡ് വില്യംസാണ് ടീമിനായി സ്‌കോര്‍ ചെയ്തത്. പ്ലേമേക്കര്‍ ഹ്യൂഗോ ബൗമസിന്റെ പാസില്‍ നിന്നാണ് താരം വലകുലുക്കിയത്. മുംബൈ മധ്യനിരതാരം അഹമ്മദ് ജാഹുവിന്റെ പിഴവില്‍ നിന്നാണ് ഗോള്‍ പിറന്നത്.
എന്നാല്‍ മോഹന്‍ ബഗാന്റെ ആഹ്ലാദത്തിന് അധികം ആയുസ്സുണ്ടായില്ല. 24-ാം മിനിറ്റില്‍ മുംബൈ സിറ്റി സമനില ഗോള്‍ നേടി. പ്രീതം കോട്ടാലിന്റെ സെല്‍ഫ് ഗോളാണ് മുംബൈയ്ക്ക് സമനില സമ്മാനിച്ചത്. താരത്തിന്റെ ഹെഡ്ഡര്‍ അബദ്ധ വശാല്‍ സ്വന്തം വലയില്‍ കയറുകയായിരുന്നു. ആദ്യ പകുതിയില്‍ ഇരുടീമുകളും ഓരോ ഗോള്‍ വീതം നേടി സമനിലയില്‍ പിരിഞ്ഞു.
രണ്ടാം പകുതിയില്‍ മോഹന്‍ ബഗാനും മുംബൈയും ആക്രമണം ശക്തമാക്കിയെങ്കിലും ഗോള്‍ മാത്രം അകന്നുനിന്നു. 90-ാം മിനിറ്റില്‍ പ്രീതം കോട്ടാല്‍ വീണ്ടും സെല്‍ഫ് ഗോള്‍ നേടിയെന്ന് തോന്നിച്ചെങ്കിലും അത് ഗോള്‍കീപ്പര്‍ രക്ഷപ്പെടുത്തി. വൈകാതെ മത്സരം അവസാനിച്ചു.
Content Highlights: ATK Mohun Bagan vs Mumbai City FC ISL 2021-2022 match result
Also Watch
RELATED STORIES
.jpg?$p=8896326&f=1x1&w=100&q=0.8)
.jpg?$p=8896326&f=1x1&w=100&q=0.8)
.jpg?$p=0dfb04f&f=1x1&w=100&q=0.8)
IN CASE YOU MISSED IT
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..