.jpg?$p=6a12f4a&f=16x10&w=852&q=0.8)
ഇരട്ട എന്ന ചിത്രത്തിന്റെ പോസ്റ്റർ, രോഹിത് കൃഷ്ണൻ
ജോജു ജോര്‍ജ്ജിനെ നായകനാക്കി രോഹിത് എം.ജി കൃഷ്ണന്‍ സംവിധാനം ചെയ്യുന്ന 'ഇരട്ട' റിലീസിന് തയ്യാറെടുക്കുകയാണ്. ജോജു ഇരട്ടവേഷത്തിലെത്തുന്ന ആദ്യചിത്രമെന്ന പ്രത്യേകതയും ഈ ചിത്രത്തിനുണ്ട്. മുഖ്യധാര സിനിമയില്‍ സംവിധാനരംഗത്ത് അരങ്ങേറ്റം കുറിക്കുന്ന രോഹിത് ഏറെ പ്രതീക്ഷയോടെയാണ് 'ഇരട്ട' പ്രേക്ഷകരിലേക്ക് എത്തിക്കുന്നത്. ചിത്രത്തിന്റെ വിശേഷങ്ങളെക്കുറിച്ച് സംവിധായകന്‍ മനസ്സു തുറക്കുന്നു.
'ഇരട്ട'യിലേക്ക്....
2017 മുതല്‍ സിനിമ ചെയ്യാനുള്ള തയ്യാറെടുപ്പിലായിരുന്നു ഞാന്‍. ഹ്രസ്വചിത്രങ്ങള്‍ സംവിധാനം ചെയ്തിട്ടുണ്ട്. ആ സമയത്തെല്ലാം തന്നെ ചെറിയ ത്രെഡുകള്‍ വികസിപ്പിച്ച് കഥ എഴുതാറുണ്ടായിരുന്നു. അങ്ങനെ മനസ്സില്‍ വന്ന കഥയാണ് ഇരട്ടയുടേത്. സംവിധായകനും നിര്‍മാതാവുമായ സാജിദ് യാഹ്യയോട് ഈ കഥ പറഞ്ഞപ്പോള്‍ അദ്ദേഹം അത് നിര്‍മിക്കാമെന്ന് ഏറ്റു. അതിനിടെ കോവിഡ് വന്നപ്പോള്‍ പ്രതിസന്ധിയായി. ഷൂട്ട് ചെയ്യാന്‍ ഇളവുകള്‍ വന്ന സമയത്തും സിനിമ തുടങ്ങാന്‍ സാധിച്ചില്ല കാരണം. അത്യാവശ്യം വലിയ ക്രൂ ആയിരുന്നു ഞങ്ങളുടേത്. ഈ സമയത്ത് സാജിത് യഹ്യ മറ്റൊരു പ്രൊജക്ടുമായി മുന്നോട്ട് പോയതുകൊണ്ട് അദ്ദേഹത്തിന് ഈ സിനിമ ചെയ്യാന്‍ സാധിച്ചില്ല. തുടര്‍ന്നാണ് ജോജു ജോര്‍ജ്ജും മാര്‍ട്ടിന്‍ പ്രക്കാട്ടും ചേര്‍ന്ന് നിര്‍മിക്കാമെന്ന ആശയത്തിലെത്തിയത്. സിജോ വടക്കനാണ് മറ്റൊരു നിര്‍മാതാവ്.
നായകനായി ജോജു എത്തുമ്പോള്‍....
തിരക്കഥ എഴുതുമ്പോള്‍ ജോജു ചേട്ടന്റെ പേര് മനസ്സിലുണ്ടായിരുന്നില്ല. എന്നാല്‍ മുന്നോട്ട് പോയപ്പോള്‍ അദ്ദേഹം ചെയ്താല്‍ നന്നാകുമെന്ന് തോന്നി. ആദ്യമായല്ല ജോജു ചേട്ടന്‍ പോലീസ് വേഷത്തിലെത്തുന്നത്. ആക്ഷന്‍ ഹീറോ ബിജു, ജോസഫ്, നായാട്ട് ഈ മൂന്ന് സിനിമകളിലും വളരെ വ്യത്യസ്തമായ കഥാപാത്രങ്ങളെയാണ് അദ്ദേഹം അവതരിപ്പിച്ചത്. ജോജു ചേട്ടന്റെ പോലീസ് വേഷങ്ങളില്‍ ആവര്‍ത്തന വിരസത ഒരിക്കലും തോന്നുകയില്ല. ഇരട്ടയിലും അദ്ദേഹം വ്യത്യസ്തമായ രണ്ട് കഥാപാത്രങ്ങളെയാണ് അവതരിപ്പിക്കുന്നത്. ഒരു കഥാപാത്രത്തെ അവതരിപ്പിച്ചതിന് ശേഷം വേഷം മാറി മേക്കപ്പ് ഇട്ടു വരുമ്പോഴേക്കും അദ്ദേഹത്തിന്റെ മാനറിസം മുഴുവന്‍ മറ്റേ കഥാപാത്രത്തിന്റേതാകും. പരകായ പ്രവേശം എന്നൊക്കെ പറയില്ലേ, അതുപോലെ. ജോജു ചേട്ടന്‍ അതിമനോഹരമായാണ് അത് ചെയ്തത്.
എന്തുകൊണ്ട് ഇരട്ട വ്യത്യസ്തമാകുന്നു...
മലയാള സിനിമയില്‍ ഒരുപാട് ഡബിള്‍ റോളുകള്‍ ഉണ്ടായിട്ടുണ്ട്. അതില്‍ നിന്നെല്ലാം വ്യത്യസ്തമായ കഥയാണ് അവതരിപ്പിക്കാന്‍ ശ്രമിച്ചുള്ളത്. ഇരട്ടസഹോദരന്‍മാര്‍ തമ്മിലുള്ള അഭിപ്രായ വ്യത്യാസങ്ങളും സംഘര്‍ഷങ്ങളും ആത്മബന്ധവും അങ്ങനെ വ്യത്യസ്തമായ ഒരുപാട് തലങ്ങളിലൂടെ കടന്നുപോകുന്ന ചിത്രമാണിത്. മറ്റൊരു കാര്യം കൂടി ചേര്‍ത്തു പറയട്ടെ ഈ ചിത്രത്തിലെ എല്ലാ കഥാപാത്രങ്ങള്‍ക്കും വളരെ പ്രാധ്യനമുണ്ട് ഈ ചിത്രത്തില്‍. അഞ്ജലി, സ്രിന്ധ, ആര്യാ സലിം, ശ്രീകാന്ത് മുരളി, സാബുമോന്‍, അഭിരാം, ശരത് സഭ, കിച്ചു ടെല്ലസ്, തുടങ്ങി ഒട്ടേറെ അഭിനേതാക്കളുണ്ട്. ആര്യ സലീം എസ്.പിയായും സ്രിന്ദ മന്ത്രിയായും അഭിനയിക്കുന്നു. മികച്ച അഭിനേതാക്കള്‍ക്കൊപ്പം പ്രവര്‍ത്തിക്കാനായതില്‍ എനിക്കേറെ ആത്മസംതൃപ്തിയുണ്ട്.
Content Highlights: rohit MG Krishnan interview joju george Krishnan iratta movie
Also Watch
RELATED STORIES
.png?$p=f59f2f4&f=1x1&w=100&q=0.8)
INTERVIEW
.png?$p=83deaf4&f=1x1&w=100&q=0.8)
.png?$p=ff6336c&f=1x1&w=100&q=0.8)
.jpg?$p=1990e2a&f=1x1&w=100&q=0.8)
IN CASE YOU MISSED IT
.jpg?$p=aa62323&f=1x1&w=100&q=0.8)
.png?$p=0d6dae0&q=0.8&f=16x11&w=104)
.jpg?$p=6a12f4a&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..