.jpg?$p=0dfb04f&f=16x10&w=852&q=0.8)
Photo: PTI
ബെംഗളൂരു: ഐപിഎല്‍ 16-ാം സീസണിന് തകര്‍പ്പന്‍ ജയത്തോടെ തുടക്കമിട്ട് റോയല്‍ ചലഞ്ചേഴ്സ് ബാംഗ്ലൂര്‍. മുംബൈ ഇന്ത്യന്‍സിനെ എട്ട് വിക്കറ്റിനാണ് ആര്‍സിബി തകര്‍ത്തത്. 172 റണ്‍സ് വിജയലക്ഷ്യം 16.2 ഓവറില്‍ രണ്ട് വിക്കറ്റുകള്‍ മാത്രം നഷ്ടപ്പെടുത്തി ആര്‍സിബി മറികടന്നു.
ഓപ്പണിങ് വിക്കറ്റില്‍ തകര്‍ത്തടിച്ച വിരാട് കോലി - ക്യാപ്റ്റന്‍ ഫാഫ് ഡുപ്ലെസി സഖ്യമാണ് ആര്‍സിബിയുടെ ജയം അനായാസമാക്കിയത്. 14.5 ഓവറില്‍ 148 റണ്‍സാണ് ഇരുവരും ചേര്‍ന്ന് അടിച്ചെടുത്തത്.
49 പന്തില്‍ നിന്ന് അഞ്ച് സിക്സും ആറ് ഫോറുമടക്കം 82 റണ്‍സോടെ പുറത്താകാതെ നിന്ന വിരാട് കോലിയാണ് ആര്‍സിബിയുടെ ടോപ് സ്‌കോറര്‍. ഡുപ്ലെസി 43 പന്തുകള്‍ നേരിട്ട് ആറ് സിക്സും അഞ്ച് ഫോറുമടക്കം 73 റണ്‍സെടുത്തു. ഗ്ലെന്‍ മാക്‌സ്‌വെല്‍ മൂന്ന് പന്തില്‍ നിന്ന് 12 റണ്‍സോടെ പുറത്താകാതെ നിന്നു. ദിനേഷ് കാര്‍ത്തിക്കാണ് (0) പുറത്തായ മറ്റൊരു താരം.
നേരത്തെ ടോസ് നഷ്ടപ്പെട്ട് ബാറ്റിങ്ങിനിറങ്ങിയ മുംബൈ 20 ഓവറില്‍ ഏഴ് വിക്കറ്റ് നഷ്ടത്തില്‍ 171 റണ്‍സെടുത്തിരുന്നു.
ക്യാപ്റ്റന്‍ രോഹിത് ശര്‍മ (1), ഇഷാന്‍ കിഷന്‍ (10), കാമറൂണ്‍ ഗ്രീന്‍ (5), സൂര്യകുമാര്‍ യാദവ് (15), ടിം ഡേവിഡ് (4) എന്നിവരെല്ലാം നിരാശപ്പെടുത്തിയ മത്സരത്തില്‍ തിലക് വര്‍മയുടെ ഒറ്റയാള്‍ പ്രകടനമാണ് മുംബൈയെ 171-ല്‍ എത്തിച്ചത്. 46 പന്തുകള്‍ നേരിട്ട തിലക് നാല് സിക്സും ഒമ്പത് ഫോറുമടക്കം 84 റണ്‍സോടെ പുറത്താകാതെ നിന്നു.
അഞ്ചാം വിക്കറ്റില്‍ തിലക് വര്‍മ - നേഹല്‍ വധേര സഖ്യം കൂട്ടിച്ചേര്‍ത്ത 50 റണ്‍സാണ് മുംബൈ ഇന്നിങ്സിന്റെ നട്ടെല്ല്. 13 പന്തുകള്‍ നേരിട്ട നേഹല്‍ 21 റണ്‍സെടുത്തു. അര്‍ഷദ് ഖാന്‍ ഒമ്പത് പന്തില്‍ നിന്ന് 15 റണ്‍സുമായി പുറത്താകാതെ നിന്നു.
Content Highlights: ipl 2023 Royal Challengers Bangalore vs Mumbai Indians at Bengal
അപ്ഡേറ്റായിരിക്കാം, വാട്സാപ്പ്
ചാനൽ ഫോളോ ചെയ്യൂ
അപ്ഡേറ്റുകൾ വേഗത്തിലറിയാൻ ഫോളോ ചെയ്തശേഷം നോട്ടിഫിക്കേഷൻ ഓൺ ചെയ്യൂ
Also Watch
RELATED STORIES
.jpg?$p=8a7b7b1&f=1x1&w=100&q=0.8)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..