Photo: twitter.com/mipaltan
മുംബൈ: സ്റ്റാര്‍ പേസര്‍ ജസ്പ്രീത് ബുംറയ്ക്ക് പകരം മലയാളി താരം സന്ദീപ് വാര്യരെ ടീമിലെടുത്ത് മുംബൈ ഇന്ത്യന്‍സ്. പരിക്ക് കാരണമാണ് ബുംറയ്ക്ക് ഇത്തവണ ഐപിഎല്‍ നഷ്ടമാകുന്നത്. ഇതോടെയാണ് നിലവില്‍ തമിഴ്നാടിന് വേണ്ടി കളിക്കുന്ന സന്ദീപിന് മുംബൈ ടീമിലേക്ക് വഴിതുറന്നത്.
മലയാളത്തില്‍ കുറിപ്പെഴുതിക്കൊണ്ടാണ് തമിഴ്നാടിന് വേണ്ടി കളിക്കുന്ന താരത്തെ മുംബൈ സ്വാഗതം ചെയ്തത്. 2021-ല്‍ ഇന്ത്യയ്ക്കായി ഒരു ട്വന്റി 20 മത്സരം കളിച്ചിട്ടുള്ള താരമാണ് സന്ദീപ് വാര്യര്‍. റോയല്‍ ചലഞ്ചേഴ്‌സ് ബാംഗ്ലൂരിനെതിരായ മത്സരത്തിനു മുമ്പ് സന്ദീപ് മുംബൈ ടീമിനൊപ്പം ചേരും. ആഭ്യന്തര ക്രിക്കറ്റിലെ പരിചയസമ്പന്നനായ താരമായ സന്ദീപ് 66 ഫസ്റ്റ് ക്ലാസ്, 69 ലിസ്റ്റ് എ, 68 ട്വന്റി 20 മത്സരങ്ങള്‍ വീതം കളിച്ചിട്ടുണ്ട്. യഥാക്രമം 217, 83, 62 വിക്കറ്റുകളാണ് സമ്പാദ്യം. 2021 ജൂലായില്‍ ശ്രീലങ്കയ്ക്കെതിരേ കൊളംബോയില്‍ നടന്ന ട്വന്റി 20 മത്സരത്തിലാണ് താരം ഇന്ത്യയ്ക്കായി കളിച്ചത്. 2020-ല്‍ തമിഴ്നാട്ടിലേക്ക് മാറുന്നതിന് മുമ്പ് ആഭ്യന്തര ക്രിക്കറ്റില്‍ കേരളത്തെ പ്രതിനിധീകരിച്ചു.
%20Mumbai%20Indians%20(@mipaltan)%20_%20Twitter.png?$p=131a464&&q=0.8)
ഐപിഎല്ലില്‍ കൊല്‍ക്കത്ത നൈറ്റ് റൈഡേഴ്‌സിനായി അഞ്ച് മത്സരങ്ങള്‍ കളിച്ച സന്ദീപ് റോയല്‍ ചലഞ്ചേഴ്‌സ് ബാംഗ്ലൂര്‍ സ്‌ക്വാഡിലും ഉണ്ടായിരുന്നു.
2022 സെപ്റ്റംബര്‍ 25-ന് ഓസ്ട്രേലിയക്കെതിരേ നടന്ന ട്വന്റി 20 മത്സരത്തിലാണ് ബുംറ അവസാനമായി കളത്തിലിറങ്ങിയത്. പിന്നീട് അഞ്ച് മാസത്തോളമായി താരം ടീമിന് പുറത്താണ്. ബുംറയെ ഒക്ടോബര്‍-നവംബര്‍ മാസങ്ങളില്‍ ഇന്ത്യയില്‍ വെച്ച് നടക്കാനിരിക്കുന്ന ഏകദിന ലോകകപ്പിനായി സജ്ജനാക്കുക എന്നതാണ് ഇന്ത്യന്‍ ടീമിന്റെ ലക്ഷ്യം. നേരത്തെ ഓസ്ട്രേലിയക്കെതിരായ ടെസ്റ്റ് പരമ്പരയിലെ അവസാന രണ്ട് മത്സരങ്ങളില്‍ ബുംറ കളിക്കുമെന്ന് റിപ്പോര്‍ട്ട് ഉണ്ടായിരുന്നെങ്കിലും ദേശീയ ക്രിക്കറ്റ് അക്കാദമിയില്‍ (എന്‍.സി.എ.) നിന്ന് ബുംറയ്ക്ക് അനുമതി ലഭിച്ചിരുന്നില്ല.
പരിക്കിനെ തുടര്‍ന്ന് കഴിഞ്ഞ ഏഷ്യാ കപ്പ്, ട്വന്റി 20 ലോകകപ്പ്, ബംഗ്ലാദേശ് പര്യടനം, ശ്രീലങ്കയ്ക്കും ന്യൂസീലന്‍ഡിനുമെതിരായ നാട്ടിലെ പരമ്പരകള്‍ ഓസ്‌ട്രേലിയന്‍ ടെസ്റ്റ് പരമ്പര തുടങ്ങിയവയെല്ലാം താരത്തിന് നഷ്ടമായിരുന്നു. ബുംറയുടെ പുരോഗതി ബി.സി.സി.ഐ. നിരന്തരം നിരീക്ഷിച്ചുകൊണ്ടിരിക്കുകയാണ്.
അതേസമയം പുറംവേദനയ്ക്ക് വിദഗ്ധചികിത്സ തേടി ബുംറ ന്യൂസീലന്‍ഡിലേക്ക് പറക്കും. ഇന്ത്യന്‍ ക്രിക്കറ്റ് കണ്‍ട്രോള്‍ ബോര്‍ഡ് (ബി.സി.സി.ഐ.) മെഡിക്കല്‍ സംഘത്തിന്റെ നിര്‍ദേശപ്രകാരമാണ് ബുംറയെ ചികിത്സയ്ക്കയക്കുന്നത്. ഇംഗ്ലണ്ട് പേസര്‍ ജോഫ്ര ആര്‍ച്ചറെ ചികിത്സിച്ച ഡോക്ടര്‍ റോവന്‍ ഷട്ടന്റെ കീഴിലാകും തുടര്‍ചികിത്സ.
Content Highlights: IPL 2023 Mumbai Indians name Sandeep Warrier as replacement for injured Jasprit Bumrah
അപ്ഡേറ്റായിരിക്കാം, വാട്സാപ്പ്
ചാനൽ ഫോളോ ചെയ്യൂ
അപ്ഡേറ്റുകൾ വേഗത്തിലറിയാൻ ഫോളോ ചെയ്തശേഷം നോട്ടിഫിക്കേഷൻ ഓൺ ചെയ്യൂ
Also Watch
RELATED STORIES
.jpg?$p=8a7b7b1&f=1x1&w=100&q=0.8)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..