.jpg?$p=8896326&f=16x10&w=852&q=0.8)
Photo: ANI
മുംബൈ: ഐപിഎല്ലില്‍ ഗുജറാത്ത് ടൈറ്റന്‍സിനെ പരാജയപ്പെടുത്തി മുംബൈ ഇന്ത്യന്‍സ്. വാങ്കഡെ സ്റ്റേഡിയത്തില് നടന്ന മത്സരത്തില്‍ ഗുജറാത്തിനെ 27 റണ്‍സിന് പരാജയപ്പെടുത്തിയ മുംബൈ പോയന്റ് പട്ടികയില്‍ രാജസ്ഥാനെ മറികടന്ന് മൂന്നാം സ്ഥാനത്തേക്ക് കയറി.
മുംബൈ ഉയര്‍ത്തിയ 219 റണ്‍സ് വിജയലക്ഷ്യം പിന്തുടര്‍ന്ന ഗുജറാത്തിന് എട്ടു വിക്കറ്റ് നഷ്ടത്തില്‍ 191 റണ്‍സെടുക്കാനേ സാധിച്ചുള്ളൂ. അര്‍ധ സെഞ്ചുറി നേടിയ റാഷിദ് ഖാന്റെ പ്രകടനമാണ് ഗുജറാത്തിന്റെ തോല്‍വി ഭാരം കുറച്ചത്. തകര്‍പ്പന്‍ ഇന്നിങ്‌സ് കാഴ്ചവെച്ച റാഷിദ് 32 പന്തില്‍ നിന്ന് 10 സിക്‌സും മൂന്ന് ഫോറുമടക്കം 79 റണ്‍സോടെ പുറത്താകാതെ നിന്നു.
26 പന്തില്‍ നിന്ന് രണ്ട് സിക്‌സും നാല് ഫോറുമടക്കം 41 റണ്‍സെടുത്ത ഡേവിഡ് മില്ലര്‍, 14 പന്തില്‍ നിന്ന് 29 റണ്‍സെടുത്ത വിജയ് ശങ്കര്‍ എന്നിരാണ് റാഷിദിനെ കൂടാതെ ഗുജറാത്തിനായി ഭേദപ്പെട്ട പ്രകടനം പുറത്തെടുത്തത്.
മൂന്ന് വിക്കറ്റ് വീഴ്ത്തിയ ആകാശ് മധ്‌വാളാണ് ഗുജറാത്തിനെ തകര്‍ത്തത്. പിയുഷ് ചൗളയും കുമാര്‍ കാര്‍ത്തികേയയും രണ്ട് വിക്കറ്റ് വീതം വീഴ്ത്തി.
വൃദ്ധിമാന്‍ സാഹ (2), ശുഭ്മാന്‍ ഗില്‍ (2), ക്യാപ്റ്റന്‍ ഹാര്‍ദിക് പാണ്ഡ്യ (4) എന്നിവരെല്ലാം നിരാശപ്പെടുത്തി. അഭിനവ് മനോഹര്‍ (2), രാഹുല്‍ തെവാട്ടിയ (14), നൂര്‍ അഹമ്മദ് (1) എന്നിവരാണ് പുറത്തായ മറ്റ് താരങ്ങള്‍.
നേരത്തെ ടോസ് നഷ്ടപ്പെട്ട് ആദ്യം ബാറ്റിങ്ങിനിറങ്ങിയ മുംബൈ സൂര്യകുമാര്‍ യാദവിന്റെ സെഞ്ചുറി മികവില്‍ 20 ഓവറില്‍ അഞ്ചു വിക്കറ്റ് നഷ്ടത്തില്‍ 218 റണ്‍സെടുത്തിരുന്നു.
കന്നി ഐപിഎല്‍ സെഞ്ചുറി കുറിച്ച സൂര്യ 49 പന്തില്‍ പുറത്താകാതെ 103 റണ്‍സെടുത്തു. ആറ് സിക്‌സും 11 ഫോറുകളുമടങ്ങുന്നതായിരുന്നു താരത്തിന്റെ ഇന്നിങ്‌സ്.
20 പന്തില്‍ നിന്ന് രണ്ട് വീതം സിക്‌സും ഫോറുമടക്കം 30 റണ്‍സെടുത്ത മലയാളി താരം വിഷ്ണു വിനോദും മികച്ച പ്രകടനം പുറത്തെടുത്തു. നാലാം വിക്കറ്റില്‍ സൂര്യ - വിഷ്ണു സഖ്യം 65 റണ്‍സാണ് മുംബൈ സ്‌കോറിലേക്ക് ചേര്‍ത്തത്.
20 പന്തില്‍ നിന്ന് 31 റണ്‍സെടുത്ത ഇഷാന്‍ കിഷനും 18 പന്തില്‍ നിന്ന് 29 റണ്‍സെടുത്ത ക്യാപ്റ്റന്‍ രോഹിത് ശര്‍മയും ചേര്‍ന്ന് മുംബൈക്കായി മികച്ച തുടക്കം തന്നെ സമ്മാനിച്ചിരുന്നു. ഇരുവരും പുറത്തായ ശേഷം സൂര്യ ഒറ്റയ്ക്ക് മുംബൈ ഇന്നിങ്‌സ് നയിച്ചു.
നെഹാല്‍ വധേര (15), ടിം ഡേവിഡ് (5) എന്നിവര്‍ നിരാശപ്പെടുത്തി. ഗുജറാത്തിനായി റാഷിദ് ഖാന്‍ നാല് വിക്കറ്റ് വീഴ്ത്തി.
Content Highlights: ipl 2023 Mumbai Indians beat Gujarat Titans at Wankhede Stadium Mumbai
അപ്ഡേറ്റായിരിക്കാം, വാട്സാപ്പ്
ചാനൽ ഫോളോ ചെയ്യൂ
അപ്ഡേറ്റുകൾ വേഗത്തിലറിയാൻ ഫോളോ ചെയ്തശേഷം നോട്ടിഫിക്കേഷൻ ഓൺ ചെയ്യൂ
Also Watch
RELATED STORIES
.jpg?$p=8a7b7b1&f=1x1&w=100&q=0.8)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..