Photo: ANI
മുംബൈ: കൊല്‍ക്കത്ത നൈറ്റ് റൈഡേഴ്‌സിന്റെ പരിചയസമ്പന്നനായ ബാറ്റര്‍ അജിങ്ക്യ രഹാനെയ്ക്ക് പരിക്ക്. സണ്‍റൈസേഴ്‌സ് ഹൈദരാബാദിനെതിരായ മത്സരത്തിനിടെയാണ് താരത്തിന് പരിക്കേറ്റത്. പേശിവലിവ് മൂലം ബുദ്ധിമുട്ട് അനുഭവിച്ച രഹാനെയ്ക്ക് സീസണിലെ ഇനിയുള്ള മത്സരങ്ങളില്‍ കളിക്കാനാവില്ല.
കൊല്‍ക്കത്ത നൈറ്റ് റൈഡേഴ്‌സ് തന്നെയാണ് ഇക്കാര്യം അറിയിച്ചത്. പരിക്കിന്റെ പിടിയിലായ രഹാനെ കൊല്‍ക്കത്ത ക്യാമ്പ് വിട്ട് നാട്ടിലേക്ക് മടങ്ങി. ഈ സീസണില്‍ വേണ്ടത്ര മികവ് പുറത്തെടുക്കാന്‍ രഹാനെയ്ക്ക് സാധിച്ചിരുന്നില്ല.
സീസണില്‍ ഇതുവരെ ഏഴ് മത്സരങ്ങള്‍ കളിച്ച രഹാനെ 19 റണ്‍സ് ശരാശരിയില്‍ വെറും 133 റണ്‍സ് മാത്രമാണ് നേടിയത്. 44 റണ്‍സാണ് ഉയര്‍ന്ന സ്‌കോര്‍. സണ്‍റൈസേഴ്‌സിനെതിരായ മത്സരത്തില്‍ താരം 24 പന്തുകളില്‍ നിന്ന് 28 റണ്‍സെടുത്തിരുന്നു.
Also Read
മെഗാലേലത്തില്‍ ഒരുകോടി രൂപയ്ക്കാണ് രഹാനയെ കൊല്‍ക്കത്ത ടീമിലെടുത്തത്. നിലവില്‍ 13 മത്സരങ്ങളില്‍ നിന്ന് 12 പോയന്റുള്ള കൊല്‍ക്കത്ത പട്ടികയില്‍ ആറാമതാണ്. അടുത്ത മത്സരത്തില്‍ ലഖ്‌നൗ സൂപ്പര്‍ ജയന്റ്‌സാണ് കൊല്‍ക്കത്തയുടെ എതിരാളി.
Content Highlights: ipl 2022, ipl, ajinkya rahane, rahane injury, kkr, kolkata knight riders, cricket
അപ്ഡേറ്റായിരിക്കാം, വാട്സാപ്പ്
ചാനൽ ഫോളോ ചെയ്യൂ
അപ്ഡേറ്റുകൾ വേഗത്തിലറിയാൻ ഫോളോ ചെയ്തശേഷം നോട്ടിഫിക്കേഷൻ ഓൺ ചെയ്യൂ
Also Watch
RELATED STORIES
.jpg?$p=8a7b7b1&f=1x1&w=100&q=0.8)
.jpg?$p=aa62323&q=0.8&f=16x11&w=104)
.jpg?$p=7b364d9&q=0.8&f=16x11&w=104)
.jpg?$p=818dc93&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..