.jpg?$p=a80322e&f=16x10&w=852&q=0.8)
Photo: twitter.com/IPL
മുംബൈ: ഐപിഎല്ലില്‍ ഡല്‍ഹി ക്യാപ്പിറ്റല്‍സിനെ ആറു വിക്കറ്റിന് തകര്‍ത്ത് ലഖ്നൗ സൂപ്പര്‍ ജയന്റ്സ്. ഡല്‍ഹി ഉയര്‍ത്തിയ 150 റണ്‍സ് വിജയലക്ഷ്യം പിന്തുടര്‍ന്ന സൂപ്പര്‍ ജയന്റ്സ് രണ്ടു പന്തുകള്‍ ബാക്കിനില്‍ക്കേ നാലു വിക്കറ്റ് മാത്രം നഷ്ടപ്പെടുത്തി ലക്ഷ്യത്തിലെത്തി.
അര്‍ധ സെഞ്ചുറി നേടിയ ഓപ്പണര്‍ ക്വിന്റണ്‍ ഡിക്കോക്ക് സൂപ്പര്‍ ജയന്റ്സിനായി തകര്‍പ്പന്‍ പ്രകടനം പുറത്തെടുത്തു. 52 പന്തുകള്‍ നേരിട്ട താരം രണ്ട് സിക്സും ഒമ്പത് ഫോറുമടക്കം 80 റണ്‍സെടുത്തു. ഡിക്കോക്കും ക്യാപ്റ്റന്‍ കെ.എല്‍ രാഹുലും (25 പന്തില്‍ നിന്ന് 24 റണ്‍സ്) ചേര്‍ന്ന് ഓപ്പണിങ് വിക്കറ്റില്‍ 73 റണ്‍സിന്റെ കൂട്ടുകെട്ടുണ്ടാക്കി ടീമിന് മികച്ച തുടക്കം സമ്മാനിച്ചു.
രാഹുലും എവിന്‍ ലൂയിസും (13 പന്തില്‍ നിന്ന് 5) ഡിക്കോക്കും പുറത്തായ ശേഷം ദീപക് ഹൂഡയും ക്രുണാല്‍ പണ്ഡ്യയും ചേര്‍ന്ന് സൂപ്പര്‍ ജയന്റ്‌സിനെ വിജയത്തിനടുത്ത് വരെയെത്തിച്ചു. അവസാന ഓവറില്‍ ഹൂഡ (13 പന്തില്‍ നിന്ന് 11) പുറത്തായ ശേഷമെത്തിയ ആയുഷ് ബദോനി സിക്‌സടിച്ച് ടീമിന്റെ വിജയ റണ്‍ നേടുകയായിരുന്നു. മൂന്ന് പന്തില്‍ നിന്ന് ബദോനി 10 റണ്‍സടിച്ചു. ക്രുണാല്‍ 14 പന്തുകള്‍ നേരിട്ട് 19 റണ്‍സോടെ പുറത്താകാതെ നിന്നു.
നേരത്തെ ഓപ്പണര്‍ പൃഥ്വി ഷാ നല്‍കിയ വെടിക്കെട്ട് തുടക്കം പിന്നീട് വന്ന ബാറ്റര്‍മാര്‍ക്ക് മുതലാക്കാന്‍ സാധിക്കാതിരുന്നതോടെ ഡല്‍ഹി ക്യാപ്പിറ്റല്‍സ് 20 ഓവറില്‍ മൂന്ന് വിക്കറ്റ് നഷ്ടത്തില്‍ 149 റണ്‍സിലൊതുങ്ങിയിരുന്നു.
ടോസ് നഷ്ടപ്പെട്ട് ആദ്യം ബാറ്റിങ്ങിനിറങ്ങിയ ഡല്‍ഹിക്കായി ഇത്തവണ ആദ്യ മത്സരം കളിക്കാനിറങ്ങിയ ഡേവിഡ് വാര്‍ണര്‍ പതറിയതോടെ പൃഥ്വി ഷാ ഇന്നിങ്സിന്റെ കടിഞ്ഞാണ്‍ ഏറ്റെടുക്കുകയായിരുന്നു. വെറും 34 പന്തില്‍ നിന്ന് രണ്ട് സിക്സും ഒമ്പത് ഫോറുമടക്കം 61 റണ്‍സുമായി ഷാ മടങ്ങുമ്പോള്‍ 7.3 ഓവറില്‍ ഡല്‍ഹി സ്‌കോര്‍ബോര്‍ഡില്‍ 67 റണ്‍സുണ്ടായിരുന്നു.
എന്നാല്‍ പിന്നീട് ലഖ്നൗ ബൗളര്‍മാര്‍ ഡല്‍ഹി ബാറ്റര്‍മാര്‍ക്ക് കടിഞ്ഞാണിട്ടു. ഡേവിഡ് വാര്‍ണര്‍ (12 പന്തില്‍ നിന്ന് 4), റോവ്മാന്‍ പവല്‍ (10 പന്തില്‍ നിന്ന് 3) എന്നിവരെല്ലാം റണ്‍സ് കണ്ടെത്താന്‍ ശരിക്കും പ്രയാസപ്പെട്ടു.
പിന്നീട് നാലാം വിക്കറ്റില്‍ ഒന്നിച്ച ക്യാപ്റ്റന്‍ ഋഷഭ് പന്ത് - സര്‍ഫറാസ് ഖാന്‍ സഖ്യമാണ് ഡല്‍ഹിയെ ഭേദപ്പെട്ട സ്‌കോറിലെത്തിച്ചത്. ഇരുവരും ചേര്‍ന്ന് 75 റണ്‍സിന്റെ കൂട്ടുകെട്ടുണ്ടാക്കി.
ഋഷഭ് 36 പന്തില്‍ നിന്ന് 2 സിക്സും 3 ഫോറുമടക്കം 39 റണ്‍സോടെയും സര്‍ഫറാസ് 28 പന്തില്‍ നിന്ന് 3 ഫോറടക്കം 36 റണ്‍സോടെയും പുറത്താകാതെ നിന്നു. ലഖ്നൗവിനായി രവി ബിഷ്ണോയ് നാല് ഓവറില്‍ 22 റണ്‍സ് മാത്രം വഴങ്ങി രണ്ടു വിക്കറ്റ് വീഴ്ത്തി.
Content Highlights: ipl 2022 lucknow super giants against delhi capitals
Also Watch
RELATED STORIES
.jpg?$p=a80322e&f=1x1&w=100&q=0.8)
.jpg?$p=8a7b7b1&f=1x1&w=100&q=0.8)
.jpg?$p=e4e93ab&f=1x1&w=100&q=0.8)
IN CASE YOU MISSED IT
.jpg?$p=cf32acb&f=1x1&w=100&q=0.8)
.jpg?$p=aa62323&q=0.8&f=16x11&w=104)
.jpg?$p=7b364d9&q=0.8&f=16x11&w=104)
.jpg?$p=818dc93&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..