.jpg?$p=6df998d&f=16x10&w=852&q=0.8)
Photo: iplt20.com
മുംബൈ: ഐപിഎല്ലില്‍ സണ്‍റൈസേഴ്‌സ് ഹൈദരാബാദിനെ 21 റണ്‍സിന് പരാജയപ്പെടുത്തി ഡല്‍ഹി ക്യാപ്പിറ്റല്‍സ്. ഡല്‍ഹി ഉയര്‍ത്തിയ 208 റണ്‍സ് വിജയലക്ഷ്യം പിന്തുടര്‍ന്ന ഹൈദരാബാദിന് എട്ടു വിക്കറ്റ് നഷ്ടത്തില്‍ 186 റണ്‍സെടുക്കാനേ സാധിച്ചുള്ളൂ. 34 പന്തില്‍ നിന്ന് ആറ് സിക്‌സും രണ്ട് ഫോറുമടക്കം 62 റണ്‍സെടുത്ത നിക്കോളാസ് പുരനാണ് ഹൈദരാബാദിന്റെ ടോപ് സ്‌കോറര്‍.
കൂറ്റന്‍ വിജയലക്ഷ്യത്തിലേക്ക് ബാറ്റെടുത്ത ഹൈദരാബാദിന്റേത് മോശം തുടക്കമായിരുന്നു. രണ്ടാം ഓവറില്‍ തന്നെ ഓപ്പണര്‍ അഭിഷേക് ശര്‍മയെ (7) മടക്കി ഖലീല്‍ അഹമ്മദ് ആദ്യ വെടിപൊട്ടിച്ചു. പിന്നാലെ നിലയുറപ്പിക്കും മുമ്പ് ക്യാപ്റ്റന്‍ കെയ്ന്‍ വില്യംസണും (4) പുറത്തായി. തരക്കേടില്ലാതെ തുടങ്ങിയ രാഹുല്‍ ത്രിപാഠിയുടെ ഊഴമായിരുന്നു അടുത്തത്. 18 പന്തില്‍ നിന്ന് 22 റണ്‍സെടുത്ത താരം ഏഴാം ഓവറില്‍ മിച്ചര്‍ മാര്‍ഷിന് വിക്കറ്റ് സമ്മാനിച്ച് മടങ്ങിയതോടെ ഹൈദരാബാദ് മൂന്നിന് 37 റണ്‍സെന്ന നിലയിലായി.
എന്നാല്‍ നാലാം വിക്കറ്റില്‍ ഒന്നിച്ച ഏയ്ഡന്‍ മാര്‍ക്രം - നിക്കോളാസ് പുരന്‍ സഖ്യം ഹൈദരാബാദിനെ മുന്നോട്ട് നയിച്ചു. 60 റണ്‍സ് കൂട്ടിച്ചേര്‍ത്ത ഈ സഖ്യം പിരിച്ചത് ഖലീല്‍ അഹമ്മദായിരുന്നു. 25 പന്തില്‍ നിന്ന് മൂന്ന് സിക്‌സും നാല് ഫോറുമടക്കം 42 റണ്‍സെടുത്ത മാര്‍ക്രത്തെ ഖലീല്‍ കുല്‍ദീപ് യാദവിന്റെ കൈയിലെത്തിക്കുകയായിരുന്നു.
എന്നാല്‍ ശശാങ്ക് സിങ് (10), സീന്‍ ആബോട്ട് (7), ശ്രേയസ് ഗോപാല്‍ (9*) എന്നിവരെ കൂട്ടുപിടിച്ച് നിക്കോളാസ് പുരന്‍ വമ്പനടികളോടെ ഹൈദരാബാദ് സ്‌കോറുയര്‍ത്തി. എന്നാല്‍ 18-ാം ഓവറില്‍ പുരനെ മടക്കി ശാര്‍ദുല്‍ താക്കൂര്‍ മത്സരം ഡല്‍ഹിക്ക് അനുകൂലമാക്കുകയായിരുന്നു. കാര്‍ത്തിക് ത്യാഗിയാണ് (7) പുറത്തായ മറ്റൊരു താരം.
ഡല്‍ഹിക്കായി ഖലീല്‍ അഹമ്മദ് മൂന്നും ശാര്‍ദുല്‍ താക്കൂര്‍ രണ്ട് വിക്കറ്റും വീഴ്ത്തി.
നേരത്തെ ടോസ് നഷ്ടപ്പെട്ട് ആദ്യം ബാറ്റിങ്ങിനിറങ്ങിയ ഡല്‍ഹി ഡേവിഡ് വാര്‍ണര്‍ - റോവ്മാന്‍ പവല്‍ കൂട്ടുകെട്ടിന്റെ മികവിലാണ് കൂറ്റന്‍ സ്‌കോറിലെത്തിയത്. നാലാം വിക്കറ്റില്‍ ഒന്നിച്ച ഈ സഖ്യം 122 റണ്‍സ് അടിച്ചുകൂട്ടിയപ്പോള്‍ ഡല്‍ഹി 20 ഓവറില്‍ മൂന്ന് വിക്കറ്റ് നഷ്ടത്തില്‍ 207 റണ്‍സിലെത്തി.
തന്‌റെ മുന്‍ ടീമിനെതിരേ വാര്‍ണര്‍ 58 പന്തില്‍ നിന്ന് മൂന്ന് സിക്‌സും 12 ഫോറുമടക്കം 92 റണ്‍സോടെ പുറത്താകാതെ നിന്നപ്പോള്‍ പവല്‍ 35 പന്തില്‍ നിന്ന് ആറു സിക്‌സും മൂന്ന് ഫോറുമടക്കം 67 റണ്‍സെടുത്തു.
മന്‍ദീപ് (0), മിച്ചല്‍ മാര്‍ഷ് (10), ക്യാപ്റ്റന്‍ഋഷഭ് പന്ത് (26) എന്നിവരാണ് ഡല്‍ഹി നിരയില്‍ പുറത്തായ താരങ്ങള്‍. ഹൈദരാബാദ് ബൗളര്‍മാരില്‍ ഭുവനേശ്വര്‍ കുമാര്‍ ഒഴികെയുള്ളവരെല്ലാം നന്നായി തല്ലുവാങ്ങി.
Content Highlights: ipl 2022 Delhi Capitals beat SunRisers Hyderabad
Also Watch
RELATED STORIES
.jpg?$p=aa62323&f=1x1&w=100&q=0.8)
.jpg?$p=7b364d9&f=1x1&w=100&q=0.8)
.jpg?$p=818dc93&f=1x1&w=100&q=0.8)
IN CASE YOU MISSED IT
.jpg?$p=aa62323&q=0.8&f=16x11&w=104)
.jpg?$p=7b364d9&q=0.8&f=16x11&w=104)
.jpg?$p=818dc93&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..