നാസിക്രൂരതയുടെ ബാക്കി ചിത്രമായി ഷാറ്റേണ്‍ | SCHÄCHTEN Movie Review


അനുശ്രീ മാധവന്‍

Schachten

നാസിസത്തിന് ഒരു മനുഷ്യരൂപം ഉണ്ടായിരുന്നു. അതായിരുന്നു അഡോള്‍ഫ് ഹിറ്റലര്‍. ഹിറ്റ്‌ലര്‍ മരിച്ച് പതിറ്റാണ്ടുകള്‍ കഴഞ്ഞുവെങ്കിലും നാസിസത്തിന്റെയും നാസിസ്റ്റുകളുടെയും വിവിധ രൂപങ്ങള്‍ ലോകമെമ്പാടുമുണ്ട്. അതുകൊണ്ടു തന്നെയായിരിക്കണം സിനിമയെ സംബന്ധിച്ചേടത്തോളം നാസിസം ഒരുപാട് പ്രധാന്യമുള്ള വിഷയമായി നില്‍ക്കുന്നത്. നാസിസ വിരുദ്ധ സന്ദേശവുമായെത്തുന്ന ഒരു സിനിമയെങ്കിലും ഇല്ലാതെ അന്താരാഷ്ട്ര ചലച്ചിത്ര മേള കടന്നുപോകാറില്ല. ഇത്തവണത്തെ മേളയില്‍ നാസി ക്രൂരതകളിലേക്ക് കൂട്ടിക്കൊണ്ടുപോയത് ഷാറ്റേണ്‍ എന്ന ചിത്രമാണ്. തോമസ് റോത്താണ് ചിത്രത്തിന്റെ സംവിധായകന്‍.

വിക്ടര്‍ എന്ന ജൂത വ്യവസായിയാണ് സിനിമയിലെ നായകന്‍. നാസികളുടെ ക്രൂരകൃത്യത്തിന് ഇരയായ ഒരു കുടുംബത്തിലെ അംഗം. അതുമായി ബന്ധപ്പെട്ട കേസില്‍ മുന്‍നാസി പട്ടാളക്കാര്‍ക്കെതിരേ നിയമത്തിന്റെ വഴിയേ പോരാടുകയാണ് വിക്ടര്‍. വ്യക്തിപരമായും കടുത്ത പ്രശ്‌നങ്ങളിലൂടെയാണ് വിക്ടര്‍ കടന്നുപോകുന്നത്. പിതാവിന്റെ മരണം ഒരു വശത്ത്. വിക്ടറിന്റെ സ്വത്വം ഉള്‍ക്കൊള്ളാന്‍ സാധിക്കാത്ത സമൂഹത്തിലെ ഒരു വിഭാഗമാളുകള്‍ മറു വശത്ത്. അതില്‍ അയാളുടെ കാമുകിയുടെ കുടുംബവുമുണ്ട്. ഈ സാമൂഹ്യ സാഹചര്യങ്ങളും നിയമവാഴ്ചയിലെ നീതികേടും ഒരാളെ ആയുധം കയ്യിലെടുക്കാന്‍ എങ്ങനെ പ്രേരിപ്പിക്കുന്നു എന്നതാണ് ചിത്രം കാണിച്ചു തരുന്നത്.



നാസിസത്തിന്റെ കാലം അവസാനിക്കുന്നില്ല, അതൊരു വ്യക്തിയല്ല, തീവ്രമായ ആശയമാണ്. സ്ലീപ്പര്‍ സെല്ലുകള്‍ പോലെ അത് നമുക്ക് ചുറ്റും ഇപ്പോഴുമുണ്ട്. തെളിവുകളുണ്ടായിരുന്നിട്ടും ശിക്ഷിക്കപ്പെടാതെ പോകുന്ന മുന്‍കാല നാസി പട്ടാളക്കാര്‍ക്കെതിരെ നിയമത്തിന്റെ വഴി ഉപേക്ഷിച്ച് ആയുധമെടുക്കാന്‍ നിര്‍ബന്ധിതനാവുന്ന വിക്ടര്‍ സാമൂഹ്യ വ്യവസഥയുടെ ഇരയാണ്. അകാരണമായി നിഷ്‌കരുണം കൊലചെയ്യപ്പെട്ടവരുടെ തലമുറകള്‍ ഒരിക്കലും കൊലപാതകികളോട് ക്ഷമിക്കില്ലെന്നും പ്രതികാരം കാത്ത് സൂക്ഷിക്കുമെന്ന ഓര്‍മപ്പെടുത്തല്‍ കൂടിയാണ് ഈ സിനിമ.

Content Highlights: schachten, movie, malayalam review, iffi 2022, film


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
സരിത രവീന്ദ്രനാഥ്

2 min

ലെഗ്ഗിൻസ് ധരിച്ചതിന് ഹെഡ്മിസ്ട്രസില്‍ നിന്ന് ശകാരം; പരാതി നല്‍കി അധ്യാപിക

Dec 1, 2022


04:19

ഇത് കേരളത്തിന്റെ മിനി ശിവകാശി, പടക്കങ്ങളുടെ മായാലോകം

Oct 24, 2022


26:50

മലയാളികളുടെ റിച്ചുക്കുട്ടന് ഹിന്ദിയിലും പിടിയുണ്ടായ ' വല്യ കഥ'

Oct 10, 2022

Most Commented