37 രൂപയായിരുന്നു സിനിമ മോഹിച്ച് മുംബൈയില്‍ എത്തുമ്പോള്‍  കയ്യിലുണ്ടായിരുന്നത്- അനുപം ഖേര്‍


അനുശ്രീ മാധവന്‍

അനുപം ഖേർ | ഫോട്ടോ PTI

വെറും 37 രൂപയാണ് മുംബൈയില്‍ സിനിമ മോഹിച്ച് വരുമ്പോള്‍ തന്റെ പക്കല്‍ ഉണ്ടായിരുന്നതെന്ന് നടന്‍ അനുപം ഖേര്‍. ദ കശ്മീര്‍ ഫയല്‍സ് സിനിമയുടെ പ്രദര്‍ശനത്തിനോട് അനുബന്ധിച്ച് അന്താരാഷ്ട്ര ചലച്ചിത്ര മേളയില്‍ വാര്‍ത്താ സമ്മേളനത്തില്‍ സംസാരിക്കുകയായിരുന്നു അനുപം ഖേര്‍. നാഷ്ണല്‍ സ്‌കൂള്‍ ഓഫ് ഡ്രാമയിലെ പഠനത്തിന് ശേഷം തനിക്ക് സിനിമയില്‍ അവസരം ലഭിക്കുമെന്നായിരുന്നു ധാരണയെന്നും എന്നാല്‍ മുംബൈയില്‍ എത്തിയപ്പോഴാണ് യാഥാര്‍ഥ്യം തിരിച്ചറിയുന്നതെന്നും അദ്ദേഹം പറഞ്ഞു.

സിനിമാ മോഹവുമായി ഒട്ടേറെയാളുകളാണ് മുംബൈയിലേക്ക് ചേക്കേറുന്നത്. അതില്‍ വളരെ കുറച്ചാളുകള്‍ മാത്രമേ വിജയിക്കൂ. വളരെ ചെറുപ്പം മുതല്‍ തന്നെ എന്റെ തലയില്‍ നിന്ന് മുടി കൊഴിഞ്ഞു പോയിക്കൊണ്ടേ ഇരുന്നു. അതുണ്ടാക്കിയ അരക്ഷിതാവസ്ഥയില്‍ ഞാന്‍ ഒരിക്കലും നടനാകുമെന്ന് ചിന്തിച്ചിട്ടേയില്ലായിരുന്നു. സംവിധാന സഹായിയായി സിനിമയില്‍ കയറിപ്പറ്റണം എന്നായിരുന്നു ലക്ഷ്യം. പല വഴിയ്ക്ക് അലഞ്ഞുവെങ്കിലും ഒന്നും ശരിയായി വന്നില്ല. 37 രൂപയായിരുന്നു സിനിമ മോഹിച്ച് മുംബൈയില്‍ എത്തുമ്പോള്‍ കയ്യിലുണ്ടായിരുന്നത്. അത് വളരെ പെട്ടന്നു തന്നെ തീര്‍ന്നുപോയി. കിടക്കാനൊരു ഇടംപോലും ഇല്ലാതെ കയ്യില്‍ ഒന്നുമില്ലാതെ മുംബൈ റെയില്‍വേ സ്റ്റേഷനില്‍ ജീവിതം തള്ളി നീക്കിയിട്ടുണ്ട്. ഇന്ന് ആ യാത്ര 530 സിനിമകളില്‍ എത്തിനില്‍ക്കുന്നു.



അഭിനയത്തില്‍ നിന്ന് ഇടവേളയെടുക്കാന്‍ ആഗ്രഹിക്കുന്നില്ലെന്നും താന്‍ ഏറ്റവും ആസ്വദിച്ച് ചെയ്യുന്ന ജോലിയാണിതെന്നും അനുപം ഖേര്‍ കൂട്ടിച്ചേര്‍ത്തു.

പലരും സിനിമയില്‍ നിന്ന് ബ്രേക്ക് എടുത്ത് വിദേശരാജ്യങ്ങളില്‍ യാത്ര പോകാറുണ്ട്. എനിക്ക് അങ്ങനെ ഒരിക്കല്‍ പോലും ചെയ്യാന്‍ തോന്നിയിട്ടില്ല. അതിനുള്ള കാരണം എന്തെന്നാല്‍ ഞാന്‍ ഏറ്റവും ആസ്വദിക്കുന്നത് അഭിനയിക്കുമ്പോഴാണ്. ആസ്വദിക്കുന്ന ഒരു കാര്യം ചെയ്യാതെ ഇരിക്കേണ്ടതില്ലല്ലോ? എന്റെ പേരിനൊപ്പം ലെജന്‍ഡറി ആക്ടര്‍, വെറ്ററൻ ആക്ടര്‍ തുടങ്ങിയ വിശേഷണങ്ങള്‍ ആവശ്യമില്ല. അത് കേള്‍ക്കുമ്പോള്‍ കരിയറിന്റെ അന്ത്യത്തില്‍ എത്തിയതുപോലെയുള്ള തോന്നലാണ് ഉണ്ടാകുന്നത്. ഞാന്‍ അഭിനയിച്ചുകൊണ്ടേയിരിക്കും. എന്റെ കരിയര്‍ തുടങ്ങിയിട്ടേയുള്ളൂ- അനുപം ഖേര്‍ പറഞ്ഞു.

Content Highlights: anupam kher, bollywood, iffi 2022


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

03:49

ശ്രീഹള്ളി പോകുന്ന വഴിയിലെ ചായക്കടയും ഹിറ്റായ ​ചായക്കടക്കാരനും; വീണ്ടുമെത്തുന്നു പൊള്ളാച്ചി രാജ

Nov 27, 2022


vizhinjam

2 min

പോലീസുകാരെ സ്‌റ്റേഷനിലിട്ട് കത്തിക്കുമെന്ന് ഭീഷണിമുഴക്കി; 85 ലക്ഷം രൂപയുടെ നാശനഷ്ടമെന്ന് FIR

Nov 28, 2022


'ഷിയും കമ്മ്യൂണിസ്റ്റുപാര്‍ട്ടിയും തുലയട്ടെ'; കോവിഡ് നിയന്ത്രണങ്ങള്‍ക്കെതിരെ ചൈനയില്‍ വന്‍ പ്രതിഷേധം

Nov 27, 2022

Most Commented