അര്‍ജന്റീനയ്ക്കുമുന്നില്‍ 'രണ്ടു ഫൈനല്‍'; എതിരാളികള്‍ മെക്സിക്കോയും പോളണ്ടും


സന്തോഷ് വാസുദേവ്

Argentina | Photo: JUAN MABROMATA / AFP

ത്തർ ലോകകപ്പിലെ ആദ്യമത്സരത്തിൽ അർജന്റീനയ്ക്കേറ്റ തോൽവി ആരാധകരെ നിരാശപ്പെടുത്തിയെങ്കിലും ടീമിന്റെ സാധ്യതകൾ ഇനിയും അവസാനിച്ചിട്ടില്ല. സി ഗ്രൂപ്പിൽ രണ്ടുമത്സരങ്ങൾകൂടി മെസ്സിപ്പടയ്ക്ക് അവശേഷിക്കുന്നു. രണ്ടിലും ജയിച്ചാൽ പ്രീക്വാർട്ടർ ഉറപ്പിക്കാം; ചിലപ്പോൾ ഗ്രൂപ്പ് ചാമ്പ്യന്മാരായിത്തന്നെ.

ഇനിയുള്ള രണ്ടു മത്സരങ്ങളും അർജന്റീനയ്ക്ക് രണ്ടു ‘ഫൈനൽ’ പോലെയാണ്. ആദ്യത്തേത് നവംബർ 26-ന് രാത്രി 12.30-ന് മെക്‌സിക്കോക്കെതിരേ. ഇതിൽ തോറ്റാൽ മടക്കടിക്കറ്റ് ഉറപ്പിക്കാം. ജയിച്ചാൽ അടുത്ത ‘ഫൈനൽ’ നവംബർ മുപ്പതിനു രാത്രി 12.30-നാണ്; പോളണ്ടിനെതിരേ. ഇതിനിടെ സൗദി അറേബ്യയുടെ ശേഷിക്കുന്ന രണ്ടുകളിയിലെ ഫലംകൂടി അർജന്റീനയുടെ സാധ്യതകളെ ബാധിക്കും.



നിലവിൽ: സി ഗ്രൂപ്പിൽ പോയന്റില്ലാത്ത ടീം അർജന്റീന മാത്രം. സൗദിക്ക് മൂന്ന്, പോളണ്ടിനും മെക്‌സിക്കോയ്ക്കും ഒന്ന് എന്നിങ്ങനെയാണ് പോയന്റ് നില.

സാധ്യതകൾ ഇങ്ങനെ

1. രണ്ടു കളിയിലും അർജന്റീന ജയിക്കുന്നു. ഇതിനൊപ്പം, സൗദിയും രണ്ടു മത്സരങ്ങളിൽ ജയിക്കുന്നു. അങ്ങനെയായാൽ ഒമ്പത് പോയന്റോടെ അവർ ഗ്രൂപ്പ് ചാമ്പ്യന്മാരാകും. ആറുപോയന്റോടെ അർജന്റീന രണ്ടാംസ്ഥാനക്കാരായി മുന്നേറും. രണ്ടുകളിയിൽ അർജന്റീന ജയിക്കുകയും സൗദിക്ക് ഒരു ജയവും ഒരു തോൽവിയുമാണെങ്കിൽ ഇരുകൂട്ടർക്കും ആറുപോയന്റാകും. അപ്പോൾ ഗോൾ ശരാശരിയിലാകും ഗ്രൂപ്പ് ജേതാക്കളെ നിർണയിക്കുക. അർജന്റീന രണ്ടു കളി ജയിക്കുകയും സൗദി രണ്ടു കളി തോൽക്കുകയോ രണ്ടു കളി സമനിലയിലാകുകയോ ചെയ്താൽ അർജന്റീന ഗ്രൂപ്പ് ജേതാക്കളായി മുന്നേറും.

2. അർജന്റീന ഒരു കളി ജയിക്കുന്നു, ഒരു കളി സമനിലയിലാകുന്നു. അങ്ങനെയെങ്കിൽ അവർക്ക് നാലു പോയന്റ്. ഇതിനൊപ്പം സൗദിക്ക് അഞ്ചു പോയന്റ് വരാനുള്ള സാധ്യതയുണ്ട്. ഈ സാഹചര്യത്തിൽ അർജന്റീന രണ്ടാം സ്ഥാനക്കാരായി മുന്നേറും. പോളണ്ട്, മെക്സിക്കോ ടീമുകളിലൊന്നിന് നാലു പോയന്റ് വരുന്നഘട്ടത്തിൽ അവരുമായി ഗോൾ താരതമ്യം നേരിടേണ്ടിവരും.

3. അർജന്റീന രണ്ടു കളിയും തോൽക്കുന്നു. അല്ലെങ്കിൽ രണ്ടു മത്സരങ്ങളും സമനിലയാകുന്നു -രണ്ടു സാഹചര്യത്തിലും അവർ പുറത്ത്. ഒരു കളി ജയിക്കുകയും ഒരു കളി തോൽക്കുകയും ചെയ്യുന്ന അവസ്ഥയിലും വഴി പുറത്തേക്കുതന്നെ.

Content Highlights: How Argentina can qualify for knockouts after shock loss to Saudi Arabia


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
photo: Getty Images

1 min

കളി കഴിഞ്ഞെന്നു കരുതി ചാനലില്‍ പരസ്യം വന്നു; തോറ്റതറിയാതെ ഫ്രഞ്ച് ആരാധകര്‍

Dec 1, 2022


03:44

രാത്രിയാണറിഞ്ഞത് സിന്തറ്റിക് ട്രാക്കാണെന്ന്, സ്പീഡ് കുറയുമെന്ന് പേടിച്ചാണ് ഷൂസിടാതെ ഓടിയത്

Nov 28, 2022


11:06

ആഫ്രിക്കക്കാര്‍ക്ക് ഫുട്‌ബോള്‍ ജീവിതം മാത്രമല്ല, അടിമക്കച്ചവടം കൂടിയാണ് | Second Half - 7

Dec 1, 2022

Most Commented