യൂറോപ്പിനെ കീഴടക്കാന്‍ ലാറ്റിനമേരിക്ക വിയര്‍ക്കും - സിദാന്‍


Photo: AFP

ഫുട്‌ബോള്‍ ലോകകപ്പിലെ രണ്ട് ഫൈനലുകളില്‍ ഗോള്‍ നേടുകയെന്ന അത്യപൂര്‍വ നേട്ടത്തിനുടമയാണ് ഫ്രാന്‍സിന്റെ മുന്‍ ക്യാപ്റ്റന്‍ സിനദിന്‍ സിദാന്‍. ചരിത്രത്തിലെ എക്കാലത്തെയും മികച്ച താരങ്ങളിലൊരാളായ സിദാന്‍, റയല്‍ മഡ്രിഡിന്റെ പരിശീലകനായും തിളങ്ങി. മൂന്ന് യുവേഫ ചാമ്പ്യന്‍സ് ലീഗ് കിരീടങ്ങള്‍ നേടിയ പരിശീലകനുമാണ് മുന്‍ ഫ്രഞ്ച് ഇതിഹാസം. ഖത്തര്‍ ലോകകപ്പിലെ സാധ്യതകളെക്കുറിച്ച് സിദാന്‍ മാതൃഭൂമിയോട് സംസാരിക്കുന്നു...

*ഈ ലോകകപ്പിലെ ഫേവിറിറ്റുകളായി പരിഗണിക്കപ്പെടുന്ന ടീമാണ് ഫ്രാന്‍സ്. എന്താണ് ടീമിന്റെ സാധ്യത?



അതെ, നിലവിലെ ജേതാക്കളാണല്ലോ ഫ്രാന്‍സ്. യോഗ്യതാ മത്സരങ്ങളിലും നന്നായി കളിച്ചിട്ടുണ്ട്. പക്ഷേ, കിരീടം നിലനിര്‍ത്തുക എന്നത് ബുദ്ധിമുട്ടേറിയ കാര്യമാണ്. 1938-ല്‍ ഇറ്റലിയും 1962-ല്‍ ബ്രസീലുമാണ് കിരീടം നിലനിര്‍ത്തിയ ടീമുകള്‍. അതിനടുത്തെത്തിയ ടീമുകള്‍ വേറെയും ഉണ്ടായിട്ടുണ്ട്. ഫ്രാന്‍സിന് ഇനിയും ഒരുപാട് ദൂരം മുന്നോട്ടുപോകാനുണ്ട്.

*മികച്ച മധ്യനിര താരങ്ങളായ പോള്‍ പോഗ്ബയുടെയും എന്‍ഗോളോ കാന്റെയുടെയും അഭാവം ഫ്രാന്‍സിന് പ്രശ്‌നമാകില്ലേ?

കളിക്കാരന് പരിക്കേറ്റാല്‍ പിന്നെ ഒന്നും ചെയ്യാനാവില്ലല്ലോ. പരിക്കുകള്‍ ഫുട്‌ബോളിന്റെ ഭാഗമാണ്. ക്ലബ്ബ് സീസണിനിടയിലാണ് താരങ്ങള്‍ ഇത്തവണ ലോകകപ്പിന് വരുന്നതെന്നതിനാല്‍ പരിക്കിനുള്ള സാധ്യതയുമേറുന്നു. പോഗ്ബയുടെയും കാന്റെയുടെയും അസാന്നിധ്യം ഫ്രാന്‍സിന് പ്രശ്‌നം സൃഷ്ടിക്കും. എന്നാല്‍, അതിനനുസരിച്ച് പരിശീലകന്‍ ടീമൊരുക്കുമെന്നാണ് പ്രതീക്ഷ.

*എഡ്വേര്‍ഡോ കാമവിംഗയെന്ന പ്രതിഭയുടെ ആദ്യ ലോകകപ്പാണിത്. താരത്തിന്റെ പരിചയക്കുറവ് പ്രശ്‌നമാകുമോ?

അതെ, ഇത് കാമവിംഗയ്ക്കും ഔറേലിയന്‍ ചൗമേനിക്കും അവരുടെ കഴിവ് പുറത്തെടുക്കാനുള്ള മികച്ച അവസരമാണ്. ലോകകപ്പിലെ മത്സരങ്ങള്‍ ഏറ്റവും കഠിനമായിരിക്കും.

*എംബാപ്പെയും ബെന്‍സെമയും മികച്ച മുന്നേറ്റനിര ജോടിയാണ്. ഇവരില്‍ ഒരാള്‍ ഈ ലോകകപ്പിലെ കൂടുതല്‍ ഗോളടിക്കുന്ന താരമാകുമോ?

അന്റോയിന്‍ ഗ്രീസ്മാനെ മറക്കരുത്. ഇവര്‍ മൂന്നുപേരും മികച്ചവരാണ്. മുന്നേറ്റനിരയില്‍ എംബാപ്പെയും ബെന്‍സെമയും സ്‌കോര്‍ ചെയ്യാനും പരസ്പരം പന്തെത്തിച്ചുനല്‍കാനും കഴിയുന്നവരാണ്. അവരില്‍നിന്ന് ഒരുപാട് ഗോളുകള്‍ നമുക്ക് കാണാം.

*ഗ്രൂപ്പ് ഘട്ടത്തില്‍ ഫ്രാന്‍സിന്റെ എതിരാളികളെക്കുറിച്ച്?

ഡെന്‍മാര്‍ക്ക് വലിയ ഭീഷണിയാകും. ഓസ്ട്രേലിയയും ടുണീഷ്യയും നിലവിലെ ചാമ്പ്യന്മാര്‍ക്ക് അവസാനനിമിഷംവരെ വെല്ലുവിളി സൃഷ്ടിച്ചേക്കും. ഗ്രൂപ്പ് ഘട്ടത്തിലെ എല്ലാ കളികളും മികച്ചതായിരിക്കുമെന്ന വിശ്വാസമുണ്ട്. ഈ ലോകകപ്പില്‍ എളുപ്പമുള്ള കളികളൊന്നും ഉണ്ടാകില്ലെന്നാണ് എനിക്ക് തോന്നുന്നത്. ഓരോ ടീമും അവരുടെ എതിരാളിയെ നന്നായി അറിയാന്‍ ഇപ്പോള്‍തന്നെ ശ്രമിക്കുന്നുണ്ടാകും. ഏഷ്യ, ആഫ്രിക്ക, യൂറോപ്പ് എന്നിവിടങ്ങളില്‍നിന്നുള്ള ടീമുകളുള്ള ഗ്രൂപ്പാണ് ഫ്രാന്‍സിന് ലഭിച്ചത്. ഇത് ആകര്‍ഷകമായ ഗ്രൂപ്പാണ്. ഒരു തെക്കേ അമേരിക്കന്‍ ടീമിന്റെ സാന്നിധ്യംകൂടി ഉണ്ടായിരുന്നങ്കില്‍ രസകരമായേനെ.

Content Highlights: Latin America will sweat to conquer Europe says zinedine zidane


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

37:49

സ്വപ്നങ്ങൾ വേണ്ടെന്ന് വെച്ചാൽ എന്റെ കുട്ടി അതാണ് പഠിക്കുക, ഞാനത് ആ​ഗ്രഹിക്കുന്നില്ല - അഞ്ജലി മേനോൻ

Nov 29, 2022


death

1 min

രാത്രി കാമുകിയെ കാണാന്‍ എത്തിയതിന് നാട്ടുകാര്‍ മര്‍ദിച്ചു; കോളേജ് വിദ്യാര്‍ഥി ജീവനൊടുക്കി

Nov 29, 2022


Kashmir Files

2 min

കശ്മീര്‍ ഫയല്‍സ് അശ്ലീലസിനിമ, വിമര്‍ശനത്തില്‍ വിവാദം; ജൂറി പദവി ദുരുപയോഗം ചെയ്‌തെന്ന് ഇസ്രയേല്‍

Nov 29, 2022

Most Commented