കോവിഡ് ബാധിച്ച താരത്തെ കളിപ്പിച്ചു, ഓസ്‌ട്രേലിയന്‍ വനിതാ ക്രിക്കറ്റ് ടീം വിവാദത്തില്‍


രോഗം സ്ഥിരീകരിച്ച് മണിക്കൂറുകള്‍ക്കകമാണ് താരം ഗ്രൗണ്ടിലിറങ്ങിയത്. 

മത്സരത്തിനിടെ മാസ്‌ക് ധരിച്ചുനിൽക്കുന്ന താലിയ | Photo: AFP

ബര്‍മിങ്ങാം: 2022 കോമണ്‍വെല്‍ത്ത് ഗെയിംസ് വനിതാ ക്രിക്കറ്റ് ഫൈനലില്‍ കോവിഡ് ബാധിതയായ താരത്തെ കളിപ്പിച്ച ഓസ്‌ട്രേലിയന്‍ ടീം വിവാദത്തില്‍. ഇന്ത്യയ്‌ക്കെതിരായ ഫൈനലിനിടെയാണ് ഈ സംഭവമരങ്ങേറിയത്. കോവിഡ് രോഗം സ്ഥിരീകരിച്ച താലിയ മഗ്രാത്ത് ഇന്ത്യയ്‌ക്കെതിരേ കളിച്ചു. രോഗം സ്ഥിരീകരിച്ച് മണിക്കൂറുകള്‍ക്കകമാണ് താരം ഗ്രൗണ്ടിലിറങ്ങിയത്.

തുടക്കത്തില്‍ മാസ്‌ക് ധരിച്ച് ഗ്രൗണ്ടിലെത്തിയ താലിയ പിന്നീട് ബാറ്റുചെയ്യാനിറങ്ങി ഏവരെയും അമ്പരപ്പിച്ചു. നാല് പന്തില്‍ നിന്ന് രണ്ട് റണ്‍സെടുത്ത താലിയ പിന്നീട് ഇന്ത്യ ബാറ്റ് ചെയ്യുമ്പോള്‍ ഫീല്‍ഡ് ചെയ്യാനുമിറങ്ങി. ഓസ്‌ട്രേലിയന്‍ ക്രിക്കറ്റും കോമണ്‍വെല്‍ത്ത് അധികൃതരും ചെയ്തത് നീതീകരിക്കാനാവാത്ത തെറ്റാണെന്ന് ആരാധകര്‍ ഒന്നടങ്കം പറയുന്നു.

കോവിഡ് രോഗം സ്ഥിരീകരിക്കുന്ന താരം ഉടന്‍ തന്നെ ടീം വിട്ട് ഐസൊലേഷനില്‍ പ്രവേശിക്കണമെന്നതാണ് നിയമം. ഇത് കാറ്റില്‍പ്പറത്തിയാണ് ഓസീസ് ഇന്ത്യയ്‌ക്കെതിരേ കളിച്ചത്. കോവിഡ് രോഗമുള്ള ഒരാളെ കളിപ്പിക്കാന്‍ മുന്‍കൈ എടുത്ത കോമണ്‍വെല്‍ത്ത് ഗെയിംസ് അധികൃതര്‍ കൃത്യമായ വിശദീകരണം നല്‍കണമെന്ന് ആരാധകര്‍ ആവശ്യപ്പെടുന്നു.

കോമണ്‍വെല്‍ത്ത് ഗെയിംസില്‍ കോവിഡ് രോഗം പടര്‍ന്നുപിടിച്ചിരുന്നു. ഇന്ത്യയുടെ ഹോക്കി താരം നവ്‌ജോത് കൗറിന് ടൂര്‍ണമെന്റിനിടെ രോഗം സ്ഥിരീകരിച്ചിരുന്നു. താരത്തോട് ഉടന്‍ തന്നെ രാജ്യം വിടാനാണ് കോമണ്‍വെല്‍ത്ത് ഗെയിംസ് അധികാരികള്‍ ആവശ്യപ്പെട്ടത്. ഓസ്‌ട്രേലിയന്‍ ക്രിക്കറ്റിന് ഒത്താശ ചെയ്തുകൊടുത്ത അധികൃതര്‍ വലിയ വിവാദത്തിനാണ് തിരികൊളുത്തിയത്. മത്സരത്തില്‍ ഓസ്‌ട്രേലിയ വിജയിച്ച് സ്വര്‍ണം നേടി.

Content Highlights: tahlia mcgrath, cwg 2022, covid at cwg, commonwealth games 2022, australian cricket, ind vs aus


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

11:48

ബ്രിട്ടന്‍, യു.കെ, ഇംഗ്ലണ്ട്... ഇതൊക്കെ രാജ്യങ്ങളാണോ? കണ്‍ഫ്യൂഷന്‍ തീര്‍ക്കാം | Inside Out

Sep 27, 2022


06:09

'വെട്ട് കിട്ടിയ ശേഷവും ചാടിക്കടിച്ചു'; പുലിയുടെ ആക്രമണ കഥ വിവരിച്ച് മാങ്കുളം ഗോപാലൻ 

Sep 27, 2022


rahul Gandhi

3 min

നടന്നു പോകുന്ന മനുഷ്യാ... നിങ്ങൾക്കൊപ്പമെത്താൻ ഇന്ത്യയ്ക്കാവുമെന്നു തോന്നുന്നില്ല

Sep 26, 2022

Most Commented