ഇലക്ട്രിക്കിലേക്കുള്ള ചുവടുവയ്പ്പ്; ഓട്ടോ എക്‌സ്‌പോയില്‍ പുതിയ അധ്യായം തുറക്കാന്‍ മാരുതി 


ടൊയോട്ടയുമായി ചേര്‍ന്ന് നിര്‍മിക്കുന്ന മിഡ് സൈസ് എസ്.യു.വിയാണ് മാരുതിയുടെ ആദ്യ ഇലക്ട്രിക് എന്നാണ് സൂചന.

പ്രതീകാത്മക ചിത്രം | ഫോട്ടോ: മാതൃഭൂമി

2023-ലെ ഡല്‍ഹി ഓട്ടോ എക്‌സ്‌പോ മാരുതി സുസുക്കിയെ സംബന്ധിച്ച് ഏറ്റവും പ്രധാനപ്പെട്ട ഒന്നാണ്. നാളുകളുടെ കാത്തിരിപ്പ് സമ്മാനിച്ചിട്ടുള്ള ജിമ്‌നി എന്ന എസ്.യു.വി. എത്തുന്നതിനൊപ്പം നാളിതുവരെ മാരുതി സാന്നിധ്യം അറിയിച്ചിട്ടില്ലാത്ത ഇലക്ട്രിക് വാഹനങ്ങളിലേക്കുള്ള ചുവടുവയ്പ്പും ഈ വാഹന മാമാങ്കത്തില്‍ പ്രതീക്ഷിക്കാം. ഇലക്ട്രിക് വാഹന വിപണിയുടെ 84 ശതമാനവും കൈയാളുന്ന ടാറ്റ മോട്ടോഴ്‌സിനെ വെല്ലുവിളിച്ചായിരിക്കും മാരുതിയുടെ ഇലക്ട്രിക് വാഹന പ്രവേശം.

ഇലക്ട്രിക് വാഹനങ്ങളിലേക്കുള്ള മാരുതിയുടെ എന്‍ട്രി ചില്ലറക്കാരനുമായായിരിക്കില്ലെന്നാണ് റിപ്പോര്‍ട്ടുകള്‍. ടൊയോട്ടയുമായി ചേര്‍ന്ന് നിര്‍മിക്കുന്ന മിഡ് സൈസ് എസ്.യു.വിയാണ് മാരുതിയുടെ ആദ്യ ഇലക്ട്രിക് എന്നാണ് സൂചന. ഒറ്റത്തവണ ചാര്‍ജ് ചെയ്താല്‍ 500 കിലോമീറ്റര്‍ സഞ്ചരിക്കാനുള്ള ശേഷിയാണ് ഈ വാഹനത്തില്‍ നല്‍കുന്നതെന്നാണ് വിവരം. മാരുതി Evx എന്ന കോഡ്നെയിമില്‍ നിര്‍മിക്കുന്ന ഈ വാഹനം രാജ്യാന്തര വിപണികളെയും ലക്ഷ്യമിട്ടാണെത്തുന്നത്.

ടൊയോട്ടയുടെ ഗ്ലോബല്‍ പ്ലാറ്റ്ഫോമായ 40 പി.എല്ലിന്റെ മറ്റൊരു രൂപമായ 27 പി.എല്‍ അടിസ്ഥാനമാക്കിയാണ് മാരുതിയുടെ ഇലക്ട്രിക് വാഹനം ഒരുങ്ങുന്നത്. ക്രെറ്റ, എം.ജി. ZS ഇ.വി. എന്നീ മോഡലുകളെക്കാള്‍ വലിപ്പത്തിലായിരിക്കും വൈ.വൈ8 ഒരുങ്ങുക. 2700 എം.എം. ആയിരിക്കും വൈ.വൈ8-ന്റെ വീല്‍ബേസ്. ഇത് ബാറ്ററിക്കായി ഉയര്‍ന്ന സ്പേസും വിശാലയമായ ക്യാബിനും ഒരുക്കും. 4.2 മീറ്ററായിരിക്കും ഈ വാഹനത്തിന്റെ നീളമെന്നാണ് പ്രതീക്ഷിക്കുന്നത്.

ചൈനീസ് ബാറ്ററി നിര്‍മാതാക്കളായ ബി.വൈ.ഡിയായിരിക്കും മാരുതിക്കായി ബാറ്ററികള്‍ വിതരണം ചെയ്യുന്നത്. 48 kWh, 59kWh എന്നീ രണ്ട് എല്‍.എഫ്.പി. ബ്ലേഡ് സെല്‍ ബാറ്ററി ഓപ്ഷനുകളില്‍ എത്തുന്ന മാരുതിയുടെ ഇലക്ട്രിക് വാഹനത്തിന് 400 കിലോമീറ്റര്‍ മുതല്‍ 500 കിലോമീറ്റര്‍ റേഞ്ച് ഉറപ്പാക്കും. ടൂ വീല്‍ ഡ്രൈവ്, ഓള്‍ വീല്‍ ഡ്രൈവ് സംവിധാനത്തില്‍ എത്തുന്ന ഈ വാഹനം ഉത്പാദിപ്പിക്കുന്ന പവര്‍ 138 എച്ച്.പിക്കും 170 എച്ച്.പിക്കും ഇടയിലായിരിക്കുമെന്നാണ് സൂചന.

വിലയില്‍ ഞെട്ടിക്കുക എന്നതാണ് മാരുതിയുടെ മറ്റൊരു ലക്ഷ്യം. ഇന്ന് ഇലക്ട്രിക് എസ്.യു.വികളില്‍ ഏറ്റവും കുറഞ്ഞ വിലയില്‍ ലഭിക്കുന്ന നെക്സോണ്‍ ഇ.വിയാണ്. എന്നാല്‍, ഇതിലും കുറഞ്ഞ വിലയില്‍ എത്തിക്കുകയാണ് മാരുതിയുടെ ലക്ഷ്യം. ഏകദേശം 13 ലക്ഷം രൂപ മുതല്‍ 15 ലക്ഷം രൂപ വരെ വിലയില്‍ ഇലക്ട്രിക് എസ്.യു.വി. എത്തിക്കുകയാണ് മാരുതിയുടെ ലക്ഷ്യം. ഈ ഓട്ടോ എക്സ്പോയില്‍ പ്രദര്‍ശിപ്പിക്കുമെങ്കിലും 2025-ഓടെ മാത്രമേ ഇത് വിപണിയില്‍ എത്തിക്കൂ.

Content Highlights: Maruti Suzuki first electric model will showcase delhi auto expo 2023, Delhi auto expo 2023


Also Watch

Add Comment
Related Topics

Get daily updates from Mathrubhumi.com

Newsletter
Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
State Car

1 min

പുതിയ 8 ഇന്നോവ ക്രിസ്റ്റ കാറുകള്‍ വാങ്ങി സര്‍ക്കാര്‍: മന്ത്രി റിയാസിന് പഴയ കാറിനൊപ്പം പുതിയ കാറും

Feb 1, 2023


Gautam adani

1 min

'നാല് പതിറ്റാണ്ടിലെ വിനീതമായ യാത്ര, വിജയത്തില്‍ കടപ്പാട് അവരോട്'; വിശദീകരണവുമായി അദാനി

Feb 2, 2023


Pinarayi Vijayan

3 min

എയിംസ് ഇല്ല, റെയില്‍വേ വികസനമില്ല; ബജറ്റ് കേരളത്തിന് നിരാശാജനകമെന്ന് മുഖ്യമന്ത്രി

Feb 1, 2023

Most Commented