• News
  • Views
  • Videos
  • Movies
  • Sports
  • Money
  • Women
  • Crime
  • Auto
  • Tech
  • Social
More
  • News
  • Social Issues
  • Social Media
  • Socio Politics
  • Athijeevanam
  • Socio Legal

'ബിന്ദാസ്‌ ബോല്‍' ഷോ മുസ്ലിങ്ങളെ അധിക്ഷേപിക്കുന്നത്; സംപ്രേക്ഷണം വിലക്കി സുപ്രീം കോടതി

Sep 15, 2020, 06:42 PM IST
A A A

മാധ്യമ സ്വാതന്ത്ര്യത്തിന്റെ പേരില്‍ മാധ്യമങ്ങള്‍ക്കു എന്തും പറയാമെന്ന് കരുതരുതെന്നും കോടതി ചൂണ്ടിക്കാട്ടി. അമേരിക്കയിലേത് പോലെ മാധ്യമ പ്രവര്‍ത്തകര്‍ക്ക് പ്രത്യേക സ്വാതന്ത്ര്യം ഇവിടെയില്ലെന്നും ബെഞ്ചിലെ അംഗം ആയ ജസ്റ്റിസ് കെ എം ജോസഫ് നിരീക്ഷിച്ചു.

# ബി. ബാലഗോപാൽ / മാതൃഭൂമി ന്യൂസ്
Supreme court
X

സുപ്രീം കോടതി |  ഫൊട്ടോ : റോയിട്ടേഴ്സ്

ന്യൂഡല്‍ഹി: സിവില്‍ സര്‍വീസിലേക്ക് മുസ്ലിങ്ങള്‍ കൂടുതലായി എത്തുന്നത് യു.പി.എസ്.സി ജിഹാദ് ആണെന്ന് ആരോപിച്ച് സുദര്‍ശന്‍ ടി.വി പ്രക്ഷേപണം ചെയ്യുന്ന വാര്‍ത്താധിഷ്ഠിത പരിപാടി ഇനി ഒരു ഉത്തരവ് ഉണ്ടാകുന്നത് വരെ സംപ്രേക്ഷണം ചെയ്യുന്നത് സുപ്രീം കോടതി വിലക്കി. സുദര്‍ശന്‍ ടിവി യില്‍ സംപ്രേക്ഷണം ചെയ്യുന്ന ന്ദാസ് ബോല്‍ എന്ന ഷോ പ്രാഥമിക പരിശോധനയില്‍ മുസ്ലിം സമുദായത്തില്‍ പെട്ടവരെ അധിക്ഷേപിക്കുന്നതാണെന്നും സുപ്രീം കോടതി വിലയിരുത്തി. 

രാജ്യത്തെ സുപ്രീം കോടതി എന്ന നിലയില്‍ മുസ്ലിം സമുദായത്തില്‍പെട്ടവര്‍ സിവില്‍ സര്‍വീസിലേക്ക് നുഴഞ്ഞു കയറുന്നു എന്ന് ആരെയും പറയാന്‍ അനുവദിക്കാന്‍ കഴിയില്ല എന്ന് ജസ്റ്റിസുമാരായ ഡി.വൈ.  ചന്ദ്രചൂഡ്, ഇന്ദു മല്‍ഹോത്ര, കെ.എം. ജോസഫ് എന്നിവര്‍ അടങ്ങിയ ബെഞ്ച് വ്യക്തമാക്കി. ജാമിയ മിലിയ സര്‍വ്വകലാശാലയിലെ വിദ്യാര്‍ത്ഥികള്‍ സിവില്‍ സര്‍വ്വീസില്‍ എത്തുന്നത് ഗൂഢാലോചനയാണെന്ന വാദം അടിസ്ഥാനരഹിതമാണെന്ന് കോടതി വ്യക്തമാക്കി.

മാധ്യമ സ്വാതന്ത്ര്യത്തിന്റെ പേരില്‍ മാധ്യമങ്ങള്‍ക്കു എന്തും പറയാമെന്ന് കരുതരുതെന്നും കോടതി ചൂണ്ടിക്കാട്ടി. മറ്റ് പൗരന്മാര്‍ക്ക് ഉള്ള സ്വാതന്ത്ര്യം മാത്രമേ മാധ്യമ പ്രവര്‍ത്തകര്‍ക്കും ഉള്ളൂ. അമേരിക്കയിലേത് പോലെ മാധ്യമ പ്രവര്‍ത്തകര്‍ക്ക് പ്രത്യേക സ്വാതന്ത്ര്യം ഇവിടെയില്ലെന്നും ബെഞ്ചിലെ അംഗമായ ജസ്റ്റിസ് കെ.എം. ജോസഫ് നിരീക്ഷിച്ചു. ദൃശ്യമാധ്യമങ്ങളുടെ സ്വാതന്ത്ര്യത്തിന്റെ പരിധി നിശ്ചയിക്കാന്‍ സമിതി രൂപീകരിക്കേണ്ടതാണെന്നും കോടതി അഭിപ്രായപ്പെട്ടു. 

ചില വാര്‍ത്താ ചാനലുകളില്‍ നടക്കുന്ന ഏകപക്ഷീയമായ ചര്‍ച്ചകളെ കോടതി വിമര്‍ശിച്ചു.  ചില ചര്‍ച്ചകളില്‍ ആങ്കര്‍മാര്‍ ആണ് കൂടുതല്‍ സമയവും സംസാരിക്കുന്നത്. പാനലിസ്റ്റുകളെ സ്വതന്ത്രമായി സംസാരിക്കാന്‍ അനുവദിക്കാറില്ല. ചില അവസരങ്ങളില്‍ പാനലിസ്റ്റുകളുടെ മൈക്ക് പകുതി ഓഫ് ചെയ്യുകയാണ്. ചര്‍ച്ചകളില്‍ നിഷ്പക്ഷരായ മാധ്യമപ്രവര്‍ത്തകരെയാണ് ആവശ്യം എന്നും ജസ്റ്റിസ് ജോസഫ് അഭിപ്രായപ്പെട്ടു.

അതേസമയം മാധ്യമ സ്വാതന്ത്ര്യം അംഗീകരിച്ചും ബഹുമാനിച്ചും മാത്രമേ ജസ്റ്റിസ് കെ. എം. ജോസഫ് മുന്നോട്ട് വച്ച ആശങ്ക പരിഹരിക്കാന്‍ കഴിയുകയുള്ളു. മാധ്യമങ്ങളെ നിയന്ത്രിക്കുന്നത് ജനാധിപത്യത്തിലെ ദുരന്തം ആയിരിക്കും എന്ന് സോളിസിറ്റര്‍ ജനറല്‍ തുഷാര്‍ മേത്ത ചൂണ്ടിക്കാട്ടി.

പല വെബ് പോര്‍ട്ടലുകളുടെയും യഥാര്‍ത്ഥ ഉടമകള്‍ ആരാണെന്ന് പോലും വ്യക്തമല്ല. ഒരു സമാന്തര മാധ്യമം ഇവിടെ വളരുകയാണ്. ഒരു ലാപ് ടോപ്പും നെറ്റ് കണക്ഷനും ഉണ്ടെങ്കില്‍ ഒരു മാധ്യമപ്രവര്‍ത്തകന് ഈ സമാന്തര മാധ്യമ സംവിധാനത്തിലൂടെ വാര്‍ത്തകള്‍ ലക്ഷകണക്കിന് പേരില്‍ എത്തിക്കാന്‍ കഴിയും. എന്നാല്‍ ഇത്തരം മാധ്യമങ്ങളിലെ ഉള്ളടക്കം നിയന്ത്രിക്കാന്‍ ഇവിടെ സംവിധാനങ്ങളില്ലെന്നും സോളിസിറ്റര്‍ ജനറല്‍ തുഷാര്‍ മേത്ത വാദിച്ചു.

ദേശീയ സുരക്ഷയെ ബാധിക്കുന്ന വിഷയം ആയതിനാല്‍ ആണ് തങ്ങള്‍ ബിന്ദാ​സ് ബോല്‍ എന്ന ഷോ സംപ്രേക്ഷണം ചെയ്യുന്നതെന്നായിരുന്നു ചാനലിന് വേണ്ടി ഹാജരായ സീനിയര്‍ അഭിഭാഷകന്റെ വാദം. വിദേശ രാജ്യങ്ങളില്‍ നിന്ന് വലിയ തോതില്‍ ഉള്ള ഫണ്ടിംഗ് ഉള്‍പ്പെടുന്ന വിഷയമാണെന്നും അഭിഭാഷകന്‍ വാദിച്ചു.

Content Highlights: SC stays telecast of Sudarshan TV show

PRINT
EMAIL
COMMENT

 

Related Articles

ലൈഫ് മിഷന്‍: സി.ബി.ഐ അന്വേഷണത്തിനെതിരെ സംസ്ഥാനം സുപ്രീംകോടതിയില്‍ ഹര്‍ജി ഫയല്‍ ചെയ്തു
Videos |
Careers |
കെ.എ.എസ്. സംവരണത്തിനെതിരായ ഹര്‍ജികളില്‍ സുപ്രീംകോടതി നോട്ടീസ്
News |
കോടതി അലക്ഷ്യം: കുണാല്‍ കാംറയ്ക്കും രചിത തനേജയ്ക്കും സുപ്രീം കോടതിയുടെ നോട്ടീസ്
News |
ഓര്‍ത്തഡോക്‌സ് പള്ളികളിലെ നിര്‍ബന്ധിത കുമ്പസാരത്തിനെതിരായ ഹര്‍ജിയില്‍ സുപ്രീം കോടതി നോട്ടീസ്
 
  • Tags :
    • Supreme Court India
    • Media
More from this section
kunal kamra
മാപ്പ് പറയില്ല, പിഴയടക്കില്ല; ട്വീറ്റ് പിന്‍വലിക്കില്ലെന്നും കുണാല്‍ കമ്ര
Supreme court
പ്രത്യേക മതവിഭാഗത്തെ ലക്ഷ്യം വെക്കാൻ മാധ്യമങ്ങള്‍ക്ക് അധികാരമില്ലെന്ന് സുപ്രീം കോടതി
Newzealand shooting
പിതാവിന്റെ കാലില്‍ പറ്റി നിന്ന മൂന്ന് വയസ്സുകാരനെ മനപ്പൂർവ്വം വെടിവെച്ചു, നിങ്ങൾ നിര്‍ദയൻ- കോടതി
Prashanth Bhushan
പ്രശാന്ത് ഭൂഷണ്‍ കേസ് സെപ്റ്റംബര്‍ 10-ലേക്ക് മാറ്റി; പുതിയ ബെഞ്ചിന് വിടണം- ജസ്റ്റിസ് അരുണ്‍ മിശ്ര
court
നവജാത ശിശുവിന് മുലപ്പാല്‍ നിഷേധിച്ച സംഭവം: അമ്മയ്ക്ക് ശിക്ഷ വിധിച്ച് കോടതി
News+ Latest News Today's special Local News Gulf Crime Good News News in Pics News in Videos Kerala India World NRI
Views Columns Features Special Pages Interviews In-Depth Social Politics Web Exclusive Cartoon
Leisure Movies Sports Music Travel Books Magazines Kids Free E-book Game Zone Sudoku
Learn / Earn Money Auto Tech Careers Education Agriculture Youth Environment Science University News How To
Lifestyle Women Food MyHome Health Spirituality Astrology
Multimedia Videos Live TV Mojo News Web Shows Audio Photostories Zoom In Gallery
Our Network English Edition Print Gulf NRI Mathrubhumi News TV Kappa TV Club FM Seed Silver Bullet FindHome Media School MBIFL Redmic
E- Paper
Subscription
Buy Books
Magazines
Classifieds
Archives
 
  • E- Paper
  • Subscription
  • Buy Books
  • Magazines
  • Classifieds
  • Archives
© Copyright Mathrubhumi 2021. All rights reserved.
Mathrubhumi

Click on ‘Get News Alerts’ to get the latest news alerts from Mathrubhumi

About Us Contact Us Privacy Policy
Terms of Use Archives
Ad Tariff Download App Classifieds
Buy Books Subscription e-Subscription
 
           
© Copyright Mathrubhumi 2021. All rights reserved.