കനത്ത മഴയില്‍ ബന്ധുക്കള്‍ മുഴുവന്‍ വീടിനുള്ളില്‍ കുടുങ്ങിപ്പോയെന്നറിഞ്ഞ് പകച്ചുനില്‍ക്കുകയാണ് ആറന്മുള സ്വദേശി ഡോ.നീതു കൃഷ്ണന്‍. പ്രായമായ അമ്മൂമ്മമാരും അമ്മയും ഭര്‍ത്താവും ഏഴു വയസ്സുള്ള മകളുമുള്‍പ്പെടെ തന്റെ കുടുംബം ആറന്‍മുളയിലെ വീടിന്റെ ഒന്നാം നിലയില്‍ കുടുങ്ങിപ്പോയെന്നു പറഞ്ഞു ഇന്നലെയും ഇന്നുമായി രണ്ടു തവണ നീതു ഫേസ്ബുക്കില്‍ ലൈവ് ഇട്ടിരുന്നു.
എന്നാല്‍ രക്ഷാപ്രവര്‍ത്തകര്‍ക്ക് ഇതുവരെ ആ പ്രദേശത്തേക്ക് എത്താന്‍ കഴിഞ്ഞില്ല. കുടുംബത്തെ ഫോണില്‍ ബന്ധപ്പെടാന്‍ ശ്രമിച്ചെങ്കിലും അവരുടെ മാത്രമല്ല, ചുറ്റുമുള്ളവരുടെ പോലും ഫോണുകളൊന്നും പ്രവര്‍ത്തിക്കുന്നില്ലെന്നും ഏഴു വയസ്സുള്ള തന്റെ മകളെ ഓര്‍ത്തെങ്കിലും അവരെ കണ്ടെത്തണമെന്നും അപേക്ഷിക്കുകയാണ് ഡോ നീതു.
ചെങ്ങന്നൂര്‍-കോഴഞ്ചേരി റോഡില്‍ കോഴിപ്പാലത്തിനും ആഞ്ഞിരമുട്ടിക്കടവിനും ഇടയ്ക്ക് നന്മ സ്റ്റേറിനു പിന്‍വശത്താണ് നീതുവിന്റെ വീട്. വീടിന്റെ ലൊക്കേഷനും നീതു ഫെയ്സ്ബുക്കിലൂടെ പങ്കുവെച്ചിരുന്നു. പിന്നീട് മണിക്കൂറുകള്‍ക്ക് ശേഷം തന്റെ മകളും കുടുംബവും സുരക്ഷിതരാണെന്ന് നീതു ഫെയ്സ്ബുക്കിലൂടെ അറിയിച്ചു. കുടുംബത്തെ രക്ഷപ്പെടുത്താന്‍ സഹായിച്ച എല്ലാവര്‍ക്കും നന്ദിയുണ്ടെന്നും അവര്‍ പറഞ്ഞു.
RELATED STORIES
IN CASE YOU MISSED IT
.jpg?$p=1990e2a&f=1x1&w=100&q=0.8)
.jpg?$p=351d588&f=1x1&w=100&q=0.8)
.jpg?$p=246738b&f=1x1&w=100&q=0.8)
.jpg?$p=bec7056&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..