'അന്തസ്സോടെയുള്ള ജീവിതം മൗലികാവകാശം; ലൈംഗിക തൊഴിലാളികൾക്ക് ഉത്തരവ് ആശ്വാസം'


നിലീന അത്തോളി

ലൈംഗികതൊഴില്‍ നിയമവിരുദ്ധമല്ല പക്ഷെ ട്രാഫിക്കിങ് നിയമവിരുദ്ധമാണ്. പക്ഷെ, ട്രാഫിക്കിങ്ങിനെയും ലൈംഗിക തൊഴിലിനെയും കൂട്ടിക്കുഴച്ചാണ് പലപ്പോഴും സമൂഹവും അധികാരികളും കാണുന്നത്- ഡോ. എ.കെ. ജയശ്രീ പറഞ്ഞു.

നളിനി ജമീല, ഡോ. എ.കെ. ജയശ്രീ

"ഏത് തൊഴില്‍ ചെയ്യുന്നവളോ ഏത് കുലത്തില്‍പെട്ടവളോ ഏത് സാമ്പത്തിക സ്ഥിതിയുള്ളവളോ ആയി കൊള്ളട്ടെ അന്തസ്സോടെ ജീവിക്കുക എന്നത് ഒരു വ്യക്തിയുടെ മൗലികാവകാശമാണ്."

രാജ്യത്തെ ലൈംഗിക തൊഴിലാളികള്‍ക്ക് റേഷന്‍ കാര്‍ഡുകളും വോട്ടര്‍ ഐ.ഡി. കാര്‍ഡുകളും സര്‍ക്കാരുകള്‍ എത്രയും പെട്ടെന്നു നല്‍കണമെന്ന് ഉത്തരവിട്ടു കൊണ്ടാണ് സുപ്രീം കോടതി ഈ ഓര്‍മ്മപ്പെടുത്തലുകള്‍ നടത്തിയത്. ആയിരക്കണക്കിന് ലൈംഗിക തൊഴിലാളികള്‍ വിലാസമില്ലാതെ ജീവിക്കുന്ന രാജ്യത്ത് തിരിച്ചറിയല്‍ കാര്‍ഡുകള്‍ ലഭിക്കുക എന്നത് പല ലൈംഗിക തൊഴിലാളികളെ സംബന്ധിച്ചും അപ്രാപ്യമാണ്. ഈ സാഹചര്യം പരിഗണിച്ചു കൊണ്ട് എയഡ്‌സ് കണ്‍ട്രോള്‍ സൊസൈറ്റിയുടെ പട്ടികയിലുള്‍പ്പെട്ട ലൈംഗികതൊഴിലാളികള്‍ക്കെല്ലാം തിരിച്ചറിയല്‍ കാര്‍ഡുകളും റേഷന്‍ കാര്‍ഡുകളും സംസ്ഥാന സര്‍ക്കാരുകള്‍ എത്രയും പെട്ടെന്ന് നല്‍കണമെന്നാണ് കോടതി ഉത്തരവ്. ലൈംഗിക തൊഴിലാളികളും അവരുടെ ക്ഷേമത്തിന് വേണ്ടി നിലകൊള്ളുന്ന സംഘടനകളും വലിയ രീതിയിലാണ് ഈ ഉത്തരവിനെ സ്വീകരിച്ചത്. ലൈംഗിക തൊഴിലാളികള്‍ അന്തസ്സുള്ളവരാണെന്നും അവര്‍ക്ക് അവരര്‍ഹിക്കുന്ന ഭരണഘടനാ അവകാശങ്ങള്‍ ഉണ്ടെന്നും ഓര്‍മ്മിപ്പിക്കുന്നതാണ് ഉത്തരവ്. വിഷയവുമായി ബന്ധപ്പെട്ട് ലൈംഗികതൊഴിലാളികളുടെ അവകാശങ്ങള്‍ക്ക് വേണ്ടി പോരാടിയ ഡോ. എ.കെ. ജയശ്രീ, ഇവരുടെ ക്ഷേമത്തിനായി പ്രവര്‍ത്തിക്കുന്ന സംഘടനയുടെ നേതൃത്വത്തിലുള്ള ലളിത സതീശന്‍, ലൈംഗിക തൊഴിലാളിയുടെ ജീവിതകഥ എഴുതിയ എഴുത്തുകാരിയും ആക്ടിവിസ്റ്റുമായ നളിനി ജമീല എന്നിവര്‍ വിഷയത്തില്‍ പ്രതികരിക്കുന്നു.



എ.കെ. ജയശ്രീ, സാമൂഹിക നിരീക്ഷ

(കണ്ണൂര്‍ ഗവ.മെഡിക്കല്‍ കോളേജിലെ കമ്യൂണിറ്റി മെഡിസിന്‍ വിഭാഗം മേധാവി)