സ്‌കൂളിലെ പ്രിന്‍സിപ്പാളിന്റെ ശല്യപ്പെടുത്തല്‍; എതിര്‍ത്തപ്പോള്‍ മാനസികപീഡനം, നീതി തേടി യുവതി


അഞ്ജന രാമത്ത്

Representational image: Mathrubhumi.com

തിരുവനന്തപുരം: മൈലം ജിവി രാജ സ്‌പോര്‍ട്‌സ് സ്‌കൂളിലെ പ്രിന്‍സിപ്പാൾ ഇന്‍ചാര്‍ജ് സി.എസ് പ്രദീപിനെതിരെ പരാതിയുമായി ജീവനക്കാരി. മൊബൈല്‍ ഫോണ്‍ വഴി അപമര്യാദയായി സംസാരിച്ചുവെന്നും എതിര്‍ത്തതിനാല്‍ മാനസികമായി പീഡിപ്പിക്കുയുമാണെന്നാണ് പരാതി. താന്‍ ഭയന്നിരിക്കുകയാണെന്നും നീതി വേണമെന്നും ഡല്‍ഹി സ്വദേശിനിയായ യുവതി മാതൃഭൂമി ഓണ്‍ലൈനിനോട് പറയുന്നു.

"2021 മാര്‍ച്ചിലാണ് ഇവിടെ ജോലിയില്‍ പ്രവേശിക്കുന്നത്. ഏപ്രില്‍ മുതല്‍ ഫോണില്‍ അപമര്യാദയായി പെരുമാറുകയായിരുന്നു ഇതിനെ ശക്തമായി ഞാന്‍ എതിര്‍ത്തു. ശേഷം ജോലിസ്ഥലത്ത് പലരീതിയില്‍ മാനസികമായി ബുദ്ധിമുട്ടിക്കുകയായിരുന്നു", യുവതി പറയുന്നു.

നവംബര്‍ ഒന്നിനാണ് ഇവര്‍ പരാതി നല്‍കുന്നത്. ഇപ്പോഴും സി.എസ് പ്രദീപ് പ്രിന്‍സിപ്പാള്‍ ഇന്‍ചാര്‍ജാണ്. ഇദ്ദേഹത്തിന് കീഴില്‍ തന്നെ വീണ്ടും ജോലി ചെയ്യേണ്ടി വരുന്നത് ഭയമുണ്ടാക്കുന്നുവെന്നും പരാതിക്കാരി മാതൃഭൂമി ഡോട്ട് കോമിനോട് പറഞ്ഞു.

"ഭാഷ പോലും അറിയാതെ ഇത്തരം സാഹചര്യത്തില്‍ നില്‍ക്കുന്നത് ഭയം ജനിപ്പിക്കുന്നുണ്ട്. പോലീസ് നടപടിയെടുക്കുമെന്ന പ്രതീക്ഷയിലാണ് മുന്നോട്ട് പോകുന്നത്", ഇവര്‍ പറയുന്നു. കുട്ടികള്‍ക്ക് ഭക്ഷ്യവിഷബാധ ഉണ്ടായ സംഭവത്തില്‍ സ്‌കൂളില്‍ നിന്ന് സ്ഥലം മാറ്റപ്പെട്ട് തിരികെയെത്തിയ അധ്യാപകനാണ് സി.എസ് പ്രദീപ്

അരുവിക്കര പോലീസ് സ്‌റ്റേഷനിലാണ് പരാതി രജിസ്റ്റര്‍ ചെയ്തിരിക്കുന്നത്. കായിക മന്ത്രിക്കും സ്‌പോര്‍ട്‌സ് ഡയറക്ട്രേറ്റിലും യുവതി പരാതി നല്‍കിയിട്ടുണ്ട്.

Content Highlights: Sexual Assault case in GV Raja Sports School Mylam


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
kt kunhumon and atlas ramachandran

1 min

സിനിമയിൽ താൻ വളർത്തി വലുതാക്കിയവരാൽത്തന്നെ അവഹേളിതനായ രാമചന്ദ്രൻ; ഓർമക്കുറിപ്പുമായി കുഞ്ഞുമോൻ

Oct 3, 2022


Nude Library

വേണമെങ്കില്‍ വസ്ത്രം ധരിച്ചാല്‍ മതി; വ്യത്യസ്തമാണ് ഈ അമേരിക്കന്‍ ലൈബ്രറി

Dec 12, 2021


ATLAS RAMACHANDRAN

2 min

'ജനകോടികളുടെ വിശ്വസ്ത സ്ഥാപനം', തിരിച്ചുവരാന്‍ മോഹിച്ചിട്ടും നാടുകാണാതെ മടക്കം

Oct 3, 2022

Most Commented