കൊച്ചി: ശാസ്ത്ര- സ്വതന്ത്രചിന്താ പ്രസ്ഥാനമായ എസ്സെന്‍സ് ഗ്ലോബലിന്റെ വാര്‍ഷിക സമ്മേളനം ഡിസംബര്‍ 11ന് ശനിയാഴ്ച എറണാകുളം ടൗണ്‍ഹാളില്‍ നടക്കും. രാവിലെ 9 മണിമുതല്‍ ശാസ്ത്ര- സ്വതന്ത്രചിന്താ സെമിനാറായ എസ്സെന്‍ഷ്യ-21 നടക്കും. ട്രിക്ക്സ് എന്ന യൂട്യൂബ് ചാനലിലൂടെ ദിവ്യാത്ഭുദങ്ങള്‍ എന്ന് അവകാശപ്പെടുന്ന കാര്യങ്ങളുടെ വസ്തുത വെളിപ്പെടുത്തി ശ്രദ്ധേയനായ ഫാസില്‍ ബഷീറിന്റെ ഷോയാണ് ആദ്യം.
2017, 2018, 2019 വര്‍ഷങ്ങളില്‍ എസ്സെന്‍ഷ്യ സംഘടിപ്പിച്ചിരുന്നു. കഴിഞ്ഞ വര്‍ഷം കോവിഡ് നിയന്ത്രണങ്ങള്‍ മൂലം പരിപാടി മുടങ്ങിയിരുന്നു. ഈ വര്‍ഷം കോവിഡ് നിയന്ത്രണങ്ങളില്‍ വന്ന ഇളവുകള്‍ക്കും നിലവിലുള്ള നിയന്ത്രണങ്ങള്‍ക്കും വിധേയമായി പരിപാടി നടത്തുകയാണെന്ന് സംഘാടകര്‍ അറിയിച്ചു.
'ഹ്യൂമസിനം വൈറല്‍' എന്ന തലവാചകമാണ് എസ്സെന്‍ഷ്യ-21ന് നല്‍കിയിരിക്കുന്നത്. കേരളത്തിന് അകത്തും പുറത്തുമുള്ള നിരവധി പ്രഭാഷകര്‍ എസ്സെന്‍ഷ്യയില്‍ പങ്കെടുക്കും.
എസ്സെന്‍ഷ്യ-21, കാര്യപരിപാടി ഇങ്ങനെ
രാവിലെ 8മണി- രജിസ്ട്രേഷന്‍
9 മണി - ഫാസില്‍ ബഷീര്‍- ട്രിക്ക്സ് മാനിയ - നൊ വണ്‍ഡേഴസ്, ഓള്‍ സയന്‍സ്
ചന്ദ്രശേഖര്‍ ആര്‍.- തുള്ളി തള്ളുന്നവര്‍- പകര്‍ന്നാട്ടം 2
ആരിഫ് ഹുസൈന്‍- അതാണ് ശരി, അതാണ്
ഡോ കെ. എം. ശ്രീകുമാര്‍- എന്‍ഡോസള്‍ഫാന്‍ പ്രശ്നം ഒരു വ്യാപാരയുദ്ധമോ?
മനുജാ മൈത്രി- ജ്യൂസ് കുടിക്കരുത്
കാന എം. സുരേശന്‍ -രാസകേളികള്‍ , ഗെയിം ഓഫ് കെമിക്കല്‍സ്
ഡോ. ഹരീഷ് കൃഷ്ണന്‍ - വെളിച്ചപ്പാടും മന്ത്രവാദികളും
ഉഞ്ചോയി -കലര്‍പ്പ് - ട്രൈബ്സ് ആന്‍ഡ് കാപ്പിറ്റലിസം
ബിജുമോന്‍ എസ്. പി.- മുല്ലപ്പെരിയാര്‍ ഭീതിവ്യാപാരം വേണ്ട
സുരാജ് സി. എസ്.- നമ്മള്‍ ഇന്ത്യയിലെ ജനങ്ങള്‍, ദ അണ്‍ടോള്‍ഡ് സ്റ്റോറി ഓഫ് പ്രീയാമ്പിള്‍
ജാഫര്‍ ചളിക്കോട് -മഹോന്നത കേളികള്‍
ടോമി സെബാസ്റ്റ്യന്‍- ക്രിസ്തുവിന്റെ ഡയറിക്കുറിപ്പുകള്‍
രവിചന്ദ്രന്‍ സി.- ഭൂതം- ദ ബബിള്‍ ഓഫ് എക്സ്റ്റന്‍ഡെഡ് സെല്‍ഫ്
രവിചന്ദ്രന്‍ സി-. എക്സചേഞ്ച്- ഇന്റാക്ഷന്‍ വിത്ത് രവിചന്ദ്രന്‍ സി
Subscribe
Subscribe
