പടവെട്ട് സിനിമയില്‍ നിന്ന് സംവിധായകന്റെ പേരെടുത്ത് മാറ്റണം, ഇരയുടെ ആവശ്യത്തിനൊപ്പം- കെ. അജിത


കെ. അജിത | ഫോട്ടോ : ശിവ പ്രസാദ്

കോഴിക്കോട് : ലിജു കൃഷ്ണ ബലാത്സംഗം ചെയ്ത കേസില്‍ ആശുപത്രിയില്‍ ചികിത്സയില്‍ കഴിയുന്ന പെണ്‍കുട്ടിയുടെ ആവശ്യത്തിന് പിന്തുണയര്‍പ്പിച്ച് ആക്ടിവിസ്റ്റും മനുഷ്യാവകാശ പ്രവര്‍ത്തകയുമായ കെ. അജിത. പടവെട്ട് സിനിമയുടെ ക്രഡിറ്റ് ലൈനില്‍ നിന്ന് പ്രതിയായ സംവിധായകന്റെ പേരെടുത്തു കളയുക എന്ന ആവശ്യമാണ് ആശുപത്രിക്കിടക്കയില്‍ നിന്ന് അക്രമത്തിനിരയായ പെണ്‍കുട്ടി മുന്നോട്ടുവെച്ചത്. ഇരയുടെ ആവശ്യത്തിനൊപ്പം നില്‍ക്കുന്നുവെന്നും സിനിമയുടെ ക്രഡിറ്റ് ലൈനില്‍ നിന്ന് പേരെടുത്ത് കളഞ്ഞില്ലെങ്കില്‍ സിനിമക്കെതിരേ ശക്തമായ പ്രതിഷേധവുമായി മുന്നോട്ടു പോവുമെന്നും അജിത അറിയിച്ചു.

അക്രമത്തിനിരയായ പെൺകുട്ടിയുടെ ക്ഷയിക്കുന്ന ആരോഗ്യസ്ഥിതി വിശദീകരിച്ച് മാതൃഭൂമി ഡോട്ട്‌കോമില്‍ ഇര ശരീരം ക്ഷയിച്ച് മനസ്സ് തളര്‍ന്ന് ആശുപത്രിയില്‍; പ്രതി സിനിമാ റിലീസിന്റെ ആഘോഷ മൂഡില്‍ എന്ന വാര്‍ത്ത പ്രസിദ്ധീകരിച്ചിരുന്നു. ഈ വാര്‍ത്തയെ തുടര്‍ന്നാണ് അജിതയുടെ പ്രതികരണം.

അതിജീവിതയുടെ ആവശ്യത്തിനൊപ്പം നില്‍ക്കണമെന്ന ആവശ്യം മുന്നോട്ടുവെച്ച് ഫെയ്‌സ്ബുക്കില്‍ പോസ്റ്റും പങ്കുവെച്ചിരുന്നു അജിത.

Also Read
EXCLUSIVE

'പടവെട്ട്' സിനിമയുടെ ക്രെഡിറ്റിൽ ലിജു കൃഷ്ണയുടെ ...

EXCLUSIVE

ഇര ശരീരം ക്ഷയിച്ച് ആശുപത്രിയിൽ; പ്രതിയായ ...

സിനിമയുടെ സംവിധായക ക്രെഡിറ്റില്‍നിന്ന് പ്രതിയുടെ പേരെടുത്ത് കളയണമെന്ന് ആവശ്യപ്പെട്ട് സി.ബി.എഫ്‌.സിക്കും മറ്റും പെണ്‍കുട്ടി കത്തെഴുതിയിട്ടുണ്ട്. ഇതുവരെ മറുപടി കിട്ടിയിട്ടില്ല. രണ്ടു വര്‍ഷത്തിലധികമായി റേപ്പ് റീലിവ് ചെയ്ത്, അതികഠിനമായ ശാരീരിക അവസ്ഥകളിലൂടെ കടന്നു പോകുന്ന പെൺകുട്ടിക്ക്‌ ഒരാവശ്യമേയുള്ളൂ, കോടതിയും വിചാരണയും കടന്ന് വൈകി നീതിയെത്തുംവരെ നടക്കേണ്ട ചില നീതികളുണ്ട്. അത് പ്രതിയുടെ പേര് അയാൾ സംവിധാനം ചെയ്ത പടവെട്ട് സിനിമയുടെ ക്രെഡിറ്റ് ലൈനില്‍നിന്ന് എടുത്ത് കളയുക എന്നതാണ്. അതിനായി പൊതുസമൂഹത്തിന്റെ പിന്തുണ തേടുകയാണവള്‍. സെപ്റ്റംബർ ആദ്യവാരമാണ് സിനിമയുടെ റിലീസ്.

സംഭവശേഷം പി.ടി.എസ്.ഡി.( പോസ്റ്റ്‌ട്രോമാറ്റിക് സ്ട്രസ് ഡിസോര്‍ഡർ)യിലായ പെണ്‍കുട്ടിക്ക് പലപ്പോഴും ശുചിമുറിയിൽ പോവാനും ഒന്നെഴുന്നേറ്റ് നടക്കാനും സുഹൃത്തുക്കളുടെ സഹായം വേണം. 60 കിലോ ഗ്രം ഭാരമുണ്ടായിരുന്ന പെണ്‍കുട്ടി അതിക്രമശേഷം 30 കിലോ വരെ എത്തി. രണ്ട് തവണ ആത്മഹത്യാശ്രമവും നടത്തി. ആ അവസ്ഥയില്‍നിന്ന് ഇപ്പോൾ സംസാരിക്കാനുള്ള കെല്‍പിലേക്ക് ഈ പെണ്‍കുട്ടി എത്തിയത് ആശുപത്രിയിലെ പരിചരണത്തിനു ശേഷമാണ്.

#NoCreditsForAbusers #CannotCelebrateRapist


Content Highlights: Director Lijukrishna,padavettu movie, rape, sexual assault, victim hospitalised,social,mathrubhumi


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
wedding

2 min

വധു ഒഴികെ ആരും ക്യാമറ കണ്ടില്ല; ആ ക്ലിക്കിന് കിട്ടിയത് രണ്ടു ലക്ഷം രൂപ സമ്മാനം

Sep 25, 2022


Police

1 min

വീട്ടിൽനിന്ന്‌ രഹസ്യ ഗോവണി, ബംഗ്ലാവില്‍ ആര്‍ഭാടജീവിതം; മുപ്പതിലധികം കവർച്ചക്കേസുകളിലെ പ്രതി കുടുങ്ങി

Sep 25, 2022


രണ്ടരവർഷത്തെ കാത്തിരിപ്പ്; പിണക്കം മറന്ന് മടങ്ങിയെത്തിയ ഓമനപ്പൂച്ചയെ വാരിപ്പുണർന്ന് ഉടമകൾ

Sep 25, 2022

Most Commented