100 ദിവസത്തിനകം 12799 തൊഴിലവസരം ഒരുക്കും- ടി. പി രാമകൃഷ്ണൻ


ടി പി രാമകൃഷ്ണൻ

വിവിധ ഒഴിവുകളിലേക്കായി 2700 ഉദ്യോഗാര്‍ഥികള്‍ക്ക് നൂറു ദിവസത്തിനിടയില്‍ നിയമനം നല്‍കാനാവുമെന്ന് പ്രതീക്ഷിക്കുന്നതായും അദ്ദേഹം പറഞ്ഞു.

ടി. പി രാമകൃഷ്ണൻ | ഫോട്ടോ : മാതൃഭൂമി

നൂറുദിനംകൊണ്ട് അമ്പതിനായിരം തൊഴിലവസരങ്ങള്‍ സൃഷ്ടിക്കാനുള്ള സര്‍ക്കാരിന്റെ കര്‍മപദ്ധതിയുടെ ഭാഗമായി എംപ്ലോയ്മെന്റ് എക്‌സ്ചേഞ്ചുകള്‍ വഴി 12,799 തൊഴിലവസരങ്ങള്‍ ഒരുക്കുമെന്ന് തൊഴില്‍, നൈപുണ്യ, എക്‌സൈസ് വകുപ്പ് മന്ത്രി ടി. പി രാമകൃഷ്ണൻ.

എംപ്ലോയ്മെന്റ് എക്‌സ്ചേഞ്ചുകള്‍ വഴി നടപ്പാക്കുന്ന സ്വയം തൊഴില്‍പദ്ധതികളായ ശരണ്യയിലൂടെ 2,200-ഉം കൈവല്യ പദ്ധതിയിലൂടെ 7449-ഉം തൊഴില്‍ സൃഷ്ടിക്കും. 25 ജോബ് ക്ലബ്ബുകള്‍ മുഖേന 50 പേര്‍ക്കും കെസ്റു പദ്ധതിയിലൂടെ 400 പേര്‍ക്കും തൊഴിലവസരം നല്‍കും. വിവിധ ഒഴിവുകളിലേക്കായി 2700 ഉദ്യോഗാര്‍ഥികള്‍ക്ക് നൂറു ദിവസത്തിനിടയില്‍ നിയമനം നല്‍കാനാവുമെന്ന് പ്രതീക്ഷിക്കുന്നതായും അദ്ദേഹം പറഞ്ഞു. മാതൃഭൂമി പത്രത്തിലെഴുതിയ ലേഖനത്തിലാണ് ഇക്കാര്യം അറിയിച്ചത്.

"വൈവിധ്യവത്കരണത്തിന്റെയും ആധുനികീകരണത്തിന്റെയും പാതയിലൂടെ കേരളത്തിലെ എംപ്ലോയ്മെന്റ് എക്‌സ്ചേഞ്ചുകള്‍ തൊഴിലും പരിശീലനവും വ്യക്തിത്വവികാസവും പ്രദാനം ചെയ്യുന്ന കേന്ദ്രങ്ങളായി മാറിക്കഴിഞ്ഞു. എംപ്ലോയ്മെന്റ് എക്‌സ്ചേഞ്ചുകള്‍ നൈപുണ്യവികസനകേന്ദ്രങ്ങള്‍ കൂടിയായി ഉയരുകയാണ്. ഇതിന്റെ ഭാഗമായി രൂപം നല്‍കിയ കരിയര്‍നയം ഉടന്‍ പ്രഖ്യാപിക്കും.

എംപ്ലോയ്മെന്റ് എക്‌സ്ചേഞ്ചുകള്‍ വഴി നടത്തേണ്ട ഒരു നിയമനവും കുടുംബശ്രീ അടക്കമുള്ള ഏജന്‍സികള്‍ക്ക് വിട്ടുകൊടുത്തിട്ടില്ല. 100 ചതുരശ്ര മീറ്ററില്‍ കൂടുതല്‍ വിസ്തീര്‍ണമുള്ള സര്‍ക്കാര്‍ ഓഫീസില്‍ എംപ്ലോയ്മെന്റ് എക്‌സ്ചേഞ്ച് മുഖേനയാണ് സ്വീപ്പര്‍മാരെ നിയമിക്കുന്നത്. 100 ചതുരശ്ര മീറ്ററില്‍ താഴെയുള്ളവ മാത്രമാണ് കുടുംബശ്രീ വഴി നിയമിക്കുന്നത്.

കേന്ദ്രാവിഷ്‌കൃതപദ്ധതികളിലേക്കുള്ള നിയമനങ്ങളും എംപ്ലോയ്മെന്റ് എക്‌സ്ചേഞ്ചുകള്‍ വഴി നടത്താന്‍ നിര്‍ദേശം നല്‍കിയിട്ടുണ്ട്. ഈ സര്‍ക്കാരിന്റെ കാലത്ത് വലിയതോതിലുള്ള ആധുനികീകരണനടപടികളാണ് എംപ്ലോയ്മെന്റ് വകുപ്പ് സ്വീകരിച്ചത്. രജിസ്ട്രേഷന്‍, സര്‍ട്ടിഫിക്കറ്റ് ചേര്‍ക്കല്‍, രജിസ്ട്രേഷന്‍ പുതുക്കല്‍, തുടങ്ങി എല്ലാ സേവനവും ഇ-എംപ്ലോയ്മെന്റ് മുഖേന നിര്‍വഹിക്കാന്‍ കഴിയും. കൂടുതല്‍ പേരിലേക്ക് എംപ്ലോയ്മെന്റ് എക്‌സ്ചേഞ്ചുകളുടെ സേവനമെത്തിക്കാന്‍ തൊഴില്‍ദാതാക്കളെക്കൂടി ഓണ്‍ലൈനില്‍ രജിസ്റ്റര്‍ ചെയ്യിപ്പിക്കാനുള്ള നടപടികള്‍ നടന്നുവരുകയാണ്", ടിപി രാമകൃഷ്ണൻ പറഞ്ഞു.

Content Highlights: 12799 jobs in 100 days says TP Ramakrishnan

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
Nambi, Sasikumar

9 min

നമ്പി നാരായണൻ അപമാനിക്കുന്നത് ഐ.എസ്.ആർ.ഒയെ- ശശികുമാർ

Aug 10, 2022


thomas isaac

2 min

'ആ അഞ്ചുവര്‍ഷം നഷ്ടപ്പെട്ടില്ലായിരുന്നെങ്കില്‍ വേറൊരു കേരളമായേനെ, ഇ.ഡിയുടെ നീക്കം പാര്‍ട്ടി നേരിടും'

Aug 11, 2022


swathi sekhar

1 min

ഭാര്യ കിടപ്പുരോഗി, കാമുകിക്കായി സ്വന്തംവീട്ടില്‍നിന്ന് 550 പവന്‍ മോഷ്ടിച്ചു; വ്യവസായി അറസ്റ്റില്‍

Aug 9, 2022

Most Commented