NASA
ചുവന്നഗ്രഹം എന്നറിയപ്പെടുന്ന ചൊവ്വ വരണ്ടുണങ്ങിയ അനന്തമായ മരുപ്രദേശമാണിന്ന്. എന്നാല്‍ ചൊവ്വ മുമ്പ് അങ്ങനെയായിരുന്നില്ലെന്നും ഇതുവരെ കരുതിയിരുന്നതിനേക്കാള്‍ ഏറെ കാലം അവിടെ വെള്ളം ഒഴുകിയിരുന്നുവെന്നുമാണ് നാസയുടെ പുതിയ ഗവേഷണം വ്യക്തമാക്കുന്നത്.
നൂറ് കോടിക്കണക്കിന് വര്‍ഷങ്ങള്‍ക്ക് മുമ്പ് ഭൂമിയിലേത് പോലെ ചൊവ്വയിലും നദികളും തടാകങ്ങളും ഉണ്ടായിരുന്നു. സൂക്ഷ്മ ജീവികള്‍ നിലനില്‍ക്കാനുള്ള സാഹചര്യവും ഉണ്ടായിരുന്നു. എന്നാല്‍ ചൊവ്വയുടെ അന്തരീക്ഷം നേര്‍ത്തില്ലാതായതോടെ ഈ ജലം വറ്റി വരണ്ടില്ലാതാവുകയായിരുന്നു. ഇത് സംഭവിച്ചത് ഏകദേശം 300 കോടി വര്‍ഷങ്ങള്‍ക്ക് മുമ്പായിരിക്കുമെന്നാണ് വിശ്വസിച്ചിരുന്നത്. എന്നാല്‍ മാര്‍സ് റികൊനൈസന്‍സ് ഒര്‍ബിറ്ററില്‍ നിന്ന് ശേഖരിച്ച കഴിഞ്ഞ 15 വര്‍ഷക്കാലത്തെ വിവരങ്ങള്‍ വിശകലനം ചെയ്ത എല്ലന്‍ ലീസ്‌ക്, ബെഥനി എല്‍മാന്‍ എന്നീ ഗവേഷകര്‍ പറയുന്നത് കാലയളവില്‍ ചില മാറ്റങ്ങളുണ്ടെന്നാണ്.
അതായത് 300 കോടി വര്‍ഷമല്ല 200-250 കോടി വര്‍ഷങ്ങള്‍ക്ക് മുമ്പ് വരെ ചൊവ്വയില്‍ വെള്ളത്തിന്റെ സാന്നിധ്യം ഉണ്ടായിരുന്നുവെന്നാണ് ഈ ഗവേഷണത്തിലെ കണ്ടെത്തല്‍. മഞ്ഞുരുകിയ ജലം ആവിയായി പോയ സ്ഥലങ്ങളിലെ ക്ലോറൈഡ് സാള്‍ട്ടിന്റെ സാന്നിധ്യം ഇവര്‍ ഇതിനായി വിശകലനം ചെയ്തു. അടുത്ത കാലം വരെ ചൊവ്വയിലെ ചില താഴ്‌വാരങ്ങളില്‍ വെള്ളം ഒഴുകിയിരുന്നതായി അനുമാനമുണ്ടെങ്കിലും ഇത് സ്ഥിരീകരിക്കാനുള്ള വിവരങ്ങള്‍ ലഭ്യമല്ല. ഉപ്പിന്റെ നിക്ഷേപങ്ങളിലൂടെയാണ് ഇവിടെ ജലസാന്നിധ്യമുണ്ടെന്ന് തന്നെ സ്ഥിരീകരിച്ചത്.
എജിയു അഡ്വാന്‍സ് ജേണലില്‍ ഈ പഠനം പ്രസിദ്ധീകരിച്ചിട്ടുണ്ട്. ചൊവ്വയില്‍ സൂക്ഷ്മജീവികളുടെ ജീവന്‍ എത്രത്തോളം നിലനില്‍ക്കും എന്നതുള്‍പ്പെടെ രസകരമായ പുതിയ ചോദ്യങ്ങള്‍ അവര്‍ ഉന്നയിക്കുന്നു.
Content Highlights: water flowed on mars longer than previously thought new research finds
ശാസ്ത്ര സാങ്കേതിക വിദ്യാ രംഗത്തെ കൂടുതല്‍ വാര്‍ത്തകള്‍ ടെലഗ്രാം വഴി അറിയാം ഗ്രൂപ്പില്‍ അംഗമാവൂ... ക്ലിക്ക് ചെയ്യൂ: https://t.me/technews_mbi
Also Watch
RELATED STORIES
IN CASE YOU MISSED IT
.jpg?$p=aa62323&f=1x1&w=100&q=0.8)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..