ഇനി ചില്ലുപോലെയുള്ള മരപ്പലക; ഗവേഷണത്തല്‍ രണ്ട് മലയാളികളും


എം.ബി. ബാബു

സുതാര്യമായ മരപ്പലക| Photo: Special Arrangement

പ്രകാശം കടത്തിവിടുന്ന മരപ്പലകയോ... 'എത്ര മനോഹരമായ നടക്കാത്ത സ്വപ്നം' എന്നു വിചാരിക്കാന്‍ വരട്ടെ. മരപ്പലകകളെ ചില്ലിന് സമാനമായി മാറ്റിയെടുക്കാനാകുമെന്ന് പറയുന്നത് രണ്ടു മലയാളികള്‍ ഉള്‍പ്പെടുന്ന അഞ്ചു ഗവേഷകരാണ്. പ്ലാസ്റ്റിക്‌രഹിത ഭൂമിയിലേക്കുള്ള ഇവരുടെ കണ്ടെത്തലിന് പേറ്റന്റും കിട്ടി.

പ്ലാസ്റ്റിക് പോലെ വഴങ്ങുന്നതും ഭാരംകുറഞ്ഞതും വിലകുറച്ച് നിര്‍മിക്കാനാകുന്നതും പ്രകൃതിയോട് അലിഞ്ഞുചേരുന്നതുമായ മരപ്പലകയാണ് വികസിപ്പിച്ചത്.



സംഘാംഗങ്ങള്‍

ബെംഗളൂരുവിലെ ഇന്‍സ്റ്റിറ്റ്യൂട്ട് ഓഫ് വുഡ് സയന്‍സ് ആന്‍ഡ് ടെക്‌നോളജിയില്‍നിന്ന് വിരമിച്ച ഡോ. കൃഷ്ണ കെ. പാണ്ഡെയുടെ നേതൃത്വത്തിലായിരുന്നു ഗവേഷണം.

ബെംഗളൂരുവിലെ മൗണ്ട് കാര്‍മല്‍ കോളേജില്‍ സുവോളജിവിഭാഗം അസി. പ്രൊഫസറായ തൃശ്ശൂര്‍ ആമ്പല്ലൂര്‍ അരങ്ങത്ത് വീട്ടില്‍ ഡോ. ശ്രീജ നായര്‍, ബെംഗളൂരുവിലെ ഇന്‍സ്റ്റിറ്റ്യൂട്ട് ഓഫ് വുഡ് സയന്‍സ് ആന്‍ഡ് ടെക്‌നോളജിയിലെ ഗവേഷകനും തലശ്ശേരി സ്വദേശിയും കേരള കാര്‍ഷിക സര്‍വകലാശാലയിലെ കോളേജ് ഓഫ് ഫോറസ്ട്രിയില്‍ അസി. പ്രൊഫസറുമായ അനീഷ് എം. ചാത്തോത്ത്,

കേന്ദ്ര പരിസ്ഥിതി മലിനീകരണ നിയന്ത്രണ ബോര്‍ഡില്‍ സീനിയര്‍ സയന്റിഫിക് അസിസ്റ്റന്റായ ഡോ. ആനന്ദ എന്‍. സുബ്ബറാവു, ദേവങ്കരേ എ.വി.കെ. കോളേജ് ഓഫ് വുമണ്‍സില്‍ അസി. പ്രൊഫസറായ ഡോ. ഗിരിധര്‍ ബി. നാഗരാജപ്പ എന്നിവരാണ് ഗവേഷണ സംഘാംഗങ്ങള്‍. ബെംഗളൂരുവിലെ ഇന്‍സ്റ്റിറ്റ്യൂട്ട് ഓഫ് വുഡ് സയന്‍സ് ആന്‍ഡ് ടെക്‌നോളജിയുടെ പേരിലാണ് പേറ്റന്റ്.

അനീഷ് എം. ചാത്തോത്തും ശ്രീജ നായരും| Photo: Special Arrangement

മരപ്പലക എങ്ങനെ വഴങ്ങുന്നതാക്കാം

മരപ്പലകയില്‍ പോളിവിനൈല്‍ ആല്‍ക്കഹോളും പ്രൊപ്പലൈന്‍ ഗ്ലൈകോളും ഉപയോഗിച്ചാണ് മാറ്റിയെടുക്കുന്നത്. കട്ടികുറഞ്ഞ മരപ്പലകകളാണ് ഉപയോഗിക്കുന്നത്. തീരെ കട്ടികുറഞ്ഞതും 100 ശതമാനം സുതാര്യവുമായ മരപ്പലകകള്‍ വികസിപ്പിച്ചെടുക്കാനുള്ള ഗവേഷണമാണ് ഇപ്പോള്‍ തുടരുന്നത്.

ലോകം ഉറ്റുനോക്കുന്നു

ലോകത്തെ ബഹുഭൂരിപക്ഷം രാജ്യങ്ങളിലും 'സുതാര്യമായ മരം' എന്ന ആശയത്തില്‍ ഗവേഷണം തുടരുകയാണ്. 1992-ല്‍ ജര്‍മന്‍ ശാസ്ത്രജ്ഞനായ സീഗ് ഫ്രൈഡ് ഫിങ്ക് പുറത്തുവിട്ട ആശയമാണിത്. 2016-ല്‍ സ്വീഡനിലെ റോയല്‍ കെ.ടി.എച്ച്. സര്‍വകലാശാല വന്‍ഗവേഷണങ്ങള്‍ നടത്തി. ഏതാണ്ട് 140 ഗവേഷണപ്രബന്ധങ്ങള്‍ പുറത്തിറങ്ങി.

തടി എങ്ങനെ സുതാര്യമാക്കാം

തടിയുടെ നിറത്തിനു കാരണമായ ലിഗ്‌നിന്‍ എന്ന പദാര്‍ഥത്തെ മുഴുവനായോ ഭാഗികമായോ രാസപ്രക്രിയയിലൂടെ നീക്കംചെയ്യും. ബാക്കിയുള്ള സെല്ലുലോസ് കവചത്തില്‍ (cellulose framework) പ്രകാശം കടത്തിവിടാന്‍ സഹായിക്കുന്ന ഒരു സുതാര്യ പോളിമര്‍ വാക്വം (transparent polymer vacuum) സമ്മര്‍ദത്തിലൂടെ സംയോജിപ്പിക്കും

Content Highlights: transparent glass made from wood could soon become a reality

ശാസ്ത്ര സാങ്കേതിക വിദ്യാ രംഗത്തെ കൂടുതല്‍ വാര്‍ത്തകള്‍ ടെലഗ്രാം വഴി അറിയാം ഗ്രൂപ്പില്‍ അംഗമാവൂ... ക്ലിക്ക് ചെയ്യൂ: https://t.me/technews_mbi


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

03:49

ശ്രീഹള്ളി പോകുന്ന വഴിയിലെ ചായക്കടയും ഹിറ്റായ ​ചായക്കടക്കാരനും; വീണ്ടുമെത്തുന്നു പൊള്ളാച്ചി രാജ

Nov 27, 2022


nazer faizy koodathayi

2 min

'പോര്‍ച്ചുഗല്‍ അധിനിവേശം നടത്തിയ രാജ്യം, എതിര്‍പ്പ് വഴിവിട്ട ആരാധനയോട്'; വിശദീകരണവുമായി സമസ്ത

Nov 25, 2022


perod abdul rahman saqafi,abdul muhsin aydeed

1 min

താരങ്ങള്‍ അങ്ങോട്ടുമിങ്ങോട്ടും ഓടിയാല്‍ കോടികള്‍; ഫുട്‌ബോള്‍ ആവേശത്തിനെതിരെ കൂടുതല്‍ മതപണ്ഡിതര്‍

Nov 26, 2022

Most Commented