C ബോർ ആറ്റം മാതൃക പ്രകാരം ന്യൂക്ളിയസിന്‌ ചുറ്റും 
ഇലക്‌ട്രോണുകൾ കറങ്ങിക്കൊണ്ടിരിക്കുന്ന നിശ്ചിത ഊർജനിലകളാണ്‌ ഷെല്ലുകൾ.
C സബ്‌ ഷെല്ലുകളുടെ ഊർജക്രമം
1s, 2s, 2p, 3s, 3p, 4s, 3d, 4p, 5s....
C ക്രോമിയം (ആറ്റോമികസംഖ്യ 24)
C കോപ്പർ (ആറ്റോമിക സംഖ്യ 29)
 അനുസരണയ്ക്കപ്പുറത്താണ് 
സ്ഥിരതയ്ക്കായുള്ള കൈമാറ്റം
ക്രോമിയം (ആറ്റോമിക സംഖ്യ = 24) കോപ്പർ (ആറ്റോമികസംഖ്യ = 29) എന്നിവയുടെ വിന്യാസത്തിൽ 3d, 4s എന്നീ സബ് ഷെല്ലിലെ ഇലക്‌ട്രോണുകളുടെ എണ്ണത്തിൽ മാറ്റം കാണാറുണ്ട്. ഇതിന് കാരണം പൂർണമായും നിറഞ്ഞതോ, നേർപകുതി നിറഞ്ഞതോ ആയ വിന്യാസം കൂടുതൽ സ്ഥിരത നൽകുന്നു എന്നതാണ്. അത്തരം വിന്യാസത്തിൽ സമതുലനാവസ്ഥ (symmetry) ഉള്ളതും വിനിമയ ഊർജം (exchange energy) കുറവുമായ അവസ്ഥ സൃഷ്ടിക്കപ്പെടുന്നു എന്നതാണ് കാരണം.

vidya2

ബാഹ്യതമ ഷെല്ലിലുള്ള ഇലക്‌ട്രോണുകളുടെ സവിശേഷതകൾ 
C ബാഹ്യതമ ഷെല്ലിലെ ഇലക്‌ട്രോണുകൾ ന്യൂക്ളിയസിൽ നിന്ന് അകലത്തായതിനാൽ അവയുടെ ഊർജം കൂടുതലും (സ്ഥിരത കുറവും) ന്യൂക്ലിയസുമായുള്ള ആകർഷണബലം കുറവുമായിരിക്കും. അതുകൊണ്ട് ഇവരാണ് രാസപ്രവർത്തനത്തിൽ പങ്കെടുക്കാറ്.
C ബാഹ്യതമ ഇലക്‌ട്രോണുകൾ മാത്രമാണ് അയോണിക ബന്ധനം, സഹസംയോജക ബന്ധനം എന്നിവയിൽ ഏർപ്പെടാറ്. 
C ഒരാറ്റത്തിന്റെ സംയോജകത (valancy), ഓക്‌സീകരണാവസ്ഥ (oxidation state) എന്നിവ നിർണയിക്കുന്ന പ്രധാനഘടകം. ബാഹ്യതമ ഇലക്‌ട്രോണുകളുടെ എണ്ണമാണ്. 
C ഒരാറ്റത്തിലെ അവസാന ഇലക്‌ട്രോൺ വന്നുചേരുന്ന സബ്ഷെല്ലിൽനിന്ന്‌ ആ ആറ്റം സ്ഥിതി ചെയ്യുന്ന ബ്ലോക്ക് മനസ്സിലാക്കാം. അതായത്, ആറ്റത്തിന്റെ അവസാന ഇലക്‌ട്രോണുകൾ വന്നു ചേരുന്നത് S സബ് ഷെല്ലിലാണെങ്കിൽ ആ മൂലകം S ബ്ലോക്ക് മൂലകത്തിൽ പെട്ടതായിരിക്കും, അതേപോലെ ഒരാറ്റത്തിന്റെ അവസാന ഇലക്ട്രോൺ വന്നു ചേരുന്നത് p സബ് ഷെല്ലിലാണെങ്കിൽ അത് p ബ്ലോക്ക് മൂലകത്തിൽ പെടുന്നതായിരിക്കും.
ടേബിൾ (1)
n നമ്പർ ഷെല്ലിൽ പരമാവധി 2n2 ഇലക്‌ട്രോണുകൾ ഉൾക്കൊള്ളുന്നതാണ്.