തിരുവനന്തപുരം: റിപ്പബ്ലിക് ദിനാഘോഷങ്ങളുടെ ഭാഗമായി സെൻട്രൽ സ്റ്റേഡിയത്തിൽ 26-നു രാവിലെ ഒമ്പതിന് ഗവർണർ ആരിഫ് മുഹമ്മദ് ഖാൻ ദേശീയ പതാക ഉയർത്തും. സായുധസേന, പോലീസ്, പാരാമിലിട്ടറി, എൻ.സി.സി. പരേഡുകളും ചടങ്ങിൽ നടക്കും. കോവിഡ് പശ്ചാത്തലത്തിൽ ക്ഷണിക്കപ്പെട്ട 100 പേർക്കായിരിക്കും പ്രവേശനം.
മന്ത്രിമാർ പതാക ഉയർത്തുന്ന ജില്ലാതല ചടങ്ങുകൾക്കും നൂറുപേർക്കേ പ്രവേശനമുള്ളൂ. സബ് ജില്ലാ തലത്തിൽ സബ് ജില്ലാ മജിസ്‌ട്രേറ്റുമാരും ബ്ലോക്ക് തലത്തിൽ ബ്ലോക്ക് പഞ്ചായത്ത് പ്രസിഡന്റുമാരുമാണ് പതാക ഉയർത്തുക. 75 പേർക്ക് പങ്കെടുക്കാം.
തദ്ദേശ സ്ഥാപനങ്ങളിൽ അധ്യക്ഷന്മാരാണ് പതാക ഉയർത്തുക. ചടങ്ങിന് 50 പേർക്കാണ് പ്രവേശനം. സർക്കാർ സ്ഥാപനങ്ങളിലും പൊതുമേഖലാ സ്ഥാപനങ്ങളിലും സ്കൂളുകളിലും നടക്കുന്ന പരിപാടികളിൽ പരമാവധി 50 പേരെ പങ്കെടുപ്പിക്കാം. കുട്ടികൾക്കും മുതിർന്ന പൗരന്മാർക്കും ചടങ്ങുകളിൽ പ്രവേശനമുണ്ടാവില്ല.
